Saif Ali Khan Attack Case: 4 दिवस अॅडमिट राहिल्यानंतर 36 लाखांचं बिल? फॉरेन्सिक रिपोर्टनंतर, आता सैफची ट्रिटमेंट वादाच्या भोवऱ्यात
Saif Ali Khan Attack Case: सैफ अली खान बरा होऊन घरी परतला असून सध्या तो डॉक्टरांच्या सल्ल्यानुसार विश्रांती घेत आहे. पण जसजसे दिवस जात आहेत, तसतसं हे प्रकरण अधिक गुंतागुंतीचं होत चाललं आहे.
Saif Ali Khan Attack Case: बॉलिवूड अभिनेता (Bollywood Actor) सैफ अली खानवर (Saif Ali Khan) हल्ला झाला. त्याच्यावर चोरट्यानं 6 वेळा हल्ला झाल्याची माहिती पोलीस तपासात समोर आली आहे. हल्ला झाल्यानंतर सैफ अली खानला तात्काळ रुग्णालयात दाखल करुन त्याच्यावर दोन शस्त्रक्रिया करण्यात आल्या. तब्बल 4 दिवस रुग्णालयात दाखल केल्यानंतर पाचव्या दिवशी सैफला डिस्चार्ज देण्यात आला. सध्या सैफ अली खान हल्ला प्रकरणात अनेक धक्कादायक खुलासे होत आहेत. अशातच आता सैफ अली खानचं हॉस्पिटलचं बिल आणि त्यानंतर लगेचच मंजूर झालेला इन्शोरन्स क्लेम चर्चेचा विषय ठरत आहे.
सैफ अली खान बरा होऊन घरी परतला असून सध्या तो डॉक्टरांच्या सल्ल्यानुसार विश्रांती घेत आहे. पण जसजसे दिवस जात आहेत, तसतसं हे प्रकरण अधिक गुंतागुंतीचं होत चाललं आहे. अटक करण्यात आलेल्या आरोपीच्या बोटांचे ठसे जुळत नसल्याचं अलिकडेच समोर आलं आहे. एवढंच नाही तर, फॉरेन्सिक रिपोर्टही वेगळीच कहाणी सांगत आहे. हळूहळू अनेक धक्कादायक खुलासे होत आहेत. हे पुरेसे नव्हतं तर, आता सैफ अली खानवरचे उपचार आणि त्यासाठी झालेला खर्च यावरही प्रश्न उपस्थित केले जात आहेत.
4 दिवसांत 36 लाखांचं बिल?
सैफ अली खानवर झालेले संपूर्ण उपचार कॅशलेस इन्शोरन्सवर करण्यात आले. सैफ अली खानला रुग्णालयात दाखल करताच इन्शोरन्स कंपनीनं तात्काळ 25 लाख रुपये मंजूर केले. पण, 4 दिवसांनी ज्यावेळी सैफ अली खानला डिस्चार्ज देण्यात आला. त्यावेळी त्याचं बिल 36 लाख रुपये होतं. आता विमा कंपनीवर अनेक प्रश्न उपस्थित केले जात आहेत की, त्यांनी इतक्या लवकर 25 लाख रुपये कसे काय मंजूर केले?
असोसिएशन ऑफ मेडिकल कन्सल्टंट्सकडून प्रश्न उपस्थित
असोसिएशन ऑफ मेडिकल कन्सल्टंट्सनं IRDAI ला पत्र लिहून या उपचारांबाबत अनेक प्रश्न उपस्थित केले आहेत. असं सांगितले जात आहे की, अशा प्रकरणांमध्ये विमा कंपनी एफआयआरची प्रत मागते आणि या संपूर्ण प्रक्रियेला वेळ लागतो, परंतु त्यापूर्वीच त्याला 25 लाख रुपयांची मंजुरी मिळाली होती. त्यामुळे यावर असोसिएशननं प्रश्न उपस्थित केला आहे की, सैफ अली खानला सेलिब्रिटी असल्याचा फायदा मिळाला आहे का? कारण जर हे इतर कोणत्याही सामान्य माणसासोबत घडलं असतं, तर विमा कंपनीनं रीजनेबल आणि कस्टमरी चार्ज लागू केले असते आणि क्लेम दिला नसता.
अभिनेता सैफ अली खान याच्यावर लिलावती रुग्णालयात उपचारांसाठी झालेला 25 लाख रुपयांचा खर्च विमा कंपनीनं तत्काळ मंजूर केला. पण, सामान्यांना विम्याचा दावा मंजूर करून घेताना चकरा माराव्या लागतात. केवळ वलयांकित व्यक्ती आणि पंचतारांकित रुग्णालय असल्यानं सैफला विशेष वागणूक मिळाली, याची चौकशी करण्याची मागणी असोसिएशन ऑफ मेडिकल कन्सल्टंट या तज्ज्ञ डॉक्टरांच्या संघटनेनं विमा नियामक प्राधिकरणाकडे केली आहे.
महत्त्वाच्या बातम्या
ट्रेंडिंग न्यूज
