Santosh Juvekar : 'हा माथेफिरू दिग्दर्शक...', संतोष जुवेकरची अनुराग कश्यपसाठी पोस्ट
Santosh Juvekar : अभिनेता संतोष जुवेकरने अनुराग कश्यपसाठी लिहिलेली पोस्ट सध्या चर्चेत आल्याचं पाहायला मिळत आहे.
Santosh Juvekar : मोरया, झेंडा, रेगे या सिनेमांमधून प्रेक्षकांच्या भेटीला आलेला अभिनेता संतोष जुवेकर (Santosh Juvekar) आता त्याच्या बॉलीवुड पदार्पणासाठी सज्ज झालाय. इतकच नव्हे तर त्याने नुकतच बॉलीवुडचा प्रसिद्ध दिग्दर्शक अनुराग कश्यपसोबत काम करण्याची संधी मिळाली. अनुरागचे सिनेमे हे अनेक विषयांवर भाष्य करणारे असतात. त्यामुळे त्याच्यासोबत काम करण्याची प्रत्येक कलाकाराची इच्छा असतेच.
संतोषने नुकतच त्याच्या सोशल मीडियावर अनुरागसोबतचा फोटो शेअर केला आहे. यावर त्याने लिहिलेल्या कॅप्शने सगळ्यांचं लक्ष वेधून घेतलं. तसेच अनुरागसोबत काम करण्याचा अनुभव कसा होता, यावरही संतोषने भाष्य केलं आहे.
'वेड्या दिग्दर्शकासोबत काम करण्याचं वेड...'
संतोषने त्याच्या सोशल मीडियावर पोस्ट करत म्हटलं की, हा एक माथेफिरू दिग्दर्शक आहे. वेड्यासारखं काम करत राहायचं ह्या माणसाच व्यसन आहे आणि ह्या वेड्या दिग्दर्शकासोबत काम करण्याचं वेड आणि स्वप्नं माझं फार आधीपासून होत.ते इतकं मनापासून पाहिलेलं स्वप्नं पूर्ण झालंच. आखिर मुझे AK बाबा का बुलावा आ ही गया.आत्ता पर्यंत अनेक उत्तमोत्तम दिग्दर्शकांन सोबत काम करण्याची संधी मला मिळाली आहे. त्यांच्या प्रत्येकाच्या आपापल्या वेगवेगळ्या शैलीत काम करण्याचा अनुभवही मी कमावलाय.
पुढे संतोषने म्हटलं की, अनुराग सरांसोबत काम करण्याआधी त्यांची कामाची स्टाईल आणि कामाच्या पद्धतीबद्दल ऐकून होतो. पण गेले काही दिवस त्यांच्यासोबत काम करताना ह्याची देही ह्याची डोळा अनुभव घेतोय. माझ्यासाठी ह्या सिनेमात काम करणं म्हणजे एक कार्यशाळा आहे. AK sir love u for this opportunity. "आपके साथ काम करनेका एक सपना पुरा करके आपके साथ और काम करनेका सपना देखना शुरु करदिया मैने."
View this post on Instagram
ही बातमी वाचा :
महत्त्वाच्या बातम्या
ट्रेंडिंग न्यूज
