Shraddha Kapoor Aunt Tejaswini Kolhapure: 39 वर्षांची श्रद्धा कपूर लग्नबंधनात अडकणार? बॉयफ्रेंडसोबत बांधणार लग्नगाठ, मावशीच्या वक्तव्यानं चर्चांना उधाण
Shraddha Kapoor Aunt Tejaswini Kolhapure: 'फ्री प्रेस जर्नल'शी साधलेल्या संवादात, श्रद्धा कपूरची मावशी तेजस्विनी कोल्हापुरे यांनी अभिनेत्रीच्या लग्नाविषयी भाष्य केलं आहे. श्रद्धाच्या लग्नाच्या चर्चांवर तिची मावशी तेजस्विनी कोल्हापुरे यांनी आश्चर्य व्यक्त केलं आहे.
Shraddha Kapoor Aunt Tejaswini Kolhapure: बॉलिवूडची (Bollywood News) चुलबुली अभिनेत्री श्रद्धा कपूर (Shraddha Kapoor) लग्न करतेय, अशा चर्चांना उधाण आलं आहे. त्यामुळे पुन्हा एकदा श्रद्धाच्या चाहत्यांचा हॉर्ट ब्रेक झाला आहे. श्रद्धा कपूरच्या लग्नाबाबतच्या चर्चा गेल्या बऱ्याच काळापासून सुरू आहेत. श्रद्धा कपूरचं नाव बऱ्याच काळापासून लेखक राहुल मोदीसोबत (Rahul Mody) जोडलं जातंय. अनेकदा दोघे एकत्र स्पॉटही झालेत, त्यामुळे दोघे एकमेकांसोबत रिलेशनशिपमध्ये असल्याचंही सांगितलं जातंय. अशातच चाहतेही श्रद्धाला नववधू लूकमध्ये पाहण्यासाठी उत्सुक आहेत. आता पुन्हा एकदा श्रद्धा आणि राहुल मोदी यांच्या लग्नाच्या चर्चांनी जोर धरला आहे. त्यासाठी कारण आहे, श्रद्धाची मावशी अभिनेत्री तेजस्विनी कोल्हापुरे यांनी केलेलं वक्तव्य.
'फ्री प्रेस जर्नल'शी साधलेल्या संवादात, श्रद्धा कपूरची मावशी तेजस्विनी कोल्हापुरे यांनी अभिनेत्रीच्या लग्नाविषयी भाष्य केलं आहे. श्रद्धाच्या लग्नाच्या चर्चांवर तिची मावशी तेजस्विनी कोल्हापुरे यांनी आश्चर्य व्यक्त केलं आहे. "खरोखर? मला याबद्दल काहीच कल्पना नाही. मला याविषयी अजिबात काहीच ठाऊक नाही...", असं श्रद्धा कपूरची मावशी म्हणाली आहे.
श्रद्धाचे कौतुक करतानाच, तेजस्विनी कोल्हापुरे यांनी असंही नमूद केलं की, श्रद्धानं आपल्या कुटुंबाचा वारसा पुढे नेला आहे, याचा तिला सार्थ अभिमान वाटतो. त्या पुढे असंही म्हणाल्या की, श्रद्धानं ज्या सहजतेनं आणि शालीनतेनं आपल्या कुटुंबाचं नाव उज्वल केलंय, ते पाहून त्यांना अत्यंत आनंद झालाय.
श्रद्धासोबत मावशी तेजस्विनी कोल्हापुरे यांचं नातं कसं? (Shraddha Kapoor And Tejaswini Kolhapure)
श्रद्धा कपूरची मावशी, तेजस्विनी कोल्हापुरे यांनी असंही उघड केलंय की, ती आणि श्रद्धा एकमेकींच्या कामावर चर्चा करतात. या दोघी आपापल्या सेटवरील फोटो आणि व्हिडीओ, तसेच विविध सिनेमांमधील त्यांचे लूक एकमेकींशी शेअर करतात. तेजस्विनीनं पुढे असंही नमूद केलंय की, ती आणि श्रद्धा एकमेकींना सल्ला केवळ तेव्हाच देतात, जेव्हा त्यांना मनापासून असं वाटतं की, एखाद्या गोष्टीमध्ये खरोखरंच सुधारणा करता येऊ शकते.
दरम्यान, श्रद्धा कपूर आणि राहुल मोदी यांच्या रिलेशनशिपच्या आणि लग्नाच्या चर्चा गेल्या बऱ्याच काळापासून सुरू आहेत. 2014 पासूनच त्यांच्या डेटिंगच्या चर्चांना उधाण आलेलं. त्यावेळी त्यांना एका 'डिनर डेट'वर एकत्र पाहिलं गेलं होतं. व्हेकेशनपासून ते वेगवेगळ्या इव्हेंट्समध्ये ही जोडी वारंवार एकत्र दिसून आली. असं असलं तरी, श्रद्धा आणि राहुल यांनी आपल्या नात्याला अद्याप अधिकृत दुजोरा दिलेला नाही. तरीही, त्यांच्यातील 'केमिस्ट्री' हा आजही चर्चेचा विषय बनलेला आहे. चाहत्यांकडून दोघेही लग्न करणार असून साताजन्माची गाठ बांधणार आहेत, असं सांगितलं जातंय. श्रद्धासोबत ज्याचं नाव जोडलं जातंय, तो लेखक राहुल मोदी हा नामांकीत लेखक आणि सिनेनिर्माता आहे. श्रद्धाच्या वर्कफ्रंटबाबत बोलायचं झाल्यास लवकरच ती 'ईथा' (Eetha) या सिनेमात दिसणार आहे.
महत्त्वाच्या इतर बातम्या :
महत्त्वाच्या बातम्या
