Shivangi Joshi : शिवांगी जोशी आता झळकणार एकता कपूरच्या मालिकेत; 19 जूनपासून सुरू होणार 'बरसाते'

Shivangi Joshi : छोट्या पडद्यावरील लोकप्रिय अभिनेत्री शिवांगी जोशी पुन्हा एकदा मालिकाविश्वात पदार्पण करण्यासाठी सज्ज आहे.

Shivangi Joshi

Shivangi Joshi New Show : 'ये रिश्ता क्या कहलता है' (Yeh Rishta Kya Kehlata Hai) या मालिकेतील नायरा म्हणजे शिवांगी जोशीच्या (Shivangi Joshi) चाहत्यांनी एक आनंदाची बातमी आहे. शिवांगी आता एकता कपूरच्या (Ekta Kapoor) आगामी मालिकेत दिसणार आहे. 

शिवांगी जोशी मागच्या वर्षी रोहित शेट्टीच्या 'खतरों के खिलाडी 12'मध्ये दिसली होती. तसेच 'बालिका वधू 2'मध्येही मोठ्या आनंदीच्या भूमिकेत ती दिसली होती. 'बेकाबू' या मालिकेतदेखील गेल्या काही दिवसांपूर्वी ती दिसली होती. आता एकता कपूरच्या आगामी मालिकेत ती कुशाल टंडनच्या विरोधात दिसणार आहे. 

शिवांगी जोशीच्या नव्या भूमिकेबद्दल जाणून घ्या... (Shivangi Joshi New Show)

मीडिया रिपोर्टनुसार, शिवांगी जोशी आणि एकता कपूरच्या आगामी मालिकेचं नाव 'बरसाते' असं आहे. अद्याप निर्मात्यांनी या मालिकेसंदर्भात अधिक माहिती जाहीर केलेली नाही. 'बरसाते' ही एक लव्हस्टोरी आहे. या मालिकेत शिवांगी जोशी दुहेरी भूमिकेत दिसणार आहे. या महिन्याच्या शेवटी ही मालिका प्रेक्षकांच्या भेटीला येऊ शकते. 'बरसाते' मालिकेचं नवं कथानक आणि फ्रेश जोशी प्रेक्षकांच्या पसंतीस येऊ शकते, असा अंदाज वर्तवला जात आहे. या नाट्यमय मालिकेत शिवांगी पत्रकाराच्या भूमिकेत दिसणार आहे. 19 जूनपासून ही मालिका प्रेक्षकांच्या भेटीला येणार आहे. 

 

 

 

 

 

View this post on Instagram

 

 

 

 

 

 

 

 

 

 

 

A post shared by EktaaRkapoor (@ektarkapoor)

शिवांगी जोशी कोण आहे? (Who Is Shivangi Joshi)

शिवांगी जोशी आज छोट्या पडद्यावरील लोकप्रिय अभिनेत्री आहे. 2013 साली तिने 'खेलती है जिंदगी ऑंख मिचोली' या मालिकेच्या माध्यमातून मनोरंजनसृष्टीत पदार्पण केलं. त्यानंतर ती 'बेगुसराय' या मालिकेत दिसली. या मालिकेत ती पूनम ठाकुरच्या भूमिकेत दिसली होती. 'बालिका वधू 2' या मालिकेतील आनंदीच्या भूमिकेच्या माध्यमातून ती घराघरांत पोहोचली.

कोट्यवधींच्या संपत्तीची मालकीन शिवांगी जोशी (Shivangi Joshi Net Worth)

शिवांगी जोशी आज 37 कोटींच्या संपत्तीची मालकीन आहे. मालिकेच्या एका भागासाठी शिवांगी 1.5 लाख मानधन घेते. तसेच जाहिरातींच्या माध्यमातून ती चांगलेच पैसे कमावते. एका जाहिरातीसाठी ती 5 ते 6 लाख रुपये मानधन घेते. 

संबंधित बातम्या