'रंग माझा वेगळा’ मालिकेत होणार 'या' लोकप्रिय अभिनेत्रीची एन्ट्री!
स्टार प्रवाहवरील 'रंग माझा वेगळा' मालिकेचं कथानक अतिशय उत्कंठावर्धक वळणावर येऊन पोहोचलं आहे. अशातच आता या मालिकेत अभिज्ञा भावेची एन्ट्री होणार आहे. तनुजा भारद्वाज असं तिच्या व्यक्तिरेखेचं नाव असून तनुजाच्या येण्याने कथानकातही नवं वळण येणार आहे.
मुंबई : अभिज्ञा भावे ही अभिनेत्री गेल्या काही काळापासून वेगवेगळ्या माध्यमांत काम करते आहे. आधी ती नाटकात होती. त्यातून पुढे ती मालिकेत आली. सुबोध भावेच्या 'तुला पाहते रे' मालिकेत तिच्या कामाची तारीफ झाली. पुढे तिने पुन्हा एकदा नाटक केलं. त्यात सुनील बर्वे, मयुरी देशमुख यांच्या भूमिका होत्या. त्या नाटकाचं नाव होतं 'तिसरे बादशाह हम'. आता अभिज्ञा पुन्हा एकदा टीव्हीवर यायला सज्ज झाली आहे.
स्टार प्रवाहवरील 'रंग माझा वेगळा' मालिकेचं कथानक अतिशय उत्कंठावर्धक वळणावर येऊन पोहोचलं आहे. लवकरच या मालिकेत अभिज्ञा भावेची एन्ट्री होणार आहे. तनुजा भारद्वाज असं तिच्या व्यक्तिरेखेचं नाव असून तनुजाच्या येण्याने कथानकातही नवं वळण येणार आहे. कार्तिक आणि तनुजा कॉलेज फ्रेण्ड्स. मात्र कॉलेजनंतर या दोघांची भेट कधी झाली नाही. आता मात्र एका अपघातानेच या दोघांची भेट घडवून आणली आहे. तनुजाच्या येण्याने मालिकेच्या कथानकात कोणता नवा ट्विस्ट येणार हे पहाणं देखिल उत्सुकतेचं असणार आहे.
एकीकडे सौंदर्या काळ्या रंगाचा द्वेष का करते? या गोष्टीचा छडा लावण्यासाठी दीपा कार्तिक जीवाचं रान करत आहेत. अशातच तनुजाच्या येण्याने हा गुंता वाढणार की, सुटणार या प्रश्नांची उत्तरं रंग माझा वेगळाच्या पुढील भागांमधून लवकरच उलगडतील. अभिज्ञाची या मालिकेतली भूमिकाही तितकीच रंजक असणार आहे. तिच्या आगमनाचा ट्रॅक पाहता आता ती या मालिकेला आणखी गती तर देईलच शिवाय, कथानकालाही नवं वळण मिळेल यात शंका नाही.
लॉकडाऊननंतर नव्याने सुरू झालेल्या मालिकांमध्ये स्टार प्रवाह पुन्हा एकदा नंबर वनवर आलं आहे. त्यातच रंग माझा वेगळा ही मालिका सध्या लोकप्रियतेच्या शिखरावर असल्याचं बार्कने सांगितलं आहे. त्यानुसार आता नंबर 1 च्या क्रमवारीत असलेल्या मालिकेत अभिज्ञा असण्याने या मालिकेला फायदाच होणार आहे.
महत्त्वाच्या बातम्या
ट्रेंडिंग न्यूज
and tablets
