Vocal For Local: 'अनुपमा'च्या दिवाळीमध्ये नेमकं खास काय, पंतप्रधान मोदींकडूनही व्हिडीओ शेअर!
Anupamaa: नुकताच पंतप्रधान नरेंद्र मोदी यांनी रुपाली गांगुली यांचा एक खास व्हिडीओ सोशल मीडियावर शेअर केला आहे. या व्हिडीओमध्ये रुपाली गांगुली या दिवाळीबाबत सांगताना दिसत आहे.
Anupamaa: छोट्या पडद्यावरील ‘अनुपमा’ (Anupamaa) या मालिकेला प्रेक्षकांची पसंती मिळते. या मालिकेतील रुपाली गांगुली (Rupali Ganguly) यांच्या अभिनयाचं अनेकजण कौतुक करतात. नुकताच पंतप्रधान नरेंद्र मोदी (Narendra Modi) यांनी रुपाली गांगुली यांचा एक खास व्हिडीओ सोशल मीडियावर शेअर केला आहे. या व्हिडीओमध्ये रुपाली गांगुली या दिवाळीबाबत सांगताना दिसत आहे.
दिवाळीच्या सणादरम्यान भारतीय उत्पादनांचा खप वाढवण्याबाबत आणि देशात बनवलेली उत्पादने जगाला अभिमानाने दाखवण्याबाबत अनुपमा व्हिडीओमध्ये सांगताना दिसत आहे. व्हिडीओमध्ये ‘अनुपमा’ दिवाळीच्या तयारीत व्यस्त दिसत आहे. बुंदीचे लाडू बनवताना ती आपल्या घरातील दिवाळीच्या तयारीबद्दल सर्वांना सांगत आहे. यासोबतच ती लोकांना भारताच्या ताकदीबद्दलही सांगत आहे, ज्याचे पंतप्रधान नरेंद्र मोदी व्हिडीओच्या शेवटी कौतुक करतात.
'अनुपमा'चा व्हिडीओ पंतप्रधान नरेंद्र मोदी यांनी सोशल मीडियावर शेअर केला आहे. यामध्ये केंद्र सरकारच्या 'वोकल फॉर लोकल', 'मेक इन इंडिया', 'डिजिटल इंडिया' आणि 'आत्मनिर्भर भारत' (Atmanirbhar Bharat) यांची झलक पाहायला मिळेल. "The Vocal For Local movement is getting great momentum across the country." असं कॅप्शन नरेंद्र मोदी यांनी व्हिडीओला दिलं आहे.
नरेंद्र मोदी शेअर करणार तुमचा सेल्फी
'अनुपमा' चा व्हिडीओ शेअर करुन पीएम नरेंद्र मोदी यांनी सांगितलं आहे की, यंदा दिवाळीला लोकांनी ‘वोकल फॉर लोकल’ उत्पादनांना प्राधान्य द्यावे. सर्व लोकांनी हे प्रोडक्ट्स आणि त्याचे करागीर यांच्यासोबत सेल्फी काढून ‘Namo App’ वर शेअर करावा. यामधील काही फोटो हे नरेंद्र मोदी त्यांच्या सोशल मीडिया अकाऊंटवर शेअर करतील.
पाहा व्हिडीओ:
View this post on Instagram
अनुपमा मालिकेची स्टार कास्ट
13 जुलै 2020 रोजी अनुपमा या मालिकेचा प्रिमिअर झाला होता. गेली तीन वर्षी ही मालिका प्रेक्षकांच्या भेटीस येत आहे. अनुपमा या मालिकेमध्ये रुपाली गांगुली या अनुपमा ही भूमिका साकारतात तर वनराज ही भूमिका सुधांशू पांडे हा साकारतो. गौरव खन्ना हा या मालिकेत अनुज ही भूमिका साकारतो. अनुपमा मालिकेच्या आगामी एपिसोडची प्रेक्षक उत्सुकतेने वाट बघत असतात.
वाचा इतर महत्वाच्या बातम्या:
Anupamaa: अनुपमा आणि गुरुमा 'बहरला हा मधुमास नवा' गाण्यावर थिरकल्या; व्हिडीओ व्हायरल
महत्त्वाच्या बातम्या
