Mahesh Manjarekar : रितेश देशमुख बिग बॉसचा नवा होस्ट, अखेर मांजरेकरांनी सोडलं मौन; म्हणाले, 'त्याला पहिल्याच सिझनला...'
Mahesh Manjarekar on Ritiesh Deshmukh : रितेश देशमुखच्या होस्टिंगवर महेश मांजरेकरांनी प्रतिक्रिया दिली आहे.
Mahesh Manjarekar on Ritiesh Deshmukh : बिग बॉस मराठीच्या पाचव्या सिझनला (Bigg Boss Marathi Season 5) नुकतीच सुरुवात झाली. घरातील स्पर्धकांचे राडे, टास्कसाठी होणारी बाचाबाची या सगळ्याला आता सुरुवात झालीये. पण खरी उत्सुकता लागून राहिलीये की,रितेश देशमुख (Ritiesh Deshmukh) घरातल्या स्पर्धकांची शाळा कशी घेणार? याची उत्सुकता लागून राहिली आहे. असं सगळं असलं तरीही अनेक प्रेक्षक महेश मांजरेकरांना (Mahesh Manjarekar) मात्र चाहते खूप मिस करत असल्याचं चित्रही पाहायला मिळतंय.
बिग बॉसच्या नव्या सिझनची घोषणा झाली आणि चाहत्यांची उत्सुकता शिगेला पोहचली. त्यातच पहिल्याच प्रोमोमध्ये प्रेक्षकांना मोठं सरप्राईज मिळालं. या सिझनमध्ये होस्टची जबाबदारी ही रितेश देशमुखवर देण्यात आली. त्यानंतर अनेकांना एकच प्रश्न पडला होता की मांजरेकरांनी कार्यक्रम सोडला? आता या सगळ्यावर महेश मांजरेकरांनी अखेर मौन सोडलं आहे. त्याचप्रमाणे त्यांनी रितेशच्या होस्टिंवरही प्रतिक्रिया दिली आहे.
'जे हवंय ते कदाचित माझ्यात नसेल'
महेश मांजरेकर यांनी अमोल परचुरे यांना दिलेल्या मुलाखतीमध्ये या सगळ्यावर भाष्य केलं आहे. त्यांनी म्हटलं की, 'मी जेव्हा सुरु केलं, तेव्हा माझं फक्त वर्षभराचंच कॉन्ट्रॅक्ट होतं. मला असं वाटायचं की, काय आहे हे, एकत्र बसून बघायचं काय हा कार्यक्रम बघायचा. कारण मी होस्ट करण्याआधी कधीच बिग बॉस पाहिलं नव्हतं. पण मी होस्ट करणार तेव्हा काही एपिसोड पाहिले तेव्हा वाटलं की हा गेम भारी आहे. त्यानंतर त्या एका सिझनचे चार सिझन झाले. पण पाचव्या सिझनवेळी त्यांना खरंच असं वाटलं असेल की, मी जरा रिपीटेटिव्ह होतोय. त्यांना जे हवंय ते कदाचित माझ्यात नसेल.'
रितेशला पहिल्याच सिझनला घेतलं नाही - महेश मांजरेकर
रितेशच्या होस्टिंगवर मांजरेकरांनी म्हटलं की, 'जेव्हा पहिल्यांदा मला घेतलं तेव्हा मला असं वाटलं की, अरे मी का, इतरही स्टार आहेतच की. पण आता जेव्हा रितेशचं नाव ऐकलं तेव्हा वाटलं, की अरे व्हा... नशिब त्यांनी रितेशला पहिल्याच सिझनला घेतलं नाही, नाहीतर मग मी ते केलंच नसतं, अशी मिश्लिक टिप्पणीही त्यांनी केली आहे.'
पुढे त्यांनी म्हटलं की, मला असं वाटतं की, तो त्याच्यामध्ये त्याचं काहीतरी आणले. तसंही चार वर्ष मी खूप एन्जॉय केलाय तो कार्यक्रम. बदल करणं हे त्यांच्या हातात आहे. पण हा सिझनही मी तितक्याच आवडीने पाहीन. मी जे केलंय त्याचं मला खूप समाधान आहे. लोकांनाही बदल हवा आहे. तो खूप छान कार्यक्रम आहे आणि रितेश करतोय त्यासाठी मी खूप सकारात्मक आहे. रितेश हा शो गाजवेल असंही माझा विश्वास आहे.
ही बातमी वाचा :
महत्त्वाच्या बातम्या
