OTT Crime Thriller Web Series : 'मिर्झापूर 4' ते 'आश्रम'चा नवीन सीझन; ओटीटीवर येणार आहेत 'या' क्राईम थ्रिलर वेब सीरिज
OTT Crime Thriller Web Series : अजूनही काही वेब सीरिजचे पुढील सीझन येणार आहेत. हे नवीन सीझन नेटफ्लिक्स, प्राइम व्हिडिओ, डिस्ने प्लस हॉटस्टार आणि जिओ सिनेमावर येणार आहेत.
OTT Crime Thriller Web Series : काही वेब सीरिजना लोकांनी तुफान प्रतिसाद दिला. या वेब सीरिजची पुढील सीझनची उत्सुकता लोकांमध्ये दिसून आली. मिर्झापूर या क्राइम थ्रिलर वेब सीरिजनेही अशीच उत्सुकता निर्माण केली होती. या वेब सीरिजचे तीन सीझन रिलीज झाले असून चौथ्या सीझनची उत्सुकता आहे. अजूनही काही वेब सीरिजचे पुढील सीझन येणार आहेत. हे नवीन सीझन नेटफ्लिक्स, प्राइम व्हिडिओ, डिस्ने प्लस हॉटस्टार आणि जिओ सिनेमावर येणार आहेत.
आश्रम 4
बॉबी देओलची ही वेब सीरिज प्रेक्षकांना खूप आवडली. आता पुढील सीझनची लोकांना प्रतीक्षा आहे. आश्रमच्या तिन्ही सीझनला लोकांनी भरभरून प्रतिसाद दिला. आता, चौथ्या सीझनची उत्सुकता निर्माण झाली आहे. सध्या तरी निर्मात्यांनी याच्या रिलीज डेटबाबत काही भाष्य केले नाही. परंतु बाबा निरालाच्या नवीन कथेसह लवकरच चौथा सीझन येणार आहे. 'आश्रम 4' यावर्षी एमएक्स प्लेयरवर रिलीज होणार असल्याचेही वृत्त होते.
View this post on Instagram
दिल्ली क्राइम 3
नेटफ्लिक्सवरील सीरीज 'दिल्ली क्राइम'च्या दोन यशस्वी सीझननंतर आता त्याचा तिसरा सीझनही येणार आहे. शेफाली शाहच्या या वेब सीरिजच्या पहिल्या सीझनमध्ये 16 डिसेंबर 2012 रोजी दिल्लीत झालेल्या सामूहिक बलात्काराच्या प्रकरणाचा तपास दाखवण्यात आला. या सीझनला प्रेक्षकांचा चांगला प्रतिसाद मिळाला, तर दुसऱ्या सीझनला संमिश्र प्रतिसाद मिळाला.
मिर्झापूर 4
'मिर्झापूर'च्या पहिल्या, दुसऱ्या आणि तिसऱ्या सीझननंतर आता त्याचा चौथा सीझनही येणार आहे. ॲमेझॉन प्राइम व्हिडिओने स्वतः याची पुष्टी केली आहे, परंतु त्याच्या रिलीजच्या तारखेबद्दल माहिती दिली नाही. हा चौथा सीझन 2025 किंवा 2026 मध्ये रिलीज होण्याची शक्यता आहे.
कोहरा 2
नेटफ्लिक्सच्या या वेब सीरिजचा दुसरा सीझन येणार आहे. बरुण सोबती त्याच्याच भूमिकेत दिसणार असून त्यात मोना सिंगही दिसणार आहे. मात्र, रिलीज डेट अद्याप समोर आलेली नाही.