Squid Game season 2 : अखेर ठरलं... 'स्क्विड गेम' सिझन 2 ची घोषणा, दिग्दर्शकाकडून चाहत्यांसाठी खास संदेश
Squid Game 2 : नेटफ्लिक्सने चाहत्यांसाठी मोठी भेट दिली आहे. नेटफ्लिक्सवरील सर्वात लोकप्रिय वेब सीरिज स्किड गेमच्या दुसऱ्या सिझनची घोषणा झाली आहे.
Squid Game 2 : नेटफ्लिक्स (Netflix) या ओटीटी प्लॅटफॉर्मने जबरदस्त वेब सीरिजने चाहत्यांच्या मनोरंजनात वाढ करत त्यांना प्रचंड वेड लावलं आहे. नेटफ्लिक्सवरील अनेक लोकप्रिय वेब सीरिजच्या पुढील सिझनसाठी चाहते आतुरतेने वाट बघत आहेत. अशातच नेटफ्लिक्सच्या चाहत्यांसाठी आनंदाची बातमी आहे. 2021 मधील सर्वाधिक लोकप्रिय वेब सीरिज 'स्किड गेम'च्या सिझन 2 (Squid Game Season 2) ची घोषणा झाली आहे. 'स्किड गेम'च्या पहिल्या सिझनमध्ये 7 गेम 456 स्पर्धक आणि एक विजेता... अशी कहाणी पाहायला मिळाली.
'स्किड गेम' या कोरियन वेब सीरिजने जगभरात स्वत:चा वेगळा चाहता वर्ग निर्माण केला. याच्या दुसऱ्या सिझनसाठी चाहते आतुर होते. त्यानंतर आता नेटफ्लिक्सने 'स्किड गेम'च्या सिझन 2 ची घोषणा केली आहे. नेटफ्लिसने अधिकृत ट्विटर अकाऊंटवर 'स्किड गेम'च्या सिझन 2 चा टीझर शेअर केला आहे.
Red light… GREENLIGHT!
— Netflix (@netflix) June 12, 2022
Squid Game is officially coming back for Season 2! pic.twitter.com/4usO2Zld39
दिग्दर्शकाकडून चाहत्यांना खास संदेश
नेटफ्लिक्सने ट्विट करत एक नोट शेअर केली आहे, यामध्ये वेब सीरिजच्या दिग्दर्शकाने त्याच्या चाहत्यांसाठी खास संदेश लिहिला आहे. दिग्दर्शक ह्वांग डोंग ह्युक यांनी लिहिलं आहे की, 'गेल्या वर्षी स्क्विड गेम्सचा पहिला सीझन आणण्यासाठी 12 वर्षे लागली. पण स्क्विड गेम्स अवघ्या 12 दिवसांत नेटफ्लिक्सवर लोकप्रिय वेब सीरिज बनली. स्किड गेमचा लेखक, दिग्दर्शक आणि निर्माता म्हणून जगभरातील चाहत्यांनी खूप कौतुक केलं. स्क्विड गेम पाहिल्याबद्दल आणि आवडल्याबद्दल धन्यवाद. आता जी-हान परत येत आहे. फ्रंट मॅन परत येत आहे, स्क्विड गेम सीझन 2 येत आहे. या सिझनमध्ये दाक्जी (Ddakji) खेळणारा सूट-बूटवाला व्यक्ती पुन्हा दिसेल. यंग-हीचा बॉयफ्रेड दिसेल.'
Hwang Dong-Hyuk writer, director, producer, and creator of @squidgame has a message for the fans: pic.twitter.com/DxF0AS5tMM
— Netflix (@netflix) June 12, 2022
चाहत्यांची उत्सुकता शिगेला
'स्किड गेम'च्या सीझन 2 च्या घोषणेनंतर चाहते खूप उत्सुक आणि आनंदी झाले आहेत. या पोस्टवर असंख्य़ चाहते खूप कमेंट करत आहे. एका चाहत्यांनी कमेटमध्ये लिहिलं आहे की त्यांना सिझन 2 ची उत्सुकता लागली आहे. आता सिझन 2 ची वाट पाहणं कठीण झालंय. स्किड गेम ही नेटफ्लिक्सवर जगभरातील सर्वाधिक लोकप्रिय वेब सीरिज आहे.
इतर बातम्या :
महत्त्वाच्या बातम्या
ट्रेंडिंग न्यूज
