घाईघाईने झालेलं लग्न, वयात 13 वर्षाचं अंतर; सैफ अली खानने अमृता सिंगवर धर्म बदलण्याचा दबाव टाकला होता?
मात्र 2004 साली दोघांचा घटस्फोट झाला आणि ते वेगळे झाले. या लग्नातून सारा अली खान आणि इब्राहिम अली खान ही दोन मुले आहेत.
Saif Ali Khan:बॉलिवूड अभिनेता सैफ अली खानने आपल्या वैयक्तिक आयुष्याबाबत नेहमीच स्पष्ट भूमिका मांडली आहे. पहिली पत्नी अमृता सिंग आणि सध्याची पत्नी करीना कपूर या दोघीही हिंदू धर्मीय आहेत. मात्र धर्माच्या मुद्द्यावर सैफने कधीही कोणावरही दबाव टाकला नाही, हे त्याने स्वतः अनेकदा स्पष्ट केलं आहे.
सैफ अली खान आणि अमृता सिंग यांचं 1991 साली लग्न झालं होतं. दोघांमध्ये तब्बल 13 वर्षांचा वयाचा फरक होता. चित्रपटाच्या सेटवर ओळख झाली, प्रेम संबध तयार झाले आणि त्यांनी लग्नाचा निर्णय घेतला. मात्र 2004 साली दोघांचा घटस्फोट झाला आणि ते वेगळे झाले. या लग्नातून सारा अली खान आणि इब्राहिम अली खान ही दोन मुले आहेत.
धर्माच्या भिंती ओलांडून अमृताशी केलं लग्न
सैफने एका मुलाखतीत स्पष्टपणे सांगितलं होतं की, “अमृता ( तो प्रेमाने ‘डिंगी’ म्हणायचा) यांना कधीही इस्लाम स्वीकारण्यासाठी दबाव टाकण्यात आला नाही. आमचा सुरुवातीपासूनच सिद्धांत होता की प्रत्येक व्यक्तीला आपल्या धर्माचं पालन करण्याचं पूर्ण स्वातंत्र्य असावं.” तो पुढे सांगतो की, “सारा आणि इब्राहिम लहान असताना देखील मी याच तत्त्वाचं काटेकोरपणे पालन केलं. अमृता गुरुद्वारात प्रार्थनेसाठी जात असताना मी मुलांची काळजी घ्यायचो.”
घटस्फोटानंतर मुलांची कस्टडी अमृताकडे होती. त्या काळात सैफला मुलांच्या धार्मिक संगोपनाबाबत थोडी चिंता होती, मात्र त्याला अमृतावर पूर्ण विश्वास होता की ती मुलांवर कोणत्याही धर्माचा प्रभाव टाकणार नाही. विशेष म्हणजे, सैफच्या आई शर्मिला टागोर यांनी मन्सूर अली खान पटौदी यांच्याशी लग्न करताना इस्लाम धर्म स्वीकारला होता. मात्र सैफने स्वतः कधीही ही अपेक्षा आपल्या पत्नींकडून ठेवली नाही.
घाईघाईत झालेलं लग्न
सैफ आणि अमृताचं लग्न अत्यंत घाईघाईत झालं होतं. प्रसिद्ध डिझायनर अबू जानी आणि संदीप खोसला हे या निकाहनामा चे साक्षीदार होते. त्यांनी सांगितलं की, हा निर्णय अचानक घेतला गेला होता. लग्नावेळी मौलवीसोबतच एक शीख ग्रंथीही उपस्थित होता. अमृताने जे कपडे उपलब्ध होते तेच परिधान केले होते आणि आईकडचे दागिने घातले होते. हे लग्न जणू काही ‘पळून जाऊन केलेलं’ असल्यासारखं होतं, कारण कुटुंबीयांना याची पूर्वकल्पना नव्हती. धर्म, नातेसंबंध आणि वैयक्तिक स्वातंत्र्याबाबत सैफ अली खानची भूमिका आजही चर्चेत आहे.
महत्त्वाच्या बातम्या
