Mi Honar Superstar Jodi No 1 Finale : पुण्याचे आकाश आणि सुरज मोरे ठरले ‘मी होणार सुपरस्टार जोडी नंबर वन’चे महाविजेते, लाखोंचे बक्षीस

Mi Honar Superstar Jodi No. 1 Finale : ‘मी होणार सुपरस्टार जोडी नंबर वन’मध्ये पुण्याची जिगरबाज जोडी आकाश आणि सुरज मोरे यांनी बाजी मारली.

Mi Honar Superstar Jodi No 1 Finale winner

Source : Other

Mi Honar Superstar Jodi No. 1 Finale :  मागील काही महिन्यांपासून छोट्या पडद्यावर रंगलेला रिएल्टी शो ‘मी होणार सुपरस्टार जोडी नंबर वन' (Mi Honar Superstar Jodi No. 1) ची महाअंतिम सोहळा नुकताच जल्लोषात पार पडला. ‘मी होणार सुपरस्टार जोडी नंबर वन’मध्ये पुण्याची जिगरबाज जोडी  आकाश आणि सुरज मोरे यांनी बाजी मारली. या कार्यक्रमात उपविजेतेपदाचा मान विभागून देण्यात आला. विजेते ठरलेल्या आकाश-सुरजच्या जोडीला पाच लाख रोख रक्कम आणि सन्मानचिन्ह देऊन गौरवण्यात आले. 

स्टार प्रवाहवरील ‘मी होणार सुपरस्टार जोडी नंबर वन’ कार्यक्रमाचा महाअंतिम सोहळा नुकताच जल्लोषात पार पडला. पलख-पूर्वा, आकाश-सुरज, सिद्धेश-रुचिता आणि अपेक्षा-प्रतिक्षा यांच्यामध्ये ही महाअंतिम लढत रंगली. अटीतटीच्या या लढतीत कोथरुड पुणे येथील आकाश आणि सुरज मोरे या जिगरबाज जोडीने बाजी मारत विजेतेपदावर मोहोर उमटवली. तर उपविजेते पदाचा मान सिद्धेश थोरात-रुचिता जामदार आणि अपेक्षा लोंढे-प्रतिक्षा लोंढे या दोन जोड्यांना विभागून देण्यात आला. तृतीय क्रमांक  पूर्वा साळेकर आणि पलक मोरे या जोडीने पटकावला. महाअंतिम सोहळ्यातील विजेती जोडी आकाश आणि सुरज मोरे यांना पाच लाखांची रोख रक्कम आणि सन्मानचिन्ह देण्यात आलं. तर उपविजेता जोडीला दोन लाख आणि तृतीय क्रमांक पटकावलेल्या जोडीला 1 लाख आणि सन्मानचिन्ह देऊन गौरवण्यात आलं. 

 

 

 

 

 

 

View this post on Instagram

 

 

 

 

 

 

 

 

 

 

 

A post shared by Star Pravah (@star_pravah)

 

 

 

 

 

 

View this post on Instagram

 

 

 

 

 

 

 

 

 

 

 

A post shared by Star Pravah (@star_pravah)

 

 

 

 

 

View this post on Instagram

 

 

 

 

 

 

 

 

 

 

 

A post shared by Star Pravah (@star_pravah)

विजेतेपदाचा आनंद व्यक्त करताना आकाश आणि सुरज म्हणाले, ‘आम्ही आजवर बऱ्याच स्पर्धांमध्ये भाग घेतला मात्र मी होणार सुपरस्टार जोडी नंबर वन या कार्यक्रमाने विजेतेपदाचा आनंद मिळवून दिला. हा सारा प्रवास स्वप्नवत असून या क्षणाची खूप वाट पाहिली होती. महाअंतिम सोहळ्यात सामील होण्यासाठी आम्ही बरीच मेहनत घेतली होती. इतक्या दिवसांच्या मेहनतीचं फळ मिळाल्यामुळे खूप आनंद होत असल्याचे त्यांनी म्हटले. या मंचामुळे अंकुश चौधरी, फुलवा खामकर आणि वैभव घुगे हे गुरुच्या रुपात दिले असल्याची कृतज्ञ भावनाही या दोघांनी केला. 

आकाश आणि सुरज दोघेही सख्खे भाऊ. लहानपणापासूनच दोघांनाही नृत्याची आवड होती. घरची परिस्थिती अत्यंत हालाखीची होती. मात्र तरीही दोघांची नृत्याची आवड लक्षात घेऊन त्यांच्या आईने त्यांना नृत्याचं प्रशिक्षण देण्याचं ठरवले. अनेक अडचणींचा सामना करत आकाश आणि सुरजने आपली नृत्याची आवड जोपासली. अनेक छोट्या मोठ्या स्पर्धांमधून भाग घेत घेत आकाश-सुरजला मी होणार सुपरस्टार जोडी नंबर वन कार्यक्रमाविषयी कळलं आणि त्यांनी ऑडिशनसाठी थेट मुंबई गाठली. आकाश आणि सुरजचं यश पाहून त्यांच्या आईचे डोळे पाणावले होते.