Pahile Mi Tula: अदिती पोहनकरच्या 'पाहिले मी तुला' चित्रपटाचं पोस्टर प्रदर्शित; चित्रपट 'या' दिवशी होणार रिलीज

'पाहिले मी तुला' (Pahile Mi Tula) या चित्रपटात अभिनेत्री अदिती पोहनकर (Aaditi Pohankar) ही प्रमुख भूमिका साकारणार आहे.

Pahile Mi Tula

Pahile Mi Tula: अभिनेत्री अदिती पोहनकर (Aaditi Pohankar) आणि भूषण पाटील (Bhushan Patil) यांच्या 'पाहिले मी तुला' या चित्रपटाचे पोस्टर रिलीज झालं आहे. हा चित्रपट 4 ऑगस्ट 2023 रोजी संपूर्ण महाराष्ट्रात प्रदर्शित होणार आहे. प्रतिभावान अभिनेत्री अदिती पोहनकर 'पाहिले मी तुला' (Pahile Mi Tula) या आगामी मराठी चित्रपटात झळकणार आहे.अदितीला नेटफ्लिक्सच्या 'शी' या वेब सीरिजमुळे विशेष लोकप्रियता मिळाली. 

कौटुंबिक नाट्य असलेल्या या चित्रपटात आयुष आणि अलिशा यांच्या भूमिकेतील भूषण आणि अदिती यांची प्रेमकहाणी पहायला मिळणार आहे. त्यांचं प्रेम फुलणार की त्यात अडचणी येणार हे जाणून घेण्यासाठी आपल्याला प्रतीक्षा करावी लागेल.

कॅप्टन आॅफ द शिप म्हणजेच या चित्रपटाचे दिग्दर्शक असलेले मनोज कोटियान 'पाहिले मी तुला' चित्रपटाबाबत म्हणाले की, आपापल्या दैनंदिन जीवनात बिझी असलेल्या लोकांना प्रेमाच्या माध्यमातून रिफ्रेश करणारा हा चित्रपट आहे. या कथेद्वारे अशा लोकांना काही क्षणांसाठी का होईना आनंदी करायचं आहे.

मुख्य भूमिकेतील अदिती पोहनकर म्हणाली की, मी या चित्रपटाबाबत खूपच उत्सुक आहे. नाटयमय वळणांची हि खूप गोड, इन्टेन्स लव्ह स्टोरी आहे. जेव्हा मला या स्टोरीचं नॅरेशन देण्यात आलं तेव्हा मी इतकी मोहित झाले की कथेच्या शेवटी काय घडतं ते जाणून घेण्यास उत्सुक झाले. मला खात्री आहे की प्रेक्षकही चित्रपट पाहिल्यानंतर आकर्षित होतील. मी चित्रपटाच्या प्रदर्शनाची वाट पाहत आहे.

चित्रपटाची कथा सारंग पवार आणि सुशील पाटील यांची आहे. पटकथा आणि संवादलेखन अभय अरुण इनामदार यांनी केलं आहे. मनोज कोटियान दिग्दर्शित या सिनेमाची निर्मिती निर्माते सुशील पाटील, निलेश लोणकर, अरविंद राजपूत यांनी एनएसके श्री फिल्म्स इंटरनॅशनलच्या बॅनरखाली केली असून, सिनेमास्टर्स एंटरटेन्मेंट प्रस्तुतकर्ते आहेत. 

 

 

 

 

 

View this post on Instagram

 

 

 

 

 

 

 

 

 

 

 

A post shared by Bhushan Nanasaheb Patil (@thebhushanpatil)

या चित्रपटात भूषण पाटील, अदिती पोहनकर, उदय टिकेकर, अतुल तोडणकर, सुहास परांजपे, माधव अभ्यंकर, शुभांगी लाटकर, सुहास परांजपे आणि अमृता पवार यांच्या भूमिका आहेत. हा चित्रपट 4 ऑगस्ट 2023 रोजी तुमच्या जवळच्या सिनेमागृहात प्रदर्शित होणार आहे. 

महत्वाच्या इतर बातम्या :