KGF Chapter 2 Box Office Collection Day 2: अवघ्या 2 दिवसांत ‘केजीएफ 2’ची बॉक्स ऑफिसवर ‘डबल सेंच्युरी’! जमवला ‘इतक्या’ कोटींचा गल्ला!

KGF Chapter 2 : 'KGF' ने गुड फ्रायडेच्या दिवशी हिंदी व्हर्जनमध्ये आपली यशस्वी घौडदौड सुरूच ठेवली. या चित्रपटाच्या हिंदी व्हर्जनने दुसऱ्या दिवशीच शंभर कोटींचा आकडा पार केला आहे.

KGF Chapter 2

KGF Chapter 2 : कन्नड सुपरस्टार यशचा दुसरा पॅन इंडिया चित्रपट 'KGF Chapter 2' म्हणजेच 'KGF 2' बॉक्स ऑफिसवर तुफान गाजतो आहे. 'KGF' ने गुड फ्रायडेच्या दिवशी हिंदी व्हर्जनमध्ये आपली यशस्वी घौडदौड सुरूच ठेवली. या चित्रपटाच्या हिंदी व्हर्जनने दुसऱ्या दिवशीच शंभर कोटींचा आकडा पार केला आहे. 'KGF 2' ने दुसऱ्या दिवशी बॉक्स ऑफिसवर जवळपास 200 कोटी रुपयांच्या तिकिटांची विक्री केली आहे. कोणत्याही कन्नड चित्रपटासाठी हा नवा विक्रम आहे. चित्रपटाची निव्वळ कमाईही दुसऱ्या दिवशी 'आरआरआर'च्या जवळपास पोहोचली आहे.

दिग्दर्शक प्रशांत नील यांच्या यश (Yash), श्रीनिधी शेट्टी (Srinidhi Shetty), प्रकाश राज (Prakash Raj), रवीना टंडन (Raveena Tondon) आणि संजय दत्त (Sanjay Dutt) स्टारर 'KGF 2' ने रिलीजच्या पहिल्याच दिवशी देशभरात चांगला व्यवसाय केला. आता दुसऱ्या दिवशीही चित्रपटाचा व्यवसाय धमाकेदार असल्याच्या बातम्या येऊ लागल्या आहेत. सुरुवातीच्या ट्रेंडनुसार, चित्रपटाने रिलीजच्या दुसऱ्या दिवशी सुमारे 88 कोटी रुपयांची कमाई केली आहे आणि शुक्रवारी भारतीय बॉक्स ऑफिसवर 103 कोटी रुपयांची कमाई केली आहे. चित्रपटाचा पहिला वीकेंड चार दिवसांचा असणार आहे आणि जर चित्रपटाची कमाई शनिवार आणि रविवारी अशीच राहिली, तर हा चित्रपट हिंदी चित्रपटांमध्ये पहिल्या वीकेंडला सर्वाधिक कमाई करणारा चित्रपट बनवण्याचा विक्रमही करू शकतो.

आतापर्यंतची एकूण कमाई

बॉक्स ऑफिसवर पहिल्या दिवसाच्या कमाईच्या अंतिम आकड्यांनुसार, 'KGF 2' चित्रपटाने रिलीजच्या पहिल्या दिवशी सर्वाधिक कमाई करत देशात हिंदीमध्ये प्रदर्शित झालेल्या चित्रपटांमध्ये पहिले स्थान पटकावले आहे. हिंदीत 53.95 कोटी रुपयांचा गल्ला या चित्रपटाने जमवला आहे. पहिल्या दिवशी या चित्रपटाची एकूण कमाई 116 कोटी रुपये होती. दुसऱ्या दिवशी रात्री 10.30 वाजेपर्यंत बॉक्स ऑफिसच्या सुरुवातीच्या आकडेवारीनुसार, 'KGF 2' चित्रपटाने 88 कोटी रुपयांची कमाई केली आणि रिलीजच्या दुसऱ्या दिवशी बॉक्स ऑफिसवर एकूण 103 कोटी रुपयांची कमाई केली आहे.

हेही वाचा :