Karan Kundra Propose Tejaswi Prakash: गुपचूप लग्नाच्या चर्चेत बिग बॉसच्या लोकप्रिय जोडीची अखेर चाहत्यांना गुडन्यूज! लग्नासाठी केलं प्रपोज ; Video व्हायरल

गेल्या चार वर्षांपासून रिलेशनशिपमध्ये असलेल्या या जोडीच्या लग्नाची चाहत्यांना आतुरता होती. करणने अतिशय रॉयल अंदाजात तेजस्वीला प्रपोज केलं.

Tejaswi Prakash Karan Kundra

Source : ABPLIVE AI

Tejaswi Prakash Karan Kundra: गेल्या काही दिवसांपासून टीव्ही इंडस्ट्रीतील सर्वात लोकप्रिय कपल्स पैकी असलेल्या अभिनेत्री तेजस्वी प्रकाश आणि करण कुंद्रा यांनी गुपचूप लग्न उरकल्याची चर्चा होती. अभिषेक कुमारने दोघांनी कोर्ट मॅरेज केल्याच्या विधानामुळे ही चर्चा रंगली होती. दोघांच्याही लग्नाची चाहते प्रचंड वाट पाहत असताना आता  ‘बिग बॉस 15’मधून सुरू झालेल्या करण कुंद्रा आणि तेजस्वी प्रकाश यांच्या प्रेमकहाणीने आता नवं वळण घेतलं आहे. करणने तेजस्वीला लग्नासाठी प्रपोज केलं असून हा खास क्षण पाहून चाहत्यांनाही आनंदाचा धक्का बसला आहे. गेल्या चार वर्षांपासून रिलेशनशिपमध्ये असलेल्या या जोडीच्या लग्नाची चाहत्यांना आतुरता होती. करणने अतिशय रॉयल अंदाजात तेजस्वीला प्रपोज केलं.

करणने तेजस्वीला केलं प्रपोज

नेटफ्लिक्सवर येणाऱ्या ‘देसी ब्लिंग’ या नव्या शोमध्ये करण कुंद्रा आणि तेजस्वी प्रकाश एकत्र दिसणार आहेत. हा शो 20 मेपासून स्ट्रीम होणार आहे. याच शोमधील एक क्लिप सध्या सोशल मीडियावर व्हायरल होत आहे. या व्हिडिओमध्ये करण मोठ्या डायमंड रिंगसह पंजाबी स्टाईलमध्ये तेजस्वीला लग्नासाठी विचारताना दिसतो.व्हिडिओमध्ये करण गुडघ्यावर बसून तेजस्वीला प्रपोज करतो. तो पंजाबी भाषेत तिच्यासोबत कायम राहण्याची इच्छा व्यक्त करतो आणि नंतर तिला अंगठी घालून किस करतो. हा क्षण पाहून तेजस्वी भावूक होते. तिला याची अजिबात अपेक्षा नसल्यामुळे तिच्या डोळ्यांत अश्रू येतात. दोघांनी कोणतेही अधिकृत विधान केलेले नाही. मात्र, या शोमध्ये त्यांनी एकमेकांना प्रपोज केल्याचे पाहून चाहत्यांना सुखद धक्का बसलाय.

 

 

 

 

 

View this post on Instagram

 

 

 

 

 

 

 

 

 

 

 

A post shared by TejranAreSoulmates (@tejransoulmates2022)

लवकरच लग्नबंधनात अडकणार?

करण “Will You Marry Me?” असं विचारताच, डोळ्यांत पाणी आणून तेजस्वी म्हणते, “आपण खूप काही एकत्र पाहिलं आहे. बिग बॉसमधून बाहेर आल्यानंतर अनेकांनी म्हटलं होतं की हे नातं दोन आठवडेही टिकणार नाही. कुणी मला फेक म्हटलं, कुणी तुला फेक म्हटलं, तर कुणी आपल्या नात्यालाच फेक ठरवलं. पण आज आपण चार वर्षं एकत्र आहोत.” यानंतर करण म्हणतो, “Imperfectly Perfect Love Story हा शब्द तूच दिला होता. तू मला एक चांगला माणूस बनवलंस. आपण एकत्र घालवलेल्या प्रत्येक वर्षासोबत माझ्यासाठी प्रेमाचा अर्थ बदलत गेला. मला कधी वाटलंच नव्हतं की मला असं प्रेम मिळेल.”

करण आणि तेजस्वीची लव्हस्टोरी कोणापासून लपलेली नाही. ‘बिग बॉस 15’मध्येच दोघांनी आपलं नातं अधिकृत केलं होतं. ‘देसी ब्लिंग’ शोचं शूटिंग दुबईमध्ये झालं असून, हा व्हायरल व्हिडिओही तिथलाच असल्याचं सांगितलं जात आहे.