Kangana Ranaut on Rahul Gandhi : मंडीत कंगनाच्या प्रचारात जय श्रीरामच्या घोषणा, भाषणादरम्यान राहुल गांधींवर गंभीर आरोप, म्हणाली 'त्यांना हिंदूंची शक्ती...'
Kangana Ranaut on Rahul Gandhi : कंगना रणौत हिला लोकसभेचं तिकीट मिळाल्यानंतर तिने तिच्या प्रचाराला सुरुवात केली आहे. तसेच यावेळी तिच्या प्रचारादरम्यान जय श्रीरामच्या घोषणा देण्यात आल्या आहेत.
Kangana Ranaut on Rahul Gandhi : भाजपकडून (BJP) बॉलीवूड अभिनेत्री कंगना रणौत (Kangana Ranaut) हिला लोकसभेचं तिकीट (Lok Sabha Election 2024) देण्यात आलं. त्यानंतर आता कंगनाने आता तिच्या प्रचाराला सुरुवात केलीये. कंगनाला हिमचाल प्रदेशातील मंडी या लोकसभा मतदारसंघातून लोकसभेचं तिकीट देण्यात आलं आहे. मंडी ही कंगनाची जन्मभूमी आहे. त्यामुळे यावेळी तिनं लोकांना म्हटलं की, असा विचार करु नका की कंगना एक अभिनेत्री आहे, कंगना ही तुमची मुलगी आहे. तसेच यावेळी तिने राहुल गांधी (Rahul Gandhi) आणि काँग्रेसवरही (Congress) गंभीर आरोप केलेत.
कंगनाने काय म्हटलं?
मंडीत कंगनाने रोड शॉ देखील केला. यावेळी तिनं लोकांना संबोधित करताना म्हटलं की, 'जर मी इथे निवडून आले तर तुमच्या सेवेत मी कोणतीही कमरता भासू देणार नाही. तुम्ही हा विचार करु नका की कंगना एक अभिनेत्री आहे, हा विचार करु नका की कंगना एक स्टार आहे, हा विचार करा की कंगना आपली मुलगी आहे, आपली बहिण आहे. इथला प्रत्येकजण माझा नातेवाईक आहात.' तसेच यावेळी मोदींच्या समर्थनार्थ आणि जय श्रीराम या घोषणा देखील देण्यात आल्यात.
#WATCH | Lok Sabha elections 2024 | Himachal Pradesh: BJP candidate from Mandi and actor Kangana Ranaut addresses people as she conducts a road show here.
— ANI (@ANI) March 29, 2024
She says, "...Don't think that Kangana is a heroine, that she is a star. Consider Kangana your sister, your daughter.… pic.twitter.com/6wcAjBYnCs
कंगनाचे राहुल गांधींवर गंभीर आरोप
कंगनाने यावेळी तिच्या भाषणादरम्यान राहुल गांधी आणि काँग्रेसवर गंभीर आरोप केले आहेत. यावर तिनं म्हटलं की, 'आपल्याच घरातून उमेदवारी मिळणं ही खरंच आनंदाची गोष्ट आहे. पण काँग्रेसला ही आनंदाची गोष्ट बघवली नाही जात. त्यांनी त्यांच्या घाणरेड्या राजकारणाला सुरुवात केली.' 'त्यांच्या मुख्य नेतृत्व राहुल गांधी यांनी म्हटलं की, हिंदूमध्ये जी शक्ती आहे ती मला नष्ट करायचीये', असं म्हणत कंगनाने राहुल गांधींवर निशणा साधला. पुढे कंगनाने म्हटलं की, 'काँग्रेसचे जे प्रवक्ते आहेत, ते म्हणतात मंडीच्या ज्या मुली आहेत, त्यांचे भाव काय सुरु आहेत. अशा प्रकारची नीच आणि अभद्र गोष्टी एकून कोणाचं हृदय नाही पिळवटणार', असं म्हणत कंगनाचे काँग्रेसवर गंभीर आरोप केलेत.
#WATCH | Himachal Pradesh: BJP candidate from Mandi Lok Sabha seat, actor Kangana Ranaut says, "... Congress could not accept my nomination from Mandi. They started doing cheap politics. Their leader Rahul Gandhi talks about destroying the 'shakti' in Hindus. Their spokesperson… pic.twitter.com/D53fySekCz
— ANI (@ANI) March 29, 2024
ही बातमी वाचा :
सरदार पटेलांबाबत जावईशोध लावणाऱ्या कंगना रणौतला विश्वास पाटलांनी सुनावलं, म्हणाले...
महत्त्वाच्या बातम्या
