35 Years Of Salman Khan : बाॅलिवूडचा (Bollywood) भाईजान सलमान खानने काल (26 ऑगस्ट) बॉलिवूडमध्ये 35 वर्षे पूर्ण केली आहेत. "बिवी हो तो ऐसी" या चित्रपटातून त्याने 1988 मध्ये बाॅलिवूडमध्ये एंट्री केली. त्याने त्याच्या चाहत्यांचे त्यानंतर अनेक चित्रपटातून मनोरंजन केले. त्यामध्ये मैंने प्यार किया, बागी, सनम बेवफा, पत्थर के फूल, साजन, मुझसे शादी करोगी, चुपके चुपके, करण-अर्जुन या चित्रपटात दिसला.
अभिनय विश्वात तब्बल 35 वर्षांचा प्रवास पूर्ण केल्याबद्दल सलमान खानने त्याच्या चाहत्यांचे आभार मानले आहेत. सलमानने त्याच्या काही फेमस चित्रपटातील सीन एकत्रित करुन आपल्या चाहत्यांसाठी सोशल मीडियावर एक व्हिडीओ शेअर केला आहे. त्याखाली त्याने कॅप्शन लिहिले आहे, "35 वर्षे 35 दिवसांसारखी वाटली. तुम्ही दिलेल्या प्रेमाबद्दल खूप खूप आभार."
सोशल मीडियावर हा व्हिडीओ पोस्ट केल्यानंतर त्याच्या चाहत्यांनी अनेक कमेंट्स केल्या आहेत. एका व्यक्तीने कमेंट केली- "येथे दुसरा सलमान खान कधीच असू शकत नाही." आणखी एका चाहत्याने लिहिले की, "मी म्हातारा झालो तरी सलमान खान नेहमीच माझा आवडता राहिल." याशिवाय एका फॅनने लिहिले की 'बॉलिवूड इंडस्ट्रीत 35 वर्षे पूर्ण केल्याबद्दल अभिनंदन आणि आमचे मनोरंजन केल्याबद्दल धन्यवाद."
सलमानच्या आगामी प्रोजेक्टबद्दल जाणून घ्या... (Salman Khan Upcoming Project)
सलमान खान बॉलिवूडचा आघाडीचा अभिनेता आहे. नुकतंच त्याने 'बिग बॉस ओटीटी 2'चं (Bigg Boss OTT 2) शूटिंग पूर्ण केलं आहे. आता अभिनेत्याच्या आगामी सिनेमांची चाहत्यांना प्रतीक्षा आहे. 'किसी का भाई किसी की जान' (Kisi Ka Bhai Kisi Ki jaan) या सिनेमात अभिनेता शेवटचा झळकला होता. सलमान खानचा 'टायगर 3' (Tiger 3) हा सिनेमा प्रदर्शनासाठी सज्ज आहे. या सिनेमात तो बॉलिवूड अभिनेत्री कतरिना कैफसोबत (Katrina Kaif) स्क्रीन शेअर करताना दिसणार आहे. याशिवाय इमरान हाश्मी, विशाल जेठवा आणि रिद्धी डोगराही महत्त्वाच्या भूमिका साकारताना दिसणार आहेत. सलमानचा 'टायगर 3' हा सिनेमा बॉक्स ऑफिसवर चांगलाच गल्ला जमवणार असं म्हटलं जात आहे. या सिनेमात शाहरुख खानची (Shah Rukh Khan) झलक पाहायला मिळणार असल्याने चाहत्यांची उत्सुकता आणखी वाढली आहे. 'टायगर 3'सह सूरज बडजात्याच्या 'प्रेम की शादी' या सिनेमातही तो झळकणार आहे.
इतर महत्वाच्या बातम्या