Aai Kuthe Kay Karte Latest Updates : अरुंधतीवर कोसळणार दु:खाचा डोंगर, आशुतोषचे होणार निधन; 'आई कुठं काय करते' मध्ये ट्वीस्ट

Aai Kuthe Kay Karte Latest Updates : मालिकेत आशुतोषचे निधन झाल्याचे दाखवण्यात येणार आहे. त्यामुळे आता आशुतोषच्या निधनानंतर मालिकेत कोणते रंगतदार वळण येणार याबाबत प्रेक्षकांची उत्सुकता शिगेला पोहचली आहे.

Aai Kuthe Kay Karte Latest Updates

Aai Kuthe Kay Karte :   छोट्या पडद्यावरील लोकप्रिय मालिका 'आई कुठं काय करते' मध्ये (Aai Kuthe Kay Karte) आता मोठा ट्वीस्ट येणार आहे. मालिकेची वेळ बदलण्यात आल्यानंतर आता कथानकातही बदल होणार आहे. या बदलेल्या कथानकानुसार आता अरुंधतीवर दु:खाचा डोंगर कोसळणार आहे. मालिकेत आशुतोषचे निधन झाल्याचे दाखवण्यात येणार आहे. त्यामुळे आता आशुतोषच्या निधनानंतर मालिकेत कोणते रंगतदार वळण येणार याबाबत प्रेक्षकांची उत्सुकता शिगेला पोहचली आहे. 'आई कुठं काय करते'  मालिकेचा नवा प्रोमो लाँच करण्यात आला आहे.  'आई कुठं काय करते' या मालिकेच्या वेळेवर आता घरोघरी मातीच्या चुली ही नवी मालिका सुरू होणार आहे. त्यामुळे 'आई कुठं काय करते'च्या वेळेत बदल होणार आहे.

'आई कुठं काय करते'  च्या नव्या प्रोमोत काय?

 नव्या प्रोमोत आशुतोषच्या फोटोवर हार घातला गेला आहे. आशुतोषच्या निधनाने अरुंधती कोलमडून पडली आहे. तर, आशुतोषची आई सुलेखा ही अरुंधतीला जबाबदार धरत तिला घराबाहेर जाण्यासाठी सांगते. त्यामुळे अरुंधती आणखीच कोलमडून जाते. त्याच वेळी तिची आधीची सासू अर्थात अनिरुद्धची आई तिला जवळ करते आणि मी माझ्या मुलीला घेऊन जाणार असल्याचे सांगते. 

 

 

 

 

 

 

View this post on Instagram

 

 

 

 

 

 

 

 

 

 

 

A post shared by star_marathi_serial_official (@star_marathi_serial_official)

नव्या प्रोमोवरुन चर्चांना उधाण

अरुंधतीने आयुष्याचा जोडीदार गमावल्याने आता तिच्यावर नवे संकट कोसळले आहे. धीराची आणि प्रत्येक संकटाला तोंड देणारी खंबीर अरुंधती आता या नव्या संकटाला कसे सामोरे जाणार,  अनिरुद्धच्या घरी अरुंधती जाणार का आणि सगळ्यात महत्त्वाचे आशुतोषचे खरेच निधन झालंय का, याबाबत अनेक प्रश्न प्रेक्षकांच्या मनात निर्माण झाले आहेत. 

'आई कुठं काय करते' नव्या वेळेत

आई कुठं काय करते ही मालिका 18 मार्चपासून ही मालिका सोमवार ते शनिवार दरम्यान दुपारी 2.30 वाजता ही मालिका प्रक्षेपित होणार आहे. ही मालिका संध्याकाळी 7.30 वाजता ही मालिका प्रेक्षकांच्या भेटीला येत होती. पण  या मालिकेचा मेन स्लॉट काढून घेण्यात आला. या मालिकेच्या जागी आता 'घरोघरी मातीच्या चुली' ही मालिका सुरू होणार आहे.  

पाहा व्हिडीओ : Aai Kuthe Kay Karte | सुरु होणार अरुंधतीचा नवा प्रवास... | Star Pravah