Bigg Boss Marathi : भाऊच्या धक्क्यावर संग्रामची कानउघडणी; वाइल्ड कार्ड नाही माइल्ड कार्ड म्हणत रितेश भाऊंनी घेतली शाळा

Bigg Boss Marathi Day 49 : बिग बॉस मराठीच्या घरात तुम्ही वाइल्ड कार्ड म्हणून नाही, तर माईल्ड कार्ड म्हणून आलात, असं म्हणत भाऊच्या धक्क्यावर रितेशने संग्राम चौगुलेचा क्लास घेतला.

Bigg Boss Marathi Bhaucha Dhakka Today's Episode

Source : Colors Marathi

Bigg Boss Marathi Season 5 : बिग बॉस मराठीच्या घरात या आठवड्यात सीझनची पहिली वाइल्ड कार्ड एन्ट्री झाली. बॉडी बिल्डर संग्राम चौगुले बिग बॉस मराठी सीझन 5 मधील पहिला वाईल्ड कार्ड ठरला. संग्राम चौगुले घरात शिरताच घरातील समीकरणं बदलतील आणि नवा राडा पाहायला मिळेल, अशी अपेक्षा होती. मात्र, बिग बॉसच्या घरात एन्ट्री करताच दादागिरी करणारा संग्राम नंतर मात्र दिसेनासाच झाला. त्यामुळे आज भाऊच्या धक्क्यावर रितेश भाऊ संग्राम चौगुलेची शाळा घेताना दिसणार आहे.

भाऊच्या धक्क्यावर संग्रामची कानउघडणी ( Bigg Boss Marathi Wild Card Contestant Sangram Chougule )

वाईल्ड कार्ड असणारा सदस्याला बिग बॉसचा खेळ, त्या खेळातील सदस्यांचा गेम प्लॅन या सर्व गोष्टी माहिती असतात. त्यानुसार वाइल्ड कार्ड सदस्य आपला गेम प्लॅन ठरवत असतो. पण संग्रामचा गेम प्लॅन या आठवड्यात तरी प्रेक्षकांना पाहायला मिळाला नाही. टास्कमध्ये अरबाज आणि वैभवला संग्राम भिडावा, अशी अपेक्षा होती. पण, तो टास्कमध्ये कुठेही दिसला नाही.

वाइल्ड कार्ड संग्रामचा पहिल्या आठवड्यात गेम फसला

बिग बॉस मराठी भाऊच्या धक्क्याच्या नवीन प्रोमोमध्ये रितेश भाऊ संग्राम चौगुलेचा क्लास घेताना दिसून येत आहे. रितेश भाऊ म्हणतोय, "संग्राम तुम्ही मिस्टर युनिव्हर्स आहात. पण बिग बॉसच्या घरात तुम्ही मिस्टर इंडिया आहात. तुम्ही दिसतच नाही आहात. महाराष्ट्राची अपेक्षा होती की, या घरात एक वाइल्ड कार्ड यावा, त्याने एक अख्खा गेम पलटवून टाकावा. बिग बॉस मराठीच्या घरात तुम्ही वाइल्ड कार्ड म्हणून आला नाहीत तर माइल्ड कार्ड म्हणून आलेले आहात". 

 

 

 

 

 

View this post on Instagram

 

 

 

 

 

 

 

 

 

 

 

A post shared by Colors Marathi (@colorsmarathi)

वाइल्ड कार्ड नाही माइल्ड कार्ड म्हणत रितेश भाऊंनी घेतली शाळा

बिग बॉस मराठी भाऊच्या धक्क्यावर रितेश भाऊच्या क्लासनंतर संग्राम चौगुले कसा खेळ खेळणार? संग्रामच्या नव्या गेम प्लॅनचा निक्की आणि अरबाजवर काय परिणाम होईल? अशा सर्व प्रश्नांची उत्तरे प्रेक्षकांना आगामी आठवड्यात मिळतील.

महत्त्वाच्या इतर बातम्या :