Aamir - Sanjeeda Divorced : आमिर अली आणि संजीदा शेखचा घटस्फोट, लग्नाच्या 9 वर्षानंतर विभक्त

Aamir - Sanjeeda Divorced : छोट्या पडद्यावरील लोकप्रिय जोडी अभिनेता आमिर अली आणि अभिनेत्री संजीदा शेखचा घटस्फोट झाला आहे. लग्नाच्या 9 वर्षानंतर हे जोडपे विभक्त झाले आहे.

Aamir Sanjeeda

Aamir - Sanjeeda Divorced : छोट्या पडद्यावरील प्रसिद्ध जोडपे विभक्त झाले आहे. टिव्ही अभिनेत्री संजिदा शेख आणि अभिनेता आमिर अली यांनी घटस्फोट घेतला आहे. अभिनेता आमिर अली आणि अभिनेत्री संजिदा शेख हे टीव्हीवरील लोकप्रिय जोडप्यांपैकी एक आहे. आमिर अली आणि त्याची पत्नी संजीदा शेख यांच्या नात्यात दुरावा निर्माण झाल्याची चर्चा काही दिवसांपासून होती. रिपोर्ट्सनुसार, आता आमिर अली आणि त्याच्या पत्नीचा अधिकृतपणे घटस्फोट झाला आहे. मात्र याबाबत आमिर किंवा त्याची पत्नी संजिदा यांनी अद्याप कोणतीही पुष्टी केलेली नाही. असे सांगितले जात आहे की या जोडप्याला त्यांच्या घटस्फोटाबद्दल कोणतेही विधान करायचे नाही आणि त्यांच्या नात्यातील प्रत्येक गोष्ट खाजगी ठेवायची आहे.

आमिर अली आणि संजीदा शेख यांनी 2012 मध्ये केले लग्न
आमिर अली आणि संजीदा शेख यांनी 2012 मध्ये लग्नगाठ बांधली. जरी दोघेही एकमेकांना खूप दिवसांपासून ओळखत होते आणि डेटिंग करत होते. त्यांच्या लग्नाला जवळपास नऊ वर्षे झाली आहेत. मात्र 2020 पासूनच त्यांच्या नात्यातील दुराव्याच्या बातम्या येऊ लागल्या. यासोबतच तेव्हापासून दोघे वेगळे राहत असल्याचीही चर्चा होती.

मीडिया रिपोर्टनुसार, या जोडप्याला सरोगसीद्वारे आर्या नावाची मुलगीही झाली. मात्र, याबाबतही दोघांनी कोणतीही माहिती दिलेली नाही. रिपोर्टनुसार, संजिदा आणि आमिर यांच्या घटस्फोट नऊ महिन्यांआधीच झाला असून त्यांच्या मुलीचा ताबा संजिदाला मिळाला आहे. यानंतर दोघेही आपल्या जीवनात पुढे गेले आहेत. मात्र, दोघांनीही याबाबतील कोणतीही अधिकृत घोषणा केलेली नाही. दोघांनाही वैयक्तिक आयुष्य आणि नात्याची गोपनीयता जपायची असल्याचं म्हटलं जात आहे.

आमिर आणि संजिदा छोट्या पडद्यावर अनेक मालिकांमध्ये झळकले आहेत. त्यांनी अनेक मालिकांमध्ये एकत्र कामही केले आहे. 

संबंधित बातम्या :

LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोड पाहा लाईव्ह - ABP Majha