Bigg Boss Marathi Season 5 : 'बिग बॉस मराठी'च्या घरातून आज सुटणार 'कॅप्टनसीची बुलेट ट्रेन'; टास्क दरम्यान होणार वादावादी

Bigg Boss Marathi Season 5 : आता बिग बॉस मराठीच्या यंदाच्या सीझनमधील घराचा पहिला कॅप्टन कोण होणार, हे आता ठरणार आहे.

Bigg Boss Marathi Season 5 Captaincy Task

Source : Colors Marathi

Bigg Boss Marathi Season 5 :  'बिग बॉस मराठी'च्या नव्या सीझनमधील (Bigg Boss Marathi Season 5) दुसरा आठवडा सुरू झाला आहे. या दुसऱ्या आठवड्याची सुरुवातच वादावादीने झाली आहे. पहिल्या आठवड्यात शांत असणारे घरातील सदस्य आता अॅक्टिव्ह मोडवर आले आहेत. आता बिग बॉस मराठीच्या यंदाच्या सीझनमधील घराचा पहिला कॅप्टन कोण होणार, हे आता ठरणार आहे. 

'बिग बॉस मराठी'च्या नव्या सीझनमध्ये दहाव्या दिवशी पहिलं कॅप्टनसीचा टास्क आयोजित करण्यात आला आहे. घरामध्ये वाढत्या स्पर्धेमुळे, प्रत्येकजण आपला वैयक्तिक खेळ सुधारण्यासाठी सर्वतोपरी प्रयत्न करत आहे. 'बिग बॉस मराठी'च्या नव्या एपिसोडमध्ये आता घरातील सदस्यांसाठी स्पर्धा रंगलेली दिसणार आहे. घराचा कॅप्टन बनण्यासाठी हा टास्क जिंकावा लागणार आहे.

'बिग बॉस मराठी'च्या नव्या सीझनचा आजच्या भागाचा पहिला प्रोमो आऊट झाला आहे. या प्रोमोवरुन 'बिग बॉस मराठी'च्या नव्या सीझनला पहिला कॅप्टन मिळणार असल्याचं चित्र स्पष्ट होत आहे. आज घरात 'कॅप्टनसीची बुलेट ट्रेन' हे पहिलं कॅप्टनसी कार्य पार पडणार आहे. प्रोमोमध्ये घरातील सर्व सदस्य कॅप्टन होण्यासाठी टास्कमध्ये धडपड करताना दिसून येत आहेत. या बुलेट ट्रेनमध्ये एक सीटसाठी रेटारेटी होतानादेखील पाहायला मिळत आहे. यातून दावे-प्रतिदावे केले जात आहेत. नव्या सीझनला घराचा पहिला कॅप्टन मिळणार आहे. 

 

 

 

 

 

View this post on Instagram

 

 

 

 

 

 

 

 

 

 

 

A post shared by Colors Marathi (@colorsmarathi)

'बिग बॉस मराठी'च्या घरात कॅप्टन होणं अत्यंत मानाचे मानले जाते. आता बिग बॉसच्या घरात पहिला कॅप्टन कोण होणार याकडे सर्वांचे लक्ष लागले आहे. आजच्या भागात याचा उलगडा होणार आहे. त्यामुळे आजचा भाग विशेष रंजक ठरणार आहे.