Akshay Laxman on ABP Majha Maha Katta: मनातलं नाव अचूक ओळखलं, स्पर्श न करता चष्मा पलटवला; माझाच्या महाकट्यावर माईंड रिडर अक्षय लक्ष्मणची थक्क करणारी जादुई सफर
Akshay Laxman On ABP Majha Maha Katta : कुणाच्या मनात नेमकं काय चाललंय त्याचा अंदाज बांधनं हे जवळ जवळ अशक्यप्राय गोष्ट. मात्र अंतरमनाचा ठाव घेणारी अशीच एक कला माईंड रिडर अक्षय लक्ष्मण यांच्या ठाई आहे.
Akshay Laxman On ABP Majha Maha Katta : कुणाच्या मनात नेमकं काय चाललंय त्याचा अंदाज बांधनं हे जवळ जवळ अशक्यप्राय गोष्ट. मात्र अंतरमनाचा ठाव घेणारी अशीच एक कला माईंड रिडर अक्षय लक्ष्मण (Magician Akshay Laxman) यांच्या ठाई आहे. एबीपी माझाच्या (ABP Majha) महाकट्ट्यावर (Majha Maha Katta) बोलताना अक्षय लक्ष्मण यांनी याच शास्त्राचं गमक आणि एकंदरीत आपल्या आयुष्याचा उलगडा केला आहे. सोबतच आपल्या जादुई कलेची सफरही घडवून आणली आहे.
Akshay Laxman Majha Maha katta : वयाच्या 6 व्या वर्षापासून सुरवात, 30 वर्ष अविरतपणे थक्क करणारा प्रवास
माईंड रिडर अक्षय लक्ष्मण माझाच्या महाकट्यावर येताच त्यांनी राजीव खांडेकर (Rajiv Khandekar) सरांना 52 पत्त्यातील एक कार्ड मनात ठेवायला सांगितलं आणि नंतर तो अचूकपणे ओळखून दाखवत आपल्या जादुई सफरची चुणूक घडवून आणली. त्यांनतर आपल्या आयुष्याचा प्रवास उलगडतांना त्यांनी सांगितलं कि, त्यांनी जादूंच्या कार्यक्रमातून वयाच्या सहाव्या वर्षापासून सुरुवात केली. विरंगुळा म्हणून सुरुवात केलेला हा प्रवास आज जवळ जवळ 30 वर्ष अविरतपणे सुरु असल्याचे त्यांनी सांगितलं. तर पुढे बोलताना त्यांनी अमीर खान यांच्या सत्यमेव जयते कार्यक्रमातील सलमान खान यांच्यासोबतचे धम्माल किस्से सांगत आठवणींनी उजाळा दिला.
दरम्यान, पुढे अक्षय लक्ष्मण यांनी मंचावर राजीव खांडेकर (Rajiv Khandekar) सरांना मनात आपल्या एका मित्राच्या नावाचं स्मरण करायला लावलं. दुसरीकडे त्या मित्राचं नाव अक्षय लक्ष्मण यांनी एका कागदावर लिहून काढलं आणि पुढे एबीपी माझाच्या संपादिका सरिता कौशिक (Sarita Kaushik) मॅडमला बोलावून ते नाव वाचून दाखवायला संगितलं. तत्पूर्वी राजीव सरांनी नेमकं कुठलं नाव मनात घेतलं हे विचारलं असता, त्यांनी सांगितलं कि मुळात त्याचं नाव वेगळं आहे. पण आम्ही त्याला पिट्ट्या म्हणून बोलावतो. तर हेच कागदावर लिहलेलं नाव सरिता कौशिक यांनी वाचून दाखवत साऱ्यांना थक्क केलं. सोबतच 'i think of u too Rajiv love पिट्ट्या' असं लिहलेलंही वाचून दाखवलं.
हे हि वाचा
महत्त्वाच्या बातम्या
