Sohail Khan Seema Khan Divorce : मलायका-अरबाजनंतर आता सोहेल आणि सीमा घेणार घटस्फोट; फॅमिली कोर्टाबाहेरील फोटो व्हायरल
सोहेल (Sohail Khan) आणि सीमा (Seema Khan) हे आज फॅमिली कोर्टामध्ये उपस्थित होते.
Sohail Khan Seema Khan Divorce : बॉलिवूडमधील प्रसिद्ध अभिनेता सोहेल खान (Sohail Khan) आणि सीमा खान (Seema Khan ) हे घटस्फोट घेणार आहेत. सोहेल आणि सीमा यांच्या लग्नाला 24 वर्ष पूर्ण झाली आहेत. नुकताच त्यांचा फॅमिली कोर्टाच्याबाहेरील फोटो व्हायरल झाला आहे. ई- टाइम्सच्या रिपोर्टनुसार आणि सूत्रानं दिलेल्या माहितीनुसार , सोहेल आणि सीमा हे आज फॅमिली कोर्टामध्ये उपस्थित होते. दोघांनी घटस्फोटाचा अर्ज दाखल केला आहे.
सोहेल आणि सीमा यांचा 1998 मध्ये विवाह सोहळा पार पडला. त्यांना निर्वाण आणि योहन नावाची दोन मुलं आहेत. रिपोर्टनुसार, ते दोघे 2017 पासून वेगळे राहात होते. द फॅब्युलस लाइफ्स ऑफ बॉलीवूड वाइफ या शोमध्ये असं दाखवण्यात आलं होतं की दोघे वेगवेगळे राहतात आणि त्यांची मुलं त्यांच्यासोबत राहतात. त्या शोमुळे दोघे वेगवेगळे राहतात, याबाबत चाहत्यांना माहिती मिळाली होती. अजून सोहेल आणि सीमा यांनी त्यांच्या घटस्फोटाबाबत कोणतीही अधिकृत घोषणा केलेली नाही.
सीमा ही फॅशन डिझाइनर आहे. सीमाचे एक फॅशन स्टोर देखील आहे. या फॅशन स्टोरचे नाव 'बांद्रा 190' असं आहे. सोहेलनं अनेक चित्रपटांमध्ये काम केलं आहे. 2002 मध्ये प्रदर्शित झालेल्या मैंने दिल तुझको दिया या चित्रपटामधून सोहेलनं अभिनय क्षेत्रातमध्ये पदार्पण केलं. ट्यूबलाइट, जय हो, राधे, वीर, प्यार किया तो डरना क्या, आणि हॅलो या चित्रपटांमध्ये सोहेलनं प्रमुख भूमिका साकारली.
View this post on Instagram
सोहलेच्या भावाचा म्हणजेच अरबाज खानचा देखील घटस्फोट झाला आहे. अरबाजनं अभिनेत्री मलायका अरोरासोबत 1998 साली लग्नगाठ बांधली. त्यानंतर 2017 मध्ये त्यांचा घटस्फोट झाला. लग्नाआधी दोघांनीही जवळपास 5 वर्षे एकमेकांना डेट केले होते. सध्या मलायका ही अभिनेता अर्जुन कपूरला डेट करत आहे. मलायका अर्जुनसोबतचे फोटो सोशल मीडियावर शेअर करत असते. सोहेल, अरबाज आणि सलमान या तीन भावाबाबत सोशल मीडियावर चर्चा सुरू असते.
महत्त्वाच्या बातम्या
