Tejashree Pradhan : सायली-अरुंधती पडली मागे; टीआरपीच्या शर्यतीत तेजश्री प्रधानने मारली बाजी

Tejashree Pradhan : तेजश्री प्रधानच्या 'प्रेमाची गोष्ट' (Premachi Goshta) या मालिकेने टीआरपीच्या शर्यतीत बाजी मारली आहे.

Marathi Serials

Marathi Serial TRP Rating : मराठी मालिका (Marathi Serial) विश्वात सध्या नवनवीन प्रयोग होत असतात. प्रेक्षकांना मालिकेत खिळवून ठेवण्यासाठी निर्माते सतत मालिकेत नवीन ट्विस्ट आणत असतात. मालिकांसोबतच मालिकांच्या टीआरपी रेटिंगकडेदेखील प्रेक्षकांचे लक्ष लागलेले असते. टीआरपी रिपोर्टमध्ये अनेकदा चढ-उतार पाहायला मिळत असतो. नुकताच या आठवड्याचा टीआरपी रिपोर्ट समोर आला आहे. अभिनेत्री तेजश्री प्रधानच्या (Tejashree Pradhan) 'प्रेमाची गोष्ट' (Premachi Goshta) या मालिकेने पहिल्याच आठवड्यात टीआरपीच्या शर्यतीत बाजी मारली आहे. टॉप 10 मालिका कोणत्या आहेत, जाणून घ्या...

1. टीआरपीच्या शर्यतीत 'प्रेमाची गोष्ट' (Premachi Goshta) ही मालिका पहिल्या क्रमांकावर आहे. या मालिकेला 6.9 रेटिंग मिळाले आहे. 

2. 'ठरलं तर मग' (Tharala tar mag) ही मालिका दुसऱ्या क्रमांकावर आहे. या मालिकेला 6.8 रेटिंग मिळाले आहे. 

3. 'तुझेच मी गीत गात आहे' (Tuzech Mi Geet Gaat Aahe) ही मालिका सध्या लोकप्रियतेच्या शिखरावर असून ही मालिका टीआरपीच्या रेसमध्ये तिसऱ्या स्थानावर आहे. या मालिकेला 6.4 रेटिंग मिळाले आहे.

4. 'आई कुठे काय करते' (Aai Kuthe kay Karte) ही मालिका टीआरपीच्या शर्यतीत चौथ्या क्रमांकावर असून या मालिकेला 6.3 रेटिंग मिळाले आहे.

5. टीआरपी लिस्टमध्ये 'सुख म्हणजे नक्की काय असतं' (Sukh Mhanje Nakki Kay Asta) ही मालिका पाचव्या स्थानावर आहे. या मालिकेला 6.2 रेटिंग मिळाले आहे. 

6. 'रंग माझा वेगळा' (Rang Maza Vegla) ही मालिका टीआरपीच्या शर्यतीत सहाव्या स्थानावर आहे. टीआरपी रिपोर्टनुसार या मालिकेला 6.0 रेटिंग मिळाले आहे.

7. 'ठिपक्यांची रांगोळी' ही मालिका सातव्या क्रमांकावर आहे. या मालिकेला 5.5 रेटिंग मिळाले आहे.  

8. टीआरपीच्या शर्यतीत 'कुन्या गावाची गं तू रानी' ही मालिका सातव्या क्रमांकावर आहे. या मालिकेला 5.4 रेटिंग मिळाले आहे.  

8. 'मन धागा धागा जोडते नवा' ही मालिका टीआरपी रिपोर्टमध्ये आठव्या क्रमांकावर आहे. या मालिकेला 5.3 रेटिंग मिळाले आहे. 

9. नव्या स्थानावर 'अबोली' ही मालिका आहे. या मालिकेला 4.7 रेटिंग मिळाले आहे. 

10. 'मुरांबा' ही मालिका टीआरपीच्या शर्यतीत दहाव्या क्रमांकावर आहे. या मालिकेला 3.9 रेटिंग मिळाले आहे.

तेजश्री प्रधानचं छोट्या पडद्यावर कमबॅक!

'प्रेमाची गोष्ट' या मालिकेच्या माध्यमातून तेजश्री प्रधानने छोट्या पडद्यावर कमबॅक केलं आहे. चाहत्यांचे आभार मानत तेजश्रीने लिहिलं आहे,"एवढी वर्ष कामावर श्रद्धा ठेवून सातत्याने तुमच्या समोर येत राहिले, पडले, धडपडले, पुन्हा उठले..आधाराला फक्त काम होतं..शाश्वत फक्त काम होतं..इतकी वर्ष त्याच कामाने मला घट्ट धरुन ठेवलं. मला जाणीव आहे तुमच्या आयुष्यातल्या 'त्या' अर्ध्या तासाची..जो तुम्ही माझ्या नावावर करता, जाणीव आहे त्या प्रेमाची, त्या आत्मियतेची आणि नकळत तुमच्या डोळ्यातून कधीतरी येणाऱ्या 'त्या' अश्रूच्या थेंबाची. हीच जाणीव सातत्याने पोटतिडकीने काम करण्याचं आणि त्या कामाशी एकनिष्ठ राहण्याचं बळ देत आली असून यापुढेही देत राहील".

संबंधित बातम्या