KGF 3 : ‘केजीएफ 2’चा बॉक्स ऑफिसवर धुमाकूळ, आता ‘केजीएफ 3’मधून प्रेक्षकांना सरप्राईज देणार यश!

KGF 3 : KGF चा पहिला पार्ट 2018मध्ये रिलीज झाला होता आणि त्यानंतर आता चित्रपटाचा दुसरा चॅप्टर 2022 मध्ये रिलीज झाला आहे.

kgf_2

KGF 3 : रॉकिंग स्टार यशचा चित्रपट 'KGF Chapter 2' थिएटरमध्ये रिलीज झाला आहे. या चित्रपटाबाबत सोशल मीडियावर ट्रेंड पाहायला मिळत असून, प्रेक्षक या चित्रपटाचे भरभरून कौतुक करताना दिसत आहेत. या चित्रपटातील प्रत्येक व्यक्तिरेखा चाहत्यांना आवडत असून, प्रेक्षक सोशल मीडियावर प्रतिक्रिया व्यक्त करत आहेत. दरम्यान, चाहत्यांसाठी एक मोठी आणि आनंदाची बातमी समोर आली आहे. यश सोबत, संजय दत्त, रवीना टंडन, प्रकाश राज आणि श्रीनिधी शेट्टी स्टारर KGF Chapter 2 चा पुढचा भाग KGF Chapter 3 देखील रिलीज होणार आहे. 

KGF चा पहिला पार्ट 2018मध्ये रिलीज झाला होता आणि त्यानंतर आता चित्रपटाचा दुसरा चॅप्टर 2022 मध्ये रिलीज झाला आहे. अशा परिस्थितीत नुकतेच हिंदुस्तान टाईम्सशी बोलताना प्रशांत नील यांना याच्या सीक्वेन्सबद्दल प्रश्न विचारण्यात आला होता, ज्यावर त्यांनी सांगितले की, ‘याबद्दल काही बोलणे घाईचे ठरेल. पण जर लोकांना KGF: Chapter 2 आवडत असेल, तर आम्ही फ्रेंचायझी सुरू ठेवण्याचा विचार करू शकतो.’

‘केजीएफ 3’मध्ये दिसणार ‘ही’ गोष्ट

KGF दिग्दर्शक प्रशांत नील यांनी चित्रपटाच्या तिसर्‍या भागाबद्दल हिंट दिली, तर दुसरीकडे सोशल मीडियावर चित्रपटाविषयी अनेक पोस्ट्स पाहायला मिळत आहेत. या चित्रपटाचा तिसरा भागही प्रदर्शित होणार असल्याचा दावा सोशल मीडिया वापरकर्त्यांनी केला आहे. मिळालेल्या माहितीनुसार, 'KGF Chapter 3' मध्ये अमेरिका-इंडोनेशियासह 16 देशांमध्ये झालेल्या गुन्ह्यांची कहाणी दाखवण्यात येणार आहे.

KGF Chapter 2 HD मध्ये लीक

मीडिया रिपोर्ट्सनुसार, KGF Chapter 2 ऑनलाइन लीक झाला आहे. हा चित्रपट एचडीमध्ये लीक झाल्याचे सांगण्यात येत आहे. ही बातमी समोर आल्यापासून चित्रपटाच्या कलेक्शनवर याचा मोठा परिणाम होईल, अशी अटकळ बांधली जात आहे. नुकतेच चित्रपटाचे दिग्दर्शक प्रशांत नील यांनी सोशल मीडियावर चित्रपटाबद्दल ट्विट केले होते. प्रशांतने आपल्या ट्विटमध्ये ‘पायरसीला नाही म्हणा’ असे लिहिले आहे.

KGF Chapter 2 च्या स्टारकास्टमध्ये कन्नड स्टार यश तसेच संजय दत्त, श्रीनिधी शेट्टी, रवीना टंडन, प्रकाश राज आणि मालविका अविनाश यांचा समावेश आहे.

हेही वाचा :