ROHILEEचा लग्नसोहळा थाटामाटात पडला पार, पुण्याच्या ढेपेवाढ्यात बांधली लग्नगाठ!

Rohit Raut and juilee joglekar wedding : मराठी कलाविश्वात सध्या लग्नसराईची धामधूम सुरु असल्याचं दिसून येत आहे. अशातच आता आणखी एका जोडप्याचा लग्नसोहळा नुकताच पार पडला आहे.

Rohit Raut and juilee joglekar wedding

Rohit Raut and juilee joglekar wedding : बॉलिवूड पाठोपाठ आता मराठी सिनेसृष्टीतदेखील लग्नसराई सुरु झाली आहे. नुकताच अभिनेता सुयोग गोऱ्हेचा विवाह पार पडला. आता मराठी संगीत विश्वातील कुलेस्ट कपल रोहित राऊत (Rohit Raut )आणि जुईली जोगळेकर (juilee joglekar) यांचा विवाहसोहळा पुण्यातील ढेपेवाडा येथे पार पडला आहे. काही दिवसांपासून रोहित आणि जुईली यांच्या घरी लग्नाची लगबग सुरु होती. आज 23 जानेवारी 2022 रोजी या दोघांचा लग्न सोहळा अगदी थाटामाटात पार पडला. चाहत्यांकडून त्यांच्यावर शुभेच्छांचा वर्षाव सुरू आहे. पारंपरिक वेशात दोघेही खूपच सुंदर दिसत आहेत.

पुण्याच्या ढेपेवाडीत हा लग्नसोहळा अत्यंत पारंपारिक पद्धतीने तसेच, नातेवाईक आणि जवळच्या मित्र मैत्रिणींच्या साक्षीने पार पडला आहे. लग्नसोहळ्यात रोहित आणि जुईलीने पारंपारिक पेहराव केला होता. जांभळ्या रंगाच्या साडीत जुईली फारंच खुलून दिसत होती. तर रोहितने जांभळ्या रंगाचे धोतर आणि फिकट जांभळ्या रंगाचा कुर्ता परिधान केला होता. दोघांचे फोटो पाहून सोशल मिडीयावर चाहत्यांकडून शुभेच्छांचा वर्षाव  होतोय. 

रोहित आणि जुईली हे एकमेकांना अनेक वर्षांपासून डेट करत होते. अनेकदा सोशल मीडियावर एकमेकांसोबतचे फोटो शेअर करुन त्यांनी प्रेमाची जाहीर कबुलीदेखील दिली होती. रोहित राऊत आणि जुईली जोगळेकरची पहिली भेट ‘सा रे ग म प लिटिल चॅम्प्स’ च्या मंचावर झाली होती. जुईली नव्या पिढीची गायिका आहे. या दोघांचाही सोशल मिडीयावर प्रचंड मोठा चाहता वर्ग आहे. विशेषकरून या दोघांची तरूणाईत मोठी क्रेझ पाहायला मिळते.

महत्वाच्या बातम्या :

LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha