#RipJosephVijay : अभिनेता जिवंत असतानाही सोशल मीडियावर ट्रेंड होतोय #RipJosephVijay! जाणून घ्या नेमकं काय झालं...

Joseph Vijay : अभिनेता जोसेफ विजय चंद्रशेखर अर्थात ‘थालापती विजय’  जिवंत असूनही ट्विटरवर #RipJosephVijay ट्रेंड करत आहे.

Joseph Vijay

Joseph Vijay : प्रसिद्ध साऊथ स्टार जोसेफ विजय चंद्रशेखर (Joseph Vijay) याला चाहते ‘थालापती विजय’ (Thalapathy Vijay) म्हणून ओळखतात. थालापती विजयने दक्षिण चित्रपटसृष्टीला एकापेक्षा एक हिट चित्रपट दिले आहेत. लवकरच या अभिनेत्याचा ‘बीस्ट’ (Beast) हा चित्रपट देखील प्रदर्शित होणार आहे. पण, अचानक त्याच्या मृत्यूची बातमी ट्विटरवर ट्रेंड करत आहे आणि युझर्स एकामागून एक ट्विट करत आहेत. अभिनेता जिवंत असूनही ट्विटरवर #RipJosephVijay ट्रेंड करत आहे.

या साऊथ सुपरस्टार्सचे चित्रपट प्रदर्शित झाले की, चाहत्यांमध्ये त्यांची एक वेगळीच क्रेझ पाहायला मिळते. अशा परिस्थितीत या स्टार्सच्या चाहत्यांनी सोशल मीडियावर एकमेकांशी शाब्दिक युद्धही सुरू केल्याचे अनेकदा पाहायला मिळते. त्यामुळेच अचानक सुपरस्टार जोसेफ विजय याच्या निधनाची बातमी ट्विटरवर ट्रेंड करू लागली आहे. जाणून घ्या काय आहे संपूर्ण प्रकरण...

‘आरआरआर’शी कनेक्शन

नुकताच अभिनेता रामचरण आणि ज्युनियर एनटीआर यांचा RRR हा चित्रपट प्रदर्शित झाला आहे. चित्रपट रिलीज होताच त्याने बॉक्स ऑफिसवर धुमाकूळ घातला आहे. लवकरच सुपरस्टार जोसेफ विजय चंद्रशेखर अर्थात थालापती विजयचा ‘बीस्ट’ हा चित्रपट देखील थिएटरमध्ये प्रदर्शित होणार आहे. अशा परिस्थितीत, सोशल मीडियावर त्याचे चाहते आणि हेटर्स यांच्यात शाब्दिक युद्ध सुरू झाले आहे आणि बरेच वापरकर्ते #RipJosephVijay हॅशटॅगसह ट्विट करत आहेत. सोशल मीडियावर जोसेफ विजयच्या मृत्यूचे विचित्र फोटो मीम्सप्रमाणे शेअर केले जात आहेत.

अनेक भाषांत प्रदर्शित होणार!

अभिनेता जोसेफ विजयचा आगामी चित्रपट ‘बीस्ट’ हा एक कॉमेडी अॅक्शन चित्रपट आहे. हा चित्रपट नेल्सन यांनी दिग्दर्शित केला आहे आणि सन पिक्चर्स निर्मित आहे. या चित्रपटात जोसेफ विजयसोबत अभिनेत्री पूजा हेगडे दिसणार आहे. तमिळसोबतच हा चित्रपट कन्नड, मल्याळम आणि तेलगू भाषेतही प्रदर्शित होणार आहे.

हेही वाचा :

LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha