Rang Majha Vegla : एकीला हवी आई, तर दुसरीला बाबा! मुलींच्या हट्टापायी एकत्र येणार कार्तिक आणि दीपा?

Rang Majha Vegla : स्टार प्रवाह वाहिनीवरील ‘रंग माझा वेगळा’ (Rang Majha Vegla) ही मालिका प्रेक्षकांचे भरपूर मनोरंजन करत आहे.

Rang Majha Vegla

Rang Majha Vegla : स्टार प्रवाह वाहिनीवरील ‘रंग माझा वेगळा’ (Rang Majha Vegla) ही मालिका प्रेक्षकांचे भरपूर मनोरंजन करत आहे. मालिकेत सध्या अनेक चढ-उतार दिसत आहेत आणि यामुळेच प्रेक्षक देखील या मालिकेत गुंतून पडले आहेत. सध्या मालिकेत दीपिका घर सोडून दीपाच्या घरी जाताना दाखवली आहे. आता मालिकेत पुन्हा एकदा नवा ट्विस्ट येणार आहे. दीपिका दीपाकडे राहायला गेली म्हणून आता सौंदर्या कार्तिकीला इनामदारांच्या घरी घेऊन जाणार आहे.

यावेळी दीपिका दीपाच्या जवळ येणार आहे तर, कार्तिकसोबत राहायला गेलेली कार्तिकी देखील पुन्हा त्याच्याशी मैत्री करणार आहे. यावेळी दोघीही आपल्याल आई-वडील हवे होते, अशी इच्छा व्यक्त करणार आहेत.

लेकी करणार आई-बाबाकडेच हट्ट!

नुकत्याच समोर आलेल्या प्रोमोत दिसते की, दीपिका दीपाला म्हणते, ‘मी माझ्या आईला कधीच पहिले नाही. मी अनाथ आहे. पण मला तुझ्यासारखीच आई हवी होती. तुझ्यासारखी आई आणि डॅडासारखे बाबा.’ तर, दुसरीकडे कार्तिकी कार्तिकला म्हणते, ‘फ्रेंड तू मला खूप आवडतोस, तू बेस्ट बाबा आहेस. मलासुद्धा तुझ्यासारखा बाबा हवा होता.’ आता दोघींचं बोलणं ऐकून आता दीपा आणि कार्तिक पुन्हा एकदा त्यांच्या भविष्याचा विचार करणार आहेत. याचाच अर्थ ते दोघेही पुन्हा एकत्र येऊ शकतात.

श्वेताच्या बोलण्यातून आपण अनाथ आहोत, आपला डॅडा आणि आजी हे आपले खरे नातेवाईक नाहीत, हे दीपिकाला कळले आहे. हे ऐकून दीपिकाला मोठा धक्का बसला आहे. यानंतर आता दीपिकाने इनामदारांचे घर सोडण्याचा निर्णय घेतला आहे. यावेळी रागाने घराबाहेर पडलेली दीपिका कार्तिकीच्या घरी राहण्याचा निर्धार करणार आहे. तर, दीपिकाची समजूत काढेपर्यंत दीपा तिला आपल्या घरी घेऊन ठेवणार आहे. मात्र, यावेळी  दीपिकाऐवजी सौंदर्या कार्तिकीला घरी घेऊन जाणार आहे.

हेही वाचा :

LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha