Aai Kuthe Kay Karte : "तू कमवायला लागली की सगळे चोचले कर"; कांचनताई ईशाची करणार कानउघडणी

Aai Kuthe Kay Karte : 'आई कुठे काय करते' या मालिकेत आता ईशाच्या लग्नसोहळ्याच्या तयारीला सुरुवात झाली आहे.

Aai Kuthe Kay Karte

Aai Kuthe Kay Karte Marathi Serial Latest Update : 'आई कुठे काय करते' (Aai Kuthe Kay Karte) ही छोट्या पडद्यावरील लोकप्रिय मालिका आहे. अरुंधती आणि आशुतोषच्या लग्नसोहळ्यानंतर मालिकेत आता ईशाच्या लग्नसोहळ्याच्या तयारीला सुरुवात झाली आहे. येत्या काही दिवसांत ईशा लग्नबंधनात अडकणार आहे. मालिकेच्या आगामी भागात ईशाच्या साखरपुड्याची तयारी सुरू असल्याचं पाहायला मिळेल. दरम्यान "तू कमवायला लागलीस की सगळे चोचले कर", अशी कांचनताई ईशाला समज देणार आहेत. 

ईशा आणि अनिशच्या साखरपुड्याचा मुहूर्त ठरला आहे. साखरपुडा ठरल्यामुळे दोघांच्याही घरी आनंदाचे वातावरण पाहायला मिळत आहे. दरम्यान मालिकेच्या आगामी भागात कांचन ताई ईशाला समज देताना दिसतील. सोन्याचे दागिने घेतल्यानंतर ईशा कांचनताईंना हिऱ्याच्या दागिन्यांचे डिझाइन दाखवणार आहे. त्यावर कांचनताई ईशाला तिची जागा दाखवत म्हणणार आहेत की,"तू कमवायला लागलीस की सगळे चोचले कर, हे दागिने आमच्याकडून आहेत. आमच्या ऐपतीप्रमाणे आम्ही तुला दागिने देणार आहोत". 

'आई कुठे काय करते' या मालिकेत ईशा सासरी जाणार असल्याने अरुंधती भावुक होणार आहे. ईशाच्या बालपणीच्या आठवणी ती आशुतोषला सांगणार आहे. तर दुसरीकडे ईशाच्या साखरपुड्याची बोलणी करण्यासाठी अनिरुद्धनेदेखील आई आणि आप्पांसोबत जायला हवं होतं, असं अनघा अनिरुद्धला सांगताना दिसणार आहे. त्यावर मी तिथे जाऊन काय करू, माझं कुणी ऐकत नाही त्यामुळे मी घरीच राहिलो, असं अनिरुद्ध म्हणणार आहे. 

 

 

 

 

 

View this post on Instagram

 

 

 

 

 

 

 

 

 

 

 

A post shared by सीरियल जत्रा (@serialjatra)

'आई कुठे काय करते' मालिकेच्या आगामी भागात संजना आणि अनिरुद्धमध्ये पुन्हा एकदा वाद होताना दिसणार आहे. दरम्यान अनिरुद्ध संजनाची माफी मागणार असून तो तिच्यासमोर त्याची बाजू मांडणार आहे. तर संजना आता मी पुन्हा फसणार नाही, असं स्पष्ट करेल. अनिरुद्ध संजनाची माफी मागत असला तरी त्याला त्याच्या वागण्याचा पश्चाताप झालेला नाही. त्यामुळे आता संजना त्याला तिच्यापासून दूर राहण्याचा सल्ला देते. 

'आई कुठे काय करते' या मालिकेत मधुराणी प्रभूलकर, मिलिंग गवळी, रुपाली भोसले आणि ओंकार गोवर्धन हे कलाकार मुख्य भूमिकेत आहे. टीआरपीच्या शर्यतीत ही मालिका दुसऱ्या क्रमांकावर आहे. या मालिकेला 6.5 रेटिंग मिळाले आहे. ही मालिका प्रेक्षकांच्या पसंतीस उतरावी यासाठी निर्माते वेगवेगळे प्रयत्न करत आहेत. 

संबंधित बातम्या