OTT Adda: दिवाळीची सुट्टी तर घेतली, पण व्हेकेशन प्लान कॅन्सल झालाय? मग OTT वर 'या' धमाकेदार फिल्म्स पाहा!
टीटीवरचे काही साऊथ सिनेमे तुम्ही पाहू शकता. या चित्रपटांमध्ये तुम्हाला जबरदस्त अॅक्शन, कॉमेडी आणि रोमान्सचा मसाला मिळेल. एवढंच नाहीतर स्ट्रेस फ्री होण्यासाठीही हे चित्रपट तुम्हाला मदत करतील.
OTT Movies: दिवाळीसाठी लॉन्ग लीव्ह टाकली खरी, पण ज्या प्लानसाठी सुट्टी टाकली, तोच प्लान कॅन्सल झाला आणि आता घरात राहून कंटाळा आला असेल, तर तुमच्यासाठी खास एंटरटेनमेंट ऑप्शन्स आम्ही सांगत आहोत. ओटीटीवरचे काही साऊथ सिनेमे तुम्ही पाहू शकता. या चित्रपटांमध्ये तुम्हाला जबरदस्त अॅक्शन, कॉमेडी आणि रोमान्सचा मसाला मिळेल. एवढंच नाहीतर स्ट्रेस फ्री होण्यासाठीही हे चित्रपट तुम्हाला मदत करतील.
तंगलान
पा. रंजीत दिग्दर्शित तमिळ ॲक्शन-ॲडव्हेंचर चित्रपट 'टांगलन' 15 ऑगस्ट रोजी थिएटरमध्ये प्रदर्शित झाला. चियान विक्रम, पार्वती थिरुवोथु, मालविका मोहनन, डॅनियल कॅलटागीरोन, पशुपती आणि हरी कृष्णन हे कलाकार या चित्रपटात दिसणार आहेत. चित्रपटाची कथा कोलार सोन्याच्या खाणीतील आदिवासी लोक आणि त्यांना सोन्याच्या लोभापायी काम करायला लावणारे ब्रिटिश यांच्याभोवती फिरते. हा चित्रपट नेटफ्लिक्सवर उपलब्ध आहे.
कल्कि 2898 एडी (Kalki 2898 AD)
नाग अश्विन दिग्दर्शित कल्की 2898 एडी हा एक सायन्स फिक्शन चित्रपट आहे. हा चित्रपट 27 जून रोजी थिएटरमध्ये प्रदर्शित झाला होता. या चित्रपटाची कथा भगवान विष्णूचा 10वा अवतार असलेल्या कल्कीची आहे, ज्यानं जगाला वाईट प्रवृत्तींपासून वाचवण्यासाठी या पृथ्वीवर अवतार घेतला. या चित्रपटात प्रेक्षकांना साऊथ सुपरस्टार प्रभास, अमिताभ बच्चन, दीपिका पदुकोन, कमल हासन यांच्यासह अनेक कलाकार मुख्य भूमिकेत दिसणार आहेत. तुम्ही नेटफ्लिक्सवर या चित्रपटाचा आनंद घेऊ शकता.
गोट
साऊथचा सुपरस्टार तलपती विजयचा ॲक्शन थ्रिलर चित्रपट गोटचे दिग्दर्शन व्यंकट प्रभू यांनी केलं आहे. विजय व्यतिरिक्त चित्रपटात प्रशांत, प्रभू देवा, मोहन, जयराम, स्नेहा असे अनेक कलाकार महत्त्वाच्या भूमिकेत आहेत. तुम्ही नेटफ्लिक्सवर गोट पाहू शकता.
सारिपोधा सानिवारम
विवेक अथरेया दिग्दर्शित या ॲक्शन-ड्रामा चित्रपटात साऊथचा सुपरस्टार नानी मुख्य भूमिकेत आहे. हा चित्रपट 29 ऑगस्ट रोजी थिएटरमध्ये प्रदर्शित झाला होता. या चित्रपटाची कथा सूर्याभोवती फिरते, जो दया नावाच्या भ्रष्ट पोलीस अधिकाऱ्यापासून गावकऱ्यांना वाचवतो आणि त्याला धडा शिकवतो. हा चित्रपट तुम्ही नेटफ्लिक्सवर पाहू शकता.
डेमोंटे कॉलोनी 2
आर. अजय ज्ञानमुथु दिग्दर्शित 2015 च्या अलौकिक चित्रपट डेमोंटे कॉलोनीचा सिक्वेल, अरुलनिथी, प्रिया भवानी शंकर, अर्चना रविचंद्रन, त्सेरिंग दोरजी, अरुण पांडियन, मीनाक्षी गोविंदराजन आणि सरजानो खालिद यांच्या प्रमुख भूमिका आहेत. या वीकेंडला तुम्ही ZEE5 वर हा हॉरर चित्रपट पाहू शकता.
महत्त्वाच्या बातम्या
ट्रेंडिंग न्यूज
