Pooja Bhat On Father Mahesh Bhat Affair: 'मला झोपेतून उठवून सांगितलेलं, दुसऱ्या बाईसोबत अफेअर आहे...'; पूजा भटचा वडिलांबाबत खळबळजनक खुलासा

Pooja Bhat On Father Mahesh Bhat Affair: महेश भट आणि सोनी राजदान या दाम्पत्याला शाहीन भट आणि आलिया भट या दोन मुली आहेत. यापूर्वी अनेकदा महेश भट यांच्या दुसऱ्या लग्नाचे आणि अफेअर्सचे किस्से आपण ऐकले आहेत. 

Pooja Bhat On Father Mahesh Bhat Affair

Source : ABP Majha

Pooja Bhat On Father Mahesh Bhat Affair: नव्वदचं दशक गाजवणारी सौंदर्याची खाण असलेली अभिनेत्री पूजा भट (Pooja Bhat) म्हणजे, दिग्गज दिग्दर्शक महेश भट (Mahesh Bhat) मोठी यांची मुलगी. महेश भट यांनी दोन लग्न केलीत, त्यातल्या पहिल्या पत्नी किरण भट यांच्यापासून झालेली मुलगी पूजा भट, तर एक मुलगाही आहे, त्याचं नाव राहुल भट. त्यानंतर महेश भट यांनी दुसरं लग्न केलं, अभिनेत्री सोनी राजदान यांच्याशी. महेश भट आणि सोनी राजदान (Soni Razdan) या दाम्पत्याला शाहीन भट आणि आलिया भट या दोन मुली आहेत. यापूर्वी अनेकदा महेश भट यांच्या दुसऱ्या लग्नाचे आणि अफेअर्सचे किस्से आपण ऐकले आहेत. 

अभिनेत्री पूजा भटनं नुकतीच विक्की लालवानीच्या युट्यूब चॅनेलला मुलाखत दिली. या मुलाखतीत बोलताना पूजा भट हिनं वडील महेश भट, नी राझदान आणि कौटुंबिक संबंधांविषयी मनमोकळेपणानं भाष्य केलं. यापूर्वीही पूजा भट अनेक मुलाखतींमध्ये आपल्या वडिलांबद्दल आदर व्यक्त करताना दिसते. नातं संपल्याचं जाणवल्यानंतर त्यांनी नात्यात खोटेपणा न ठेवता स्पष्ट निर्णय घेतला, यासाठी त्या महेश भट यांचा सन्मान करतात, असं त्यांनी अनेकदा सांगितलं आहे. 

 

 

 

 

 

View this post on Instagram

 

 

 

 

 

 

 

 

 

 

 

A post shared by Instant Bollywood (@instantbollywood)

वडिलांच्या अफेअरबाबत काय म्हणाली पूजा भट? (Pooja Bhat On Father Mahesh Bhat Affair With Soni Rajdan)

पूजा भटनं मुलाखतीत बोलताना वडील महेश भट यांच्या अफेअरबद्दल खुलासा केला. पूजा भट म्हणाली की, "सोनी राजदान यांच्याबद्दल मला आधीच माझ्या आईकडून समजलं होतं. माझ्या वडिलांनी झोपेतून उठवत मला त्यांच्या अफेअरबद्दल सांगितलं होतं. मला आठवतंय ते म्हणाले होते की, मला एक महिला आवडते आणि मी घर सोडून जाणार आहे. पण, त्याचा असा अर्थ नाही की, माझं तुझ्यावरचं प्रेम कमी होईल. मी नेहमी तुझ्यासोबत असेन... अनेक जण मला बोलायचे की, एवढ्या लहान वयात तुझ्या वडिलांनी तुला हे सगळं सांगितलं? पण, ते मला नाही सांगणार तर मग कोणाला सांगतील? कारण कुणा दुसऱ्याकडून या गोष्टी ऐकण्यापेक्षा माझ्या आई किंवा वडिलांकडून या गोष्टी समजलेल्या केव्हाही चांगलं..."

पूजा भट सावत्र आई सोनी राजदान यांच्याबद्दलही भाष्य केलंय. पूजा भट म्हणाली की, "एक दिवस सोनी राजदान मला म्हणाल्या होत्या की, त्यांना यासाठी अपराधी वाटतंय. पण तेव्हा मी त्यांना म्हटलं होतं की, यात तुमचा दोष नाही. एका मजबूत नात्याला कोणी तिसरा व्यक्ती तोडू शकत नाही. कारण, नातं मजबूत असेल तर कोणत्याही तिसऱ्या व्यक्तीला त्यात जागा नसते. नात्यात काहीतरी कमतरता असते, तेव्हाच ती तिसरी व्यक्ती येऊन ती पूर्ण करते...", असं पूजा भटनं सांगितलं.

महत्त्वाच्या इतर बातम्या :

ABP माझाच्या बातम्या LIVE...