Shreyas Talpade on Heart Attack: '10 मिनिटांसाठी मी मेलो होतो...', श्रेयस तळपदेला आला होता हृदयविकाराचा झटका, शुटिंगवेळी अभिनेत्यासोबत नेमकं काय घडलं?
Shreyas Talpade on Heart Attack: शुटिंगदरम्यान श्रेयस तळपदेला हृदयविकाराचा तीव्र झटका आला होता.
Shreyas Talpade Opens Up About His Cardiac Arrest: अभिनेता श्रेयस तळपदेनं (Shreyas Talpade) केवळ मराठी सिनेसृष्टीत नाही तर, बॉलिवूडमध्येही आपल्या अभिनयाचा डंका वाजवला. त्याने आपल्या कारकिर्दीत बऱ्याच सिनेमा आणि मालिकांमध्ये काम केलं आहे. त्याच्या प्रेक्षकांकडून भरभरुन प्रेम मिळालं आहे. श्रेयस तळपदे (Bollywood) हा गेल्या 20 वर्षाहून अधिक काळ सिनेइंडस्ट्रीत कार्यरत होता. तो अलिकडेच 'वेलकम टू द जंगल' (Welcome to the Jungle) या सिनेमात झळकला होता. हा सिनेमा बॉक्स ऑफिसवर सुपरहिट ठरला आहे. त्याच्या या सिनेमातील अभिनयाचं विशेष कौतुक करण्यात येत आहे. दरम्यान, या सिनेमाच्या चित्रिकरणादरम्यानचा किस्सा त्यानं शेअर केला आहे.
'वेलकम टू द जंगल' या सिनेमाच्या चित्रिकरणावेळी श्रेयस तळपदेसोबत एक भयंकर घटना घडली होती. डिसेंबर 2023 साली त्याला हृदयविकाराचा झटका आला होता. ज्यामुळे त्याला रुग्णालयात उपचारासाठी दाखल करण्यात आले होते. त्याची चित्रीकरणादरम्यान त्याची प्रकृती खालवली होती. श्रेयसच्या पत्नीने त्याला तातडीने रुग्णालयात उपचारासाठी नेले होते. हॉस्पिटलमध्ये नेत असताना तो बेशुद्ध पडला होता.
श्रेयस तळपदेला आलेला हृदयविकाराचा तीव्र झटका (Shreyas Talpade Opens Up About His Cardiac Arrest in Interview)
यानंतर त्याला शुद्धीवर आणण्यात आले आणि त्याची सर्जरी करण्यात आली. त्या दिवशी नेमकं काय घडलं? कर्ली टेल्स या यूट्यूब चॅनेलला दिलेल्या मुलाखतीत, अभिनेत्याने दुसऱ्या जीवनदानाबद्दल किस्सा सांगितला. 'तो काळ माझ्यासाठी आणि माझ्या कुटुंबासाठी खूप कठीण होता', असं श्रेयस तळपदेनं आपल्या मुलाखतीत सांगितलं. त्या एका घटनेनंतर त्याच्या आयुष्यात बरेच बदल झाले, असंही त्याने आपल्या मुलाखतीत सांगितलं.
'पूर्वी मी केवळ कामाला महत्त्व देत होतो. माझ्यासाठी माझं काम खूप महत्त्वाचं होतं. मी वारंवार, मला काम करायचं आहे, असं म्हणायचो. पण कुटुंबाला क्वालिटी टाइम देणं, हेही तितकंच गरजेचं आहे. पण त्यावेळी एका क्षणात माझ्यासोबत सगळं काही घडलं. 10 मिनिटांसाठी टेक्निकली मी मेलो होतो. माझ्या हृदयाचे ठोके 10 मिनिटांसाठी बंद पडले होते. त्यांना मला पुन्हा जिवंत करावं लागलं. जसं चित्रपटात दाखवतात, आधी मला CPR देण्यात आलं. नंतर मला इलेक्ट्रिक शॉक देण्यात आला', असं श्रेयस म्हणाला.
श्रेयस तळपदेनं सांगितलं की, त्याला हृदयविकाराचा तीव्र झटका गाडीमध्ये आला होता. त्याच्या पत्नीने श्रेयसची काळजी घेतली. तसेच रुग्णालयात घेऊन गेली. रुग्णालयात त्याच्यावर तातडीने ऑपरेशन करण्यात आले. तेव्हा श्रेयसला जाणवलं की, आयुष्यात फक्त काम हे सर्वस्व नसतं. आता ते परिवाराला अधिक वेळ देतात.
महत्त्वाच्या बातम्या
