Marathi Serial Updates Star Pravah : आई आणि बाबा रिटायर होत आहेत; निवेदिता सराफ-मंगेश कदम यांची जोडी नव्या मालिकेत दिसणार

Marathi Serial Updates Star Pravah : स्टार प्रवाह आता आणखी एक नवीन मालिका प्रेक्षकांच्या भेटीस आणणार आहे. या मालिकेत दिग्गज कलाकार निवेदिता सराफ आणि  मंगेश कदम ही जोडी दिसून येणार आहे.  

Marathi Serial Updates Star Pravah Nivedita Saraf Mangesh Kadam

Source : star pravah

Marathi Serial Updates Star Pravah :   सध्या छोट्या पडद्यावर नव्या मालिकांची लाट आल्याचे चित्र दिसत आहे. टीआरपीच्या शर्यतीत आघाडीवर राहण्यासाठी मराठी वाहिन्यांकडून जोरदार प्रयत्न सुरू आहेत. मागील काही महिन्यात नव्या मालिका प्रेक्षकांच्या भेटीला आल्या आहेत. त्यातील काही मालिकांना चांगला प्रतिसाद मिळत आहे.  मागील 200 आठवडे टीआरपीमध्ये आघाडीवर असणाऱ्या 'स्टार प्रवाह' आता आणखी एक नवीन मालिका प्रेक्षकांच्या भेटीस आणणार आहे. या मालिकेत दिग्गज कलाकार निवेदिता सराफ आणि  मंगेश कदम ही जोडी दिसून येणार आहे.  

छोट्या पडद्यावर 'स्टार प्रवाह'च्या सर्वच मालिका लोकप्रियतेच्या शिखरावर आहेत. आता, स्टार प्रवाहने 'आई आणि बाबा रिटायर होत आहेत' (Aai Aani Baba Retire Hot Aahet ) या मालिकेची घोषणा केली आहे. प्रत्येकाच्या आयुष्यातली अत्यंत महत्त्वाची मात्र तितकीच गृहित धरली जाणारी ही दोन हक्काची माणसं आहेत. आयुष्यभर खस्ता खाऊन आईवडील आपल्या मुलांना लहानाचं मोठं करतात. मुलं शिकून स्वत:च्या पायावर उभी रहातात, त्यांच्या संसारात रमूनही जातात. आई-वडील मात्र घरच्या जबाबदारीतून कधीही रिटायर होत नाहीत. मुलं, त्यांचं शिक्षण, त्यांची नोकरी, त्यांचं लग्न आणि नंतर नातवंडं एकामागोमाग येणाऱ्या या जबाबदारीच्या चक्रात ते नकळतपणे अडकून जातात.  ज्यांना खरतर घरच्या जबाबदाऱ्यांमधून निवृत्त तर व्हायचं आहे मात्र न संपणारं जबाबदारीचं ओझं त्यांच्यावर नकळतपणे लादलं जातं. आई आणि बाबा रिटायर होत आहेत ही मालिका देखील अशाच एका जोडप्याभोवती फिरणारी आहे. 

 

 

 

 

 

View this post on Instagram

 

 

 

 

 

 

 

 

 

 

 

A post shared by Star Pravah (@star_pravah)

 

'स्टार प्रवाह'च्या या नव्या मालिकेविषयी सांगताना स्टार प्रवाहचे बिझनेस हेड सतीश राजवाडे म्हणाले, 'आई आणि वडील हे आपले दैवत असतात आणि ही मालिका त्यांना आणि त्यांच्या निःस्वार्थपणाला अर्पण आहे. जे बोट धरून आपण चालतो, जी पावलं आपल्याला बळ देतात ती सुद्धा कधीतरी थकतील, त्यांना सुद्धा त्यांच्या जबाबदारीतून कधी तरी मुक्तता मिळायला हवी. त्यांना सुद्धा जाणीव करून देणं फार महत्वाचं असतं की आता आराम करा. मुलं, सुना, जावई, नातवंडं अशी अनेक नाती उलगडत जाणारी गोष्ट आणि आई-वडील त्यांची भूमिका कशी शेवटपर्यंत ठामपणे आणि प्रामाणिकपणे बजावतात हे अधोरेखित करणारी ही मालिका असल्याचे राजवाडे यांनी सांगितले. ही मालिका सर्वांच्या घरात आणि मनात स्थान मिळवेल यात शंका नाही, असा विश्वासही त्यांनी व्यक्त केला.