'एका वृद्धाने मला कंबरेला स्पर्श केला अन् खालून...'; स्टेजवर बॉलिवूड अभिनेत्रीसोबत नेमकं काय घडलं? VIDEO व्हायरल
Mouni Roy Faces Harassment From Audience: अभिनेत्री मौनी रॉयने हरियाणाच्या करनालमध्ये कार्यक्रमात हरासमेंटचा अनुभव सांगितला आहे.
Mouni Roy Faces Harassment From Audience: अभिनेत्री मौनी रॉय अलिकडेच एका कार्यक्रमात अडचणीत सापडली. तिच्यासोबत एक भयानक घटना घडली. सोशल मीडियातील एका पोस्टमध्ये तिने खुलासा केला की, हरियाणातील करनाल येथील एका कार्यक्रमात काही लोकांनी तिच्यासोबत गैरवर्तन केलं. तिने असेही उघड केले की, एका वृद्ध पुरूषासह काही उपस्थितांनी अश्लील हावभाव केले. तसेच तिला अयोग्यरित्या स्पर्श करण्याचा प्रयत्न केला. मौनीसोबत त्या कार्यक्रमात नेमकं काय घडलं? याची माहिती तिनं पोस्टद्वारे सोशल मीडियात शेअर केली.
मौनी म्हणाली, "एका वृद्ध पुरूषाने फोटो काढण्याच्या बहाण्याने अयोग्यरित्या स्पर्श करण्याचा प्रयत्न केला. माझा या आधीचा कार्यक्रम करनालमध्ये झाला होता. तिकडच्या उपस्थित लोकांच्या वागण्याचा मला त्रास झाला. मला या गोष्टीचे वाईट वाटले. त्या ठिकाणी दोन वृद्ध लोक होते. कार्यक्रम सुरू होताच मी स्टेजच्या दिशेने गेले. काही वृद्ध पुरूष आणि काही कुटुंबाने फोटो काढण्याच्या बहाण्याने माझ्या कंबरेवर हात ठेवला. जेव्हा मी त्यांना, सर कृपया माझ्या कंबरेवरून हात काढा असे म्हटले, तेव्हा त्यांना ते आवडले नाही".
"स्टेजवर तर आणखी वाईट परिस्थिती होती. माझ्यासमोर दोन काका उभे होते. ते अश्लील कमेंट्स करत होते. अश्लील हावभाव करत होते. मी त्यांना, असे न करण्याचा इशारा दिला. पण त्यानंतर त्यांनी माझ्यावर गुलाब फेकण्याचा प्रयत्न केला. मी परफॉर्मन्स अर्ध्यातच सोडला. पण नंतर मी परत आले. माझा परफॉर्मन्स संपवला", असं मौनी म्हणाली.
"या घटनेनंतर मला प्रचंड मानसिक धक्का बसला. त्या व्यक्तींना कुटुंबाने किंवा आयोजकांनी घटनास्थळावरून बाहेर काढले नाही. जर माझ्यासारख्या एखाद्या व्यक्तीला हे सर्व सहन करावे लागत असेल तर, नुकत्याच काम सुरू करणाऱ्या आणि शो करणाऱ्या नवीन मुलींसाठी परिस्थिती कशी असेल, याची मी कल्पनाही करू शकत नाही", असंही मौनी म्हणाली. "या घटनेनंतर मला खूप अपमानित आणि भीती वाटत होती. अधिकाऱ्यांनी या गैरप्रकारावर कारवाई करावी, अशी माझी इच्छा आहे", असं मौनी म्हणाली.
"आम्ही कलाकार आहोत. आम्ही आमच्या कलेच्या माध्यमातून प्रामाणिकपणे जीवन जगण्याचा प्रयत्न करत आहोत. जर हे लोक स्वत:च्या मुली, बहिणी किंवा कुटुंबातील सदस्यांशी असे वागले तर काय करतील? त्यांना लाज वाटली पाहिजे", असंही मौनी म्हणाली. स्टेजवर नेमकं काय घडलं, याबाबत मौनी म्हणाली, "स्टेज उंचावर होता. काही पुरूष खालच्या कोनातून चित्रीकरण करत होते. जेव्हा त्यांना थांबवण्याचा प्रयत्न झाला, तेव्हा तो व्यक्ती शिवीगाळ करू लागला", असं मौनीनं सांगितलं.
महत्त्वाच्या बातम्या
