Murugan Panavila Death: सिनेसृष्टीवर शोककळा! प्रसिद्ध अभिनेत्याचं निधन, नाटक सुरू असतानाच मंचावर कोसळला; जगाचा निरोप घेताना 5 जणांना दिलं जीवनदान
Malayalam Actor Murugan Panavila: मल्याळम सिनेइंडस्ट्री प्रसिद्ध अभिनेता मुरुगन पनाविला यांचं निधन झालं आहे.
Malayalam Actor Murugan Panavila Dies: मल्याळम सिनेइंडस्ट्रीतून (Malyalam Film Industry) एक दु:खद घटना समोर (Murugan Panavila) आली आहे. प्रसिद्ध अभिनेता मुरुगन पनाविला यांचं निधन झालं आहे. 25 जुलै रोजी त्यांचं निधन (Entertainment) झालं असल्याची माहिती समोर आली आहे. वयाच्या 46 व्या वर्षी त्यांनी अखेरचा श्वास घेतला. जरी आज मुरुगन आपल्यात नाही, पण त्यांची कारकिर्द आणि प्रेक्षकांचं केलेलं मनोरंजन कायम लोकांच्या स्मरणात राहिल. त्यांनी आपल्या कारकिर्दीत बऱ्याच प्रोजेक्ट्समध्ये काम केलं. दरम्यान, जाता जाता त्यांनी अनेक लोकांना जीवनदान दिलं आहे.
ब्रेन हेमरेजमुळे प्रकृती बिघडली, मुरुगन पनाविला यांचं मृत्यू (Malayalam Actor Murugan Panavila at Age of 46)
मल्याळम सिनेइंडस्ट्रीतील मुरुगन पनाविला यांनी जाता जाता अनेक लोकांना जीवनदान दिलं आहे. त्यांनी अवयव दान म्हणजेच ऑर्गन डोनेशनच्या माध्यमातून 5 लोकांना नवीन आयुष्य दिलं आहे. मिळालेल्या माहितीनुसार, 21 जुलै रोजी श्री मुरुगन कोझिकोडच्या वडाकारा येथील एका नाट्यप्रयोगासाठी रिहर्सल करत होते. यावेळी त्याचं ब्रेन हेमरेज झालं. ते मंचावर कोसळले.
यानंतर अभिनेत्याला तातडीने जवळच्या रुग्णालयात दाखल करण्यात आले. यानंतर मुरुगन यांना तिरुवनंतपुरम येथील सरकारी रुग्णालयात रेफर करण्यात आलं. जिथे डॉक्टरांच्या एका टीमने त्यांच्यावर उपचार केला. पण बरेच प्रयत्न करुनही मुरुगन पनाविला वाचू शकला नाही. अखेर 25 जुलै रोजी दुपारच्या सुमारास त्यांचे निधन झाले. मुरुगन पनाविला यांच्या निधनानंतर मल्याळम इंडस्ट्रीत शोककळा पसरली आहे.
अभिनेता मुरुगन पनाविला यांच्या निधनानंतर त्यांच्या कुटुंबाने मोठा निर्णय घेतला (Murugan Panavila Family Donates Organ After Death)
या कठीण काळात मुरुगन पनाविला यांच्या कुटुंबाने मोठा निर्णय घेतला. या निर्णयामुळे अनेक कुटुंबाना आधार मिळाला. अनेकांना आनंद मिळाला. मुरुगन पनाविला यांच्या कुटुंबाने त्यांच्या मृत्यूनंतर अवयव दान करण्याची परवानगी दिली होती. त्यानंतर डॉक्टरांनी मुरुगन पनाविला यांचे अवयव सुरक्षितपणे काढून गरजू लोकांपर्यंत पोहोचवले. दरम्यान, यासाठी मुरुगन पनाविला यांच्या कुटुंबाचं विशेष कौतुक करण्यात येत आहे.
महत्त्वाच्या इतर बातम्या:
महत्त्वाच्या बातम्या
