Rekha Onscreen Son Sharman Joshi Struggle Life Story: रेखा यांचा ऑनस्क्रीन मुलगा, बॉलिवूडच्या खुंखार व्हिलनचा जावई; पण, आजवर देऊ शकला नाही एकही सोलो हिट, ओळखलं का कोण?
Rekha Onscreen Son Sharman Joshi Struggle Life Story: मल्टिस्टारर सिनेमांमध्ये त्याची भूमिका प्रेक्षकांना आवडली, सिनेमेही यशस्वी ठरले, पण सुपरस्टार म्हणून यश मात्र त्यांच्या वाट्याला फारसं आलेलं नाही.
Rekha Onscreen Son Sharman Joshi Struggle Life Story: बॉलिवूडमध्ये (Bollywood News) अनेकजण आपली स्वप्न पूर्ण करण्यासाठी येतात, त्यापैकी बरेच कलाकार असे आहेत, ज्यांनी आपल्या दमदार अभिनयाच्या जोरावर प्रेक्षकांच्या मनात वेगळी ओळख निर्माण केली आहे. मात्र, अनेकदा त्यांना एकाच प्रकारच्या भूमिकांमध्ये मर्यादित करून ठेवण्यात आलंय. मल्टिस्टारर सिनेमांमध्ये (Multistarrer Films) त्याची भूमिका प्रेक्षकांना आवडली, सिनेमेही यशस्वी ठरले, पण सुपरस्टार म्हणून यश मात्र त्यांच्या वाट्याला फारसं आलेलं नाही. आम्ही ज्या अभिनेत्याबाबत बोलतोय, त्याचं नाव 'शरमन जोशी' (Sharman Joshi). याचाही समावेश अशाच कलाकारांमध्ये होतो, ज्यांच्या अभिनयाचं कौतुक तर फार होतं, पण अजून त्यांनी एकही सोलो हिट दिलेली नाही. उत्कृष्ट कॉमिक टायमिंगमुळे शर्मन जोशीला सतत विनोदी भूमिका मिळू लागल्या होत्या. मात्र, स्वतःला एका ठरावीक प्रतिमेत अडकवून ठेवणं शरमनला मान्य नव्हतं.
शरमन जोशी (Actor Sharman Joshi) याचा जन्म 28 एप्रिल 1979 रोजी नागपूर इथे झाला. त्याचं कुटुंब अभिनय आणि नाट्यविश्वाशी घट्ट जोडलेलं होतं. त्याचे वडील अरविंद जोशी हे गुजराती रंगभूमीवरील नामवंत अभिनेते होते. घरात कलात्मक आणि अभिनयाचं वातावरण असल्यानं शरमनलाही लहानपणापासून अभिनयाकडे ओढ निर्माण झाली. सिनेसृष्टीत पदार्पण करण्यापूर्वी त्यानं दीर्घकाळ रंगभूमीवर काम केलं, अभिनयातील बारकावे आत्मसात केले आणि याच अनुभवाचा त्याला त्याच्या पुढच्या कारकिर्दीत मोठा फायदा झाला.
शरमन जोशीचा पहिला सिनेमा कोणता? (Sharman Joshi First Movie)
शरमन जोशीनं 1999 मध्ये फिल्म 'गॉडमदर' सिनेमातून बॉलिवूडमध्ये पदार्पण केलं. त्यानंतर 2001 मध्ये तो 'लज्जा' सिनेमात रेखा यांच्या मुलाच्या भूमिकेत दिसला. मात्र, त्याला खरी ओळख त्याच वर्षी प्रदर्शित झालेल्या 'स्टाईल' सिनेमामुळे मिळाली. हा सिनेमा विशेषतः तरुण प्रेक्षकांमध्ये प्रचंड लोकप्रिय ठरला. त्यानंतर त्यानं 'एक्सक्यूज मी' आणि 'शादी नंबर 1' यांसारख्या सिनेमांमध्ये काम केलं. या सिनेमांमधील त्याच्या विनोदी अभिनयशैलीला प्रेक्षकांची मोठी पसंती मिळू लागली.
2006 हे वर्ष शरमन जोशीच्या कारकिर्दीसाठी टर्निंग पॉइंट ठरलं. याच वर्षी तो 'रंग दे बसंती' आणि 'गोलमाल: फन अनलिमिटेड' या सुपरहिट सिनेमांमध्ये झळकला. दोन्ही सिनेमांनी बॉक्स ऑफिसवर मोठं यश मिळवलं. यावरून एक गोष्ट स्पष्ट होते की, मल्टिस्टारर सिनेमांमध्ये शरमन याची उपस्थिती प्रेक्षकांना नेहमीच भावली आणि त्यानं अशा सिनेमांमधून अनेक हिट्स दिल्या. विशेषतः 'गोलमाल'मधील त्यांच्या भूमिकेनं प्रेक्षकांना खळखळून हसवलं.
View this post on Instagram
यानंतर शरमन जोशीचं नशीब फळफळलं, अचूक कॉमिक टायमिंग साधणाऱ्या या अभिनेत्याला सिनेसृष्टीत सातत्यानं विनोदी भूमिका मिळू लागल्या. मात्र, लोक आपल्याकडे केवळ विनोदी अभिनेता म्हणून पाहू लागल्याची जाणीव झाल्यानंतर त्यानं आपली वाट बदलण्याचा निर्णय घेतला. त्यानी स्वतःला फक्त कॉमेडीपुरतं मर्यादित न ठेवता वेगवेगळ्या प्रकारच्या भूमिका स्वीकारल्या. 'लाइफ इन ए... मेट्रो'मध्ये त्यानं साकारलेली भूमिका अनेकांना आवडली, तर 'फरारी की सवारी'मध्ये मुलाचं स्वप्न पूर्ण करण्यासाठी संघर्ष करणाऱ्या एका सामान्य वडिलांची व्यक्तिरेखा त्यानं प्रभावीपणे उभी केली. या भूमिकेसाठी त्यांच्या अभिनयाचं विशेष कौतुक केलं गेलं.
याशिवाय, '3 इडियट्स'मधील 'राजू रस्तोगी' ही भूमिका आजही प्रेक्षकांच्या मनात घर करून आहे. या सिनेमानं यशाचे अनेक विक्रम प्रस्थापित केले आणि शरमन जोशी यांना सर्वोत्कृष्ट सहाय्यक अभिनेत्याचा आयफा पुरस्कार मिळवून दिला. सिनेमांबरोबरच त्यानी ओटीटी विश्वातही यशस्वी पाऊल ठेवलं. 'बारिश' या वेब सीरिजमधील त्याच्या अभिनयालाही प्रेक्षकांनी भरभरून दाद दिली. वैयक्तिक आयुष्याबाबत सांगायचं तर, शरमन जोशीनं ज्येष्ठ अभिनेते प्रेम चोप्रा यांची कन्या प्रेरणा चोप्रा हिच्याशी विवाह केला आहे. त्यामुळेच तो बॉलिवूडमधील खुंखार व्हिलन प्रेम चोप्रा यांचा जावई आहे.
महत्त्वाच्या इतर बातम्या :
ABP माझाच्या बातम्या LIVE...
महत्त्वाच्या बातम्या
