Urfi Javed: राम मंदिर उद्घाटन सोहळ्यानिमित्त उर्फी जावेदच्या घरी होम हवन; व्हिडीओ शेअर करुन म्हणाली, "अभिनंदन!"
Urfi Javed: नेहमी चर्चेत असणारी अभिनेत्री उर्फी जावेदनं देखील तिच्या घरात पूजा केली. नुकताच उर्फीनं सोशल मीडियावर एक व्हिडीओ शेअर केला आहे.
Urfi Javed: अयोध्येत आज राम मंदिराच्या (Ram Mandir) उद्घाटनाचा सोहळा मोठ्या उत्साहानं पार पडला आहे. पंतप्रधान नरेंद्र मोदी (PM Naredra Modi) यांच्या हस्ते रामाच्या मूर्तीची प्राणप्रतिष्ठा करण्यात आली आहे. संपूर्ण देश या ऐतिहासिक सोहळ्याचा साक्षीदार झाला आहे. अशातच आता नेहमी चर्चेत असणारी अभिनेत्री उर्फी जावेदनं (Urfi Javed) देखील तिच्या घरात पूजा केली. नुकताच उर्फीनं सोशल मीडियावर एक व्हिडीओ शेअर केला आहे. या व्हिडीओमध्ये ती होम हवन करताना दिसत आहे.
उर्फीनं शेअर केला व्हिडीओ
उर्फी जावेदने तिच्या मुंबईतील घरात होम हवन केले. या पूजेचा व्हिडीओ उर्फीनं सोशल मीडियावर शेअर केला. या व्हिडीओमध्ये उर्फी निळ्या रंगाच्या ट्रेडिशनल आऊटफिटमध्ये दिसत आहे. या व्हिडीओच्या बॅकग्राउंडला "राम आयेंगे" हे गाणे ऐकू येत आहे. या व्हिडीओला उर्फीनं कॅप्शन दिलं," उत्सव साजरा करणाऱ्या प्रत्येकाचे अभिनंदन!"
सोशल मीडियावर कौतुकाचा वर्षाव
उर्फीनं सोशल मीडियावर पूजेचा व्हिडीओ शेअर केल्यानंतर नेटकरी तिच्यावर कौतुकाचा वर्षाव करत आहेत. एका नेटकऱ्यानं उर्फीनं शेअर केलेल्या व्हिडीओला कमेंट केली, "उर्फीप्रमाणेच आपण प्रत्येक धर्माचा आदर केले पाहिजे" तर दुसऱ्या युझरनं कमेंट केली, "उर्फी तू आमचं हृदय जिंकलंस!"
पाहा व्हिडीओ:
View this post on Instagram
कोण आहे उर्फी जावेद? (know about urfi javed)
उर्फी जावेद ही तिच्या अतरंगी फॅशनमुळे नेहमीच चर्चेत असते.उर्फीच्या लूकची सोशल मीडियावर चर्चा होत आहे. उर्फीनं प्लास्टिक, वायर, पिझ्झा आणि काचांपासून तयार केलेला ड्रेस परिधान करुन या लूक्सचे फोटो सोशल मीडियावर शेअर केले होते. अॅक्टिंग, मॉडेलिंग आणि जाहिरातींमध्ये उर्फी काम करते. पण सध्या उर्फी ही तिच्या अतरंगी लूकमुळेच चर्चेत असते.
दुर्गा, सात फेरों की हेराफेरी, बेपनाह, जीजी मां, डायन, ये रिश्ता क्या कहलाता है, पंच बीट सीजन 2 आणि कसौटी जिंदगी की या प्रसिद्ध मालिकांमध्ये उर्फीनं काम केलं आहे. तसेच उर्फीनं अनेक रिअॅलिटी शोमध्ये देखील सहभाग घेतला आहे.
महत्त्वाच्या बातम्या
