Pushpa 2 Box Office: 'पुष्पा 2'च्या वादळात गुरफटलं बॉक्स ऑफिस; 29व्या दिवशीही मोठी कमाई; बाहुबलीलाही पाजलं पाणी

Pushpa 2 Box Office: अल्लू अर्जुन आणि रश्मिका मंदाना यांच्या 'पुष्पा 2' चित्रपटानं पाचव्या गुरुवारी घसरण होऊनही चांगली कमाई केली आहे. या चित्रपटानं भारतीय बॉक्स ऑफिसवर आतापर्यंत अनेक विक्रम रचले आहेत.

Pushpa 2 Box Office Collection

Source : ABP Majha

Pushpa 2 Box Office Collection: अल्लू अर्जुन (Allu Arjun) आणि रश्मिका मंदाना (Rashmika Mandanna) यांचा 'पुष्पा 2' (Pushpa 2 The Rule) चित्रपट प्रदर्शित होऊन 29 दिवस उलटले आहेत, पण चित्रपटगृहांमध्ये अजूनही पुष्पाची क्रेझ काही कमी होण्याचं नाव घेईना. दरम्यान, बुधवारी चित्रपटात दिसलेल्या वाढीच्या तुलनेत गुरुवारी कलेक्शन फारच कमी झाल्याचं पाहायला मिळालं. कारण म्हणजे, 1 जानेवारीला नव्या वर्षाचं सेलिब्रेशन, असं म्हणता येईल. पण, तरीसुद्धा नव्या वर्षाच्या पहिल्याच दिवशी अनेकजण थिएटरमध्ये पोहोचले आणि त्याचा परिणाम चित्रपटावरही दिसून आला. 2 जानेवारी रोजी कमाईमध्ये घट झाली होती, पण, आतापर्यंत 29 व्या दिवशी सर्व भारतीय चित्रपटांच्या कमाईच्या तुलनेत पुष्पाची कमाई फारच जबरदस्त आहे. 

'पुष्पा 2' 2024 मध्ये रिलीज झाला आणि 2025 मध्येही त्याची धुवांधार कमाई सुरूच आहे. नुकतेच प्रदर्शित झालेले 'बेबी जॉन', 'मुफासा' सारखे चित्रपटही पुष्पाचं काहीच बिघडवू शकले नाहीत. मात्र, 10 जानेवारीला प्रदर्शित होत असलेल्या राम चरणच्या 'गेम चेंजर' या चित्रपटाला धोका असू शकतो. पुष्पाच्या आतापर्यंतच्या रेकॉर्डबाबत बोलायचं झालं तर, पुष्पा 2 नं आजवरचा विक्रमवीर 'बाहुबली 2'च्या जगभरातील कलेक्शनला मागे टाकलं आहे. म्हणजेच, आता जागतिक बॉक्स ऑफिसवरही पुष्पाचंच राज्य आहे, असं म्हटलं तरी वावगं ठरणार नाही.    

 

 

 

 

 

View this post on Instagram

 

 

 

 

 

 

 

 

 

 

 

A post shared by Mythri Movie Makers (@mythriofficial)

'पुष्पा 2'नं पाचव्या गुरुवारी किती कमावले? 

Sacnilk च्या रिपोर्टनुसार, 'पुष्पा 2'नं 1 जानेवारी 2025 रोजी 13.25 कोटींची कमाई केली होती. तर, आता पाचव्या गुरुवारी फक्त आणि फक्त 5.1 कोटींची कमाई केली आहे. दरम्यान, या कमाईची तुलना जर आजवरच्या टॉप भारतीय फिल्मसोबत केलं, तर पुष्पाची ही कमाईदेखील सर्वाधिक आहे. 

4 आठवड्यात वर्ल्डवाईल्ड 1799 कोटींची कमाई 

माइथ्री ऑफिशियलच्या इन्स्टाग्रामवर पोस्ट करण्यात आलेल्या पोस्टरवर फिल्मचं वर्ल्डवाईड कलेक्शन मेंशन करण्यात आलं आहे. यानुसार, 'पुष्पा 2'नं जगभरातील बॉक्स ऑफिसवर एकूण 1799 कोटींचं दमदार कलेक्शन केलं आहे. पोस्टरसोबत कॅप्शनमध्ये लिहिलं आहे की, '''पुष्पा 2 : द रूल' आपल्या रेकॉर्ड तोड प्रदर्शनसह भारतीय बॉक्स ऑफिसवर राज्य करतोय. वाईल्डफायर ब्लॉकबस्टरनं फक्त 4 आठवड्यात जगभरात 1799 कोटींची कमाई केली आहे. 

महत्त्वाच्या इतर बातम्या :