मायरा वायकुळ आगामी चित्रपटासाठी सिद्धिविनायकाच्या चरणी; 'मुक्काम पोस्ट देवाचं घर'चे पहिलं पोस्टर लाँच
Myra Vaikul Upcoming Movie: 31 जानेवारीला हा चित्रपट संपूर्ण महाराष्ट्रात प्रदर्शित होणार असून नावामुळे आणि सोशल मीडियावर सुरू असलेल्या अनोख्या प्रमोशनमुळे चित्रपटाच्या कथेविषयी प्रेक्षकांमध्ये कमालीची उत्सुकता निर्माण झाली आहे.
Myra Vaikul Upcoming Movie Mukkam Post Devache Ghar: टेलिव्हिजन मालिका आणि सोशल मीडियातून लोकप्रिय असलेली मायरा वायकुळ (Myra Vaikul) आगामी 'मुक्काम पोस्ट देवाचं घर' या चित्रपटात झळकणार आहे. 31 जानेवारीला हा चित्रपट संपूर्ण महाराष्ट्रात प्रदर्शित होणार असून नावामुळे आणि सोशल मीडियावर सुरू असलेल्या अनोख्या प्रमोशनमुळे चित्रपटाच्या कथेविषयी प्रेक्षकांमध्ये कमालीची उत्सुकता निर्माण झाली आहे. सहकुटुंब पाहता येणाऱ्या या चित्रपटाचं पहिलं पोस्टर सिद्धिविनायकाच्या चरणी प्रदर्शित करण्यात आलं. याप्रसंगी मायरा वायकुळ, चित्रपटाचे दिग्दर्शक आणि निर्माते उपस्थित होते.
एसीडी कॅटचे मनीष कुमार जायसवाल आणि साहील मोशन आर्ट्सचे मंगेश देसाई यांनी 'मुक्काम पोस्ट देवाचं घर' या चित्रपटाची प्रस्तुती केली आहे. तर, या चित्रपटाच्या निमित्तानं मंगेश देसाई यांनी चित्रपटाच्या प्रस्तुती क्षेत्रात पदार्पण केलं आहे. किमाया प्रॉडक्शन्स आणि स्वरुप स्टुडिओज यांनी या चित्रपटाची निर्मिती केली आहे. महेश कुमार जायसवाल, किर्ती जायसवाल हे या चित्रपटाचे निर्माते आहेत, तर वैशाली संजू राठोड, सचिन नारकर, विकास पवार हे सहनिर्माते आहेत. चित्रपटाची कथा आणि दिग्दर्शन संकेत माने यांचं असून संकेत माने, सुमित गिरी यांनी पटकथालेखन, सुमित गिरी यांनी संवादलेखन तर चिनार - महेश यांचं श्रवणीय संगीत दिग्दर्शन या चित्रपटाला लाभलं आहे.
अल्पावधीतच जगभरात पोहचलेल्या मायरा वायकुळची या चित्रपटात मध्यवर्ती भूमिका आहे. त्याचबरोबर अभिनेत्री कल्याणी मुळ्ये, ज्येष्ठ अभिनेत्री उषा नाडकर्णी, अभिनेता मंगेश देसाई, कमलेश सावंत, सविता मालपेकर, प्रथमेश परब, सचिन नारकर, रेशम श्रीवर्धनकर आदी कलाकारांच्या चित्रपटात महत्वपूर्ण भूमिका आहेत. 'मुक्काम पोस्ट देवाचं घर' या चित्रपटात मायराच्या वाट्याला आलेली भूमिका काय आहे? सोशल मीडियावर सुरु असलेल्या पोस्टकार्डच्या प्रमोशनचा चित्रपटाशी नक्की कसला संबंध आहे? हे जाणुन घेण्यासाठी 31 जानेवारीपर्यंत आपल्याला अजून थोडी वाट पहावी लागणार आहे.
View this post on Instagram
दरम्यान, सोशल मीडियावर मायराच्या खूप चर्चा रंगलेल्या असतात. नुकताच मायराच्या लहान भावाचा राजेशाही थाटात नामकरण सोहळा पार पडला. या सोहळ्याचे फोटोही सोशल मीडियावर तुफान व्हायरल झाले होते. मायराच्या युट्यूब चॅनलवर तिचा लहान भाऊ व्योम याच्या नामकरण सोहळ्याचा व्हिडीओ शेअर करण्यात आला होता. मायरानं 'माझी तुझी रेशीमगाठ' या मालिकेतून इंडस्ट्रीत पदार्पण केलं होतं.
महत्त्वाच्या इतर बातम्या :
महत्त्वाच्या बातम्या
