Sonu Sood on Chhath Puja: छटपूजेवरुन मुंबईतलं वातावरण तापलं, मनसे आक्रमक, पण जुहूतील छटपूजा उत्सवाला सोनू सूद येणार, व्हिडीओ शेअर करत म्हणाला...
Sonu Sood on Chhath Puja: बॉलिवूड अभिनेता सोनू सूदने म्हटलं आहे की, तो 15 तारखेला संध्याकाळी छटपूजा साजरी करण्यासाठी जुहू बीचवर येणार आहे.

Sonu Sood on Chhath Puja: गेल्या काही दिवसांपासून आपण पाहतोयत छट पूजेवरुन वाद सुरु आहे. छठपूजेनिमित्त मुंबई, नवी मुंबई, ठाण्यातल्या रेल्वे स्टेशन्सवर छटपूजेनिमित्त (Chhath Puja) भोजपुरी गाणी वाजवण्यात आली. त्याला मनसेनं (MNS)कडाडून विरोध केला. त्यानंतर छटपूजेला मुंबईच्या समुद्रकिनाऱ्यांवर आणि बाणगंगेत करु नये अशी मागणीही मनसेनं केली. छट पूजेवरुन सुरु असलेल्या वादात बॉलिवूड अभिनेता सोनू सूदने एण्ट्री घेतली आहे. सोनू सूदने सोशल मीडियावर एक व्हिडीओ शेअर करत एक महत्त्वाची घोषणा केली आहे.
या व्हिडीओमध्ये बॉलिवूड अभिनेता सोनू सूदने म्हटलं आहे की, तो 15 तारखेला संध्याकाळी छठ पूजा साजरी करण्यासाठी जुहू बीचवर उपस्थित राहणार आहे. दरम्यान मनसेचा जुहू बीचवर छट पूजा साजरी करण्याला विरोध आहे. त्यामुळे आता 15 तारखेला नेमकं काय होणार? याकडे सर्वांचे लक्ष लागले आहे.
दरम्यान, जुहू बीचवर छठ पूजा साजरी करण्याला महाराष्ट्र नवनिर्माण सेनेने (मनसे) विरोध केला आहे. याच विरोधाच्या पार्श्वभूमीवर सोनू सूदचा व्हिडीओ समोर आला आहे. मनसेच्या या भूमिकेमुळे जुहू चौपाटीवरील छठ पूजेच्या आयोजनाबाबत स्थानिक प्रशासन आणि पोलीस यंत्रणेवरही दबाव निर्माण झाला आहे.
छठ पूजेच्या मुद्द्यावरून महाराष्ट्रात संघर्ष निर्माण करण्याचा भाजपचा प्रयत्न असल्याचा राज ठाकरेंनी आरोप केलाय. शिवाय यूपीच्या निवडणुकांमुळे वाद निर्माण केला जातोय असा दावाही त्यांनी केलायदरम्यान या पार्श्वभूमीवर राज ठाकरेंनी सोशल मीडियावर एक पोस्ट टाकली आहे...या पोस्टमध्ये त्यांनी भाजपवर जोरदार टीका केली आहे.
आगामी उत्तर प्रदेश निवडणुकांसाठी महाराष्ट्रात राजकारण? भाजपचे 'फोडा आणि राज्य करा' राजकारण. यांच्या आखलेल्या युद्धभूमीवर आपल्याला लढायची गरज नाही!" "गनिमी काव्याने कोणाला कधी आणि कसं उत्तर द्यायचं, हे आपण ठरवू!" "मराठी समाजाइतका बेसावध समाज मी देशात कुठे पाहिला नाही!" "यांच्या सापळ्यात अडकू नका, पण सतर्क राहा!" अशी पोस्ट मनसे अध्यक्ष राज ठाकरे यांनी केली आहे.
सोनू सूदचा व्हिडीओ समोर आल्यानंतर सोशल मीडियावरही प्रतिक्रिया उमटत आहेत. काहींनी सोनू सूदच्या उपस्थितीला छठ पूजेच्या पावित्र्याशी जोडले तर काहींनी मनसेच्या विरोधाला राजकीय रंग असल्याचे मत व्यक्त केले. मात्र सोनू सूदने व्हिडीओमध्ये कोणत्याही राजकीय वादविवादात न पडता केवळ छठ पूजेसाठी जुहू बीचवर येण्याची घोषणा केली आहे.
इतर महत्त्वाच्या बातम्या :
Kavya Maran Marriage : ना सप्तपदी, ना पंडित, ना कोणते मंत्रोच्चार; 'या' विवाह पद्धतीत पार पडलं काव्या मारन-अनिरुद्ध रविचंदरचं लग्न





















