Rang Majha Vegla : सौंदर्या इनामदार विठ्ठल-रुक्मिणीला 101 प्रदक्षिणा घालणार! आतातरी दीपिका घरी परतणार?

Rang Majha Vegla : सध्या मालिकेत चिमुकली दीपिका इनामदारांचे घर सोडून गेली आहे. तिला घरात परत आणण्यासाठी आता सौंदर्या आणि संपूर्ण इनामदार कुटुंब शक्य ते प्रयत्न करणार आहेत.

Rang Majha Vegla

Rang Majha Vegla : स्टार प्रवाहवरील ‘रंग माझा वेगळा’ (Rang Majha Vegla) या मालिकेत सध्या अनेक ट्विस्ट आणि टर्न्स येत आहेत. यामुळे ही मालिका सध्या प्रेक्षकांमध्ये चर्चेचा विषय बनली आहे. या मालिकेतील सतत बदलते ट्रॅक आणि कथेतील ट्विस्ट मालिकेची रंगत वाढवत आहेत. शिवाय यातील कलाकारांच्या अभिनयाने देखील प्रेक्षकांना भुरळ घातली आहे. सध्या मालिकेत चिमुकली दीपिका इनामदारांचे घर सोडून गेली आहे. तिला घरात परत आणण्यासाठी आता सौंदर्या आणि संपूर्ण इनामदार कुटुंब शक्य ते प्रयत्न करणार आहेत.

श्वेताकडून दीपिकाला ती अनाथ असल्याचे सत्य कळले आहे. आपल्याबद्दलच्या या गोष्टी ऐकून दीपिकाला मोठा धक्का बसला आहे. यानंतर आता दीपिकाने इनामदारांचे घर सोडून निघून गेली आहे. यावेळी रागाने घराबाहेर पडलेली दीपिका कार्तिकीच्या घरी जाते. इथे आल्यावर ती कार्तिकीला आपल्या मनातील सगळ्या गोष्टी सांगते. दोघींचं बोलणं ऐकून दीपा दोघींना समजावते आणि दीपिकाला पुन्हा घरी सोडायला जाण्याची तयारी करते. मात्र, आपल्याला पुन्हा घरी सोडणार हे ऐकून दीपिका तिथून देखील जाते.

किडनॅपिंग प्रकरणी दीपाला अटक!

दीपिका आणि कार्तिकीची समजूत काढल्यानंतरही दीपिका तिथून निघून जाते आणि तिला किडनॅप केल्याप्रकरणी दीपाला अटक होते. तर, दीपाच्या घरातून निघालेली दीपिका मंदिरात जाऊन बसते. यावेळी मंदिराचे पुजारी देखील पोलिसांना फोन करतात, हे पाहून दीपिका तिथून ही जाते. यावेळी सौंदर्या देखील त्याच मंदिरात जाते. दीपिका सुखरूप घरी पोहचावी म्हणून सौंदर्या इनामदार या विठ्ठल-रखुमाई मंदिराला 101 प्रदक्षिणा घालते. विठूराया तिची हाक ऐकतो आणि यावेळी दीपिका तिला सापडते.  

दीपाला पोलीस स्टेशनमधून बाहेर काढण्यासाठी दीपिका पुन्हा येते. मात्र यावेळी तिने आपण इनामदारांच्या घरात जाणार नाही, असा निर्धार करते. ती दीपाला म्हणते की, मी घरी जाणार नाही, मी तुझ्या घरी येऊ का?’ आता दीपिकाची समजूत काढेपर्यंत दीपा तिला आपल्या घरी घेऊन जाणार आहे. आता दीपाच आपली आई असल्याचं सत्य दीपिकाला कळणार का? याकडे सर्वांचेच लक्ष लागले आहे.

हेही वाचा :

LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha