Salman Khan Treatment: 'स्वत:च्या डोक्यावर इंजेक्शन...', सलमान खाननं घेतलीय 'ती' ट्रिटमेंट, जवळचा मित्र म्हणाला, 'तो बिर्याणी खात...'

Salman Khan Undergoing Hair Treatment: सलमान खानवर नक्की कोणती ट्रिटमेंट सुरू? मित्र शैलेंद्र म्हणाला....

Salman Khan Undergoing Hair Treatment

Source : canva

Salman Khans Hair Treatment Secret: सलमान खानच्या (Salman Khan) एका व्हिडीओने सोशल मीडियात धुमाकूळ घातला होता. हा व्हिडीओ पाहून, नेटकऱ्यांनी सलमान खानच्या तब्येतीविषयी विचारपूस केली. अलिकडेच सलमान खानचा मित्र आणि चित्रपट निर्माता शैलेंद्र सिंह याने, सलमान खानला गलॅक्सी अपार्टमेंटमध्ये (Bandra Galaxy Apartment) भेटल्याचा किस्सा सांगितला. 'सलमान खानच्या केसांवर ट्रिटमेंट (Hair treatment) सुरू होते, तेव्हा तो बिर्याणीचा आस्वाद घेत होता', असं त्याने सांगितलं. नेमका किस्सा काय? जाणून घेऊयात. 

शैलेंद्र सिंहने अलिकडेच साइरस ब्रोचा याच्या पॉडकास्टमध्ये  मुलाखत दिली होती.  या पॉडकास्टमध्ये त्याने सलमान खानसोबतचा किस्सा सांगितला. तो म्हणाला, 'एके दिवशी मी सलमान खानला त्याच्या गॅलेक्सी अपार्टमेंटमध्ये भेटायला गेलो होतो. आम्ही सोमवारी रात्री पार्टी करायचो', असं शैलेंद्रने पॉडकास्टमध्ये सांगितलं. 'त्यावेळी सलमान खान डायनिंग टेबलवर बसून जेवत होता. आणि स्वत:ला आरशात बघत होता.  त्याला जेवताना स्वत:ला आरशात बघायला आवडतं'.

सलमान खानवर कोणती ट्रिटमेंट सुरू? (Salman Khan Hair Treatment)

'जेव्हा मी तिथे बसलो होतो. तेव्हा तिथे एक माणूस मेडिकल इक्विपमेंट्स घेऊन आला होता. त्या व्यक्तीने तातडीने सलमान खानवर ट्रिटमेंट करायला सुरुवात केली. आम्हाला कोणताही व्यत्यय न आणता त्याने उपचाराला सुरुवात केली', असं सलमान खानच्या मित्राने सांगितलं. शैलेंद्रने सांगितलं की,  'सलमान खान बसून बिर्याणी खात होता.  तुम्हा सर्वांना माहितीच असेल की, सलमानला खायला खूप आवडतं. विशेषत:  थोडे ड्रिंक्स घेतल्यानंतर...'.

'अचानक एक माणूस आला. त्याने हातात हातमोजे घातले.  एक सुई काढली.  त्याच्या स्कॅल्पमध्ये इंजेक्शन टोचायला सुरुवात केली. मी हे सगळं आरशातून पाहत होतो. तसेच विचार करत होतो, की हे नेमकं काय चाललंय?',  असं शैलेंद्र म्हणाला.  यानंतर शैलेंद्रने सलमान खानला विचारले की हे नक्की काय चाललंय? त्यावर तो म्हणाला की, 'मित्रा, हीच स्टार बनण्याची किंमत आहे.  पूर्ण उपचार सुरु असताना, तो सतत खात होता', असं शैलेंद्र म्हणाला.

शैलेंद्रला नंतर कळलं की, सलमान खानवर प्लेटलेट रिच प्लाझ्मा थेरेपी सुरु होती.  ही एक अशी ट्रिटमेंट आहे, ज्यामध्ये केसांच्या वाढीला चालना देण्यासाठी व्यक्तीच्या स्वत:च्या रक्तातून काढलेल्या प्लाझ्माचा वापर केला जातो. 'तेव्हा मला ठाऊक नव्हतं की, नेमकं काय चाललंय?  मला वाटलं की, सगळेच करतात. ऋतिक रोशनही करतो. जसं जसं तुमचं वय वाढतं,  तस तसं तुमचे केस विरळ होतात. तुम्हाला हे सगळं करावं लागतं', असं शैलेंद्र म्हणाला.

महत्त्वाच्या इतर बातम्या: