'लिटील चॅम्प'फेम गायिका अडकणार विवाहबंधनात, गुडघ्यावर बसून प्रपोज केलं, कोण आहे होणारा नवरा?
तिचा होणारा नवरा गुडघ्यावर बसून तिला प्रपोज करत असल्याचा फोटो शेअर करत तिने तिच्या होणाऱ्या नवऱ्याची ओळख करून दिली आहे.
Sharayu Date: सारेगमप लिटल चॅम्प्स या रियालिटी शोमधून संगीत विश्वात पाऊल ठेवलेले अनेक छोटे कलाकार आता मोठे झाले आहेत. प्रत्येकाने आपल्या गाण्याचा वेगळा ठसा उमटवला आहे.त्यांच्या वैयक्तिक आयुष्यातही काय घडतय याची प्रेक्षकांना चाहत्यांना कायम उत्सुकता असते. अलीकडेच गायिका शरयू दाते चर्चेत आली आहे ती तिच्या वैयक्तिक आयुष्यातील एका नव्या बातमीमुळे. आपल्या गोड आवाजाने घराघरात पोहोचलेली गायिका शरयू दाते लवकरच लग्न करणार आहे. सोशल मीडियावर तिने ही गोड बातमी शेअर करत चाहत्यांना सुखद धक्का दिला आहे. तिचा होणारा नवरा गुडघ्यावर बसून तिला प्रपोज करत असल्याचा फोटो शेअर करत तिने तिच्या होणाऱ्या नवऱ्याची ओळख करून दिली आहे.
गुडघ्यावर बसून प्रपोज, शरयू कोणाशी करणार लग्न?
शरयूने instagram वर एक फोटो शेअर करत तिच्या प्रपोजलचा गोड क्षण शेअर केला आहे. शरयू विभास वाटवे त्याच्याशी लग्न करणार आहे. शरयू दक्षिण आफ्रिकेतील केनिया येथे पर्यटनाला गेली होती. तिथेच तिच्या होणाऱ्या नवऱ्याने म्हणजेच विभासने तिला प्रपोज केलं. केनियातील मसाईमारा राष्ट्रीय अभयारण्यात शरयूला तिच्या बेस्ट फ्रेंडने गुडघ्यावर बसून अंगठी घातली. माझ्या होणाऱ्या नवऱ्याला भेटा माझा बेस्ट फ्रेंड जो आता माझा होणारा नवरा आहे असं म्हणत तिने तिच्या चाहत्यांशी त्याची ओळख ही करून दिली. विभास आणि शरयू एकमेकांना कसे ओळखतात? त्यांची भेट कुठे झाली हे अद्याप तिने सांगितलं नाहीय. त्याचं सोशल मिडिया अकाऊंटही पब्लिक नसल्याने शरयूच्या होणाऱ्या नवऱ्याबाबतची उत्सुकता कायम आहे.
View this post on Instagram
शरयूने शेअर केलेले या फोटोवर अनेक कलाकारांनी तिला कमेंट्स करत शुभेच्छा दिल्या आहेत. अनेक जण तिच्या प्रपोजल चे फोटो पाहून आश्चर्यचकित झालेले दिसतात. नेहा पेंडसे, अर्चना निपाणकर, प्रियंका बर्वे,मुग्धा वैशंपायन,स्पृहा जोशी,सलील कुलकर्णी यांच्यासह अनेक सेलिब्रिटींनी तिच्यावर कौतुकाचा वर्षाव केलाय.
शरयू दाते ही मराठी कला विश्वातील लोकप्रिय गायिका आहे. 'आनंदी गोपाळ' या चित्रपटांमधील 'रंग माळीयेला', डॉक्टर काशिनाथ घाणेकर चित्रपटातील 'इंद्रधनु', 'फुलराणी'मधील 'चढविला पट्टा कमरेवरी', 'रमा माधव' चित्रपटातील 'हमामा रे पोरा' अशी अनेक लोकप्रिय गाणी तिने गायली आहेत. अलीकडेच प्रदर्शित झालेल्या तिघी या सिनेमातही तिचं गाणं आहे.
महत्त्वाच्या बातम्या
