Bigg Boss Marathi 5 : भाऊच्या धक्क्यावर अरबाजचा उतरला माज, सूरजवर दादागिरी करणाऱ्या वैभवलाही चांगलंच झापलं
Bhaucha Dhakka : आज भाऊच्या धक्क्यावर रितेश देशमुखने अरबाज पटेल, वैभव चव्हाण यांची शाळा घेतली आणि जान्हवीलाही झापलं.
Bigg Boss Marathi Season 5 : बिग बॉस मराठीच्या (Bigg Boss Marathi) पाचवा सीझन सुरु आहे. पहिल्या आठवड्यात घरातील पहिलं एलिमिनेशन पार पडलं. आता दुसऱ्या आठवड्याच्या शेवटी आणखी एक सदस्य घरातून बाहेर पडणार आहे. आज सहा नॉमिनेट सदस्यांपैकी एक जण बाहेर पडणार आहे. त्याआधी भाऊच्या धक्क्यावर होस्ट रितेश देशमुख सदस्यांची शाळा घेताना दिसणार आहे. या आठवड्यात बिग बॉस मराठीच्या घरात झालेल्या कल्ल्यानंतर रितेश भाऊ कुणाला झापणार, हे पाहण्यासाठी बिग बॉस प्रेमी खूपच आतुर आहेत.
भाऊच्या धक्क्यावर अरबाजचा उतरला माज
भाऊच्या धक्क्याच्या नवा प्रोमो आऊट झाला आहे. भाऊच्या धक्क्यावर रितेश देशमुख अरबाज पटेल आणि वैभव चव्हाण यांची शाळा घेणार आहे. रितेश देशमुख अरबाज म्हणतो की, "अरबाज तुम्ही काय केलं, लोकांना धक्का दिला, सरकवलं. तुम्हाला एक अहंकार पण आहे की, मी धिप्पाड आहे, माझे बायसेप्स एवढे आहेत, माझी उंची एवढी आहे, मी चार लोकांना उडवू शकतो, तुम्हाला असं वाटतं." असं म्हणच रितेश भाऊनं अरबाजला सुनावलं.
सूरजवर दादागिरी करणाऱ्या वैभवला रितेशनं झापलं
यानंतर रितेश भाऊ नंतर वैभव चव्हाणची शाळा घेतो. प्रोमोमध्ये रितेश पुढे म्हणतो की, "आता मी येतो दादा नंबर 2 कडे, हा कसला माज आहे, जो सूरज ना कुणाच्या अध्यात आहे ना मध्यात आहे, आपला टास्क करतोय, त्याच्यावर तुम्ही दादागिरी करताय, तुमच्यामध्ये खरोखर हिंमत असेल, तर ही गुर्मी अरबाजसमोर दाखवा." नव्या प्रोमोवरुन रितेश भाऊ घरातील सदस्यांची चांगलीच खरडपट्टी काढताना दिसणार आहे.
भाऊच्या धक्क्यावर सदस्यांची शाळा
View this post on Instagram
आज पाहा भाऊचा धक्का
रितेश देशमुखने सदस्यांवर आपली नाराजी व्यक्त केली आहे. 'बिग बॉस मराठी'च्या घरातील काही सदस्यांनी घराचं रुपांतर अड्ड्यामध्ये केलं आहे. त्यामुळे भाऊच्या धक्क्यावर रितेश भाऊ नाराज झालेले दिसून येणार आहेत. अंकिता, डीपी, पॅडी या ग्रूपवर रितेश नाराज झाला आहे. त्यामुळे सदस्यांचे धाबे दणाणणार आहेत.
महत्त्वाच्या बातम्या
