Maharashtrachi Hasyajatra : महाराष्ट्राची हास्यजत्रा फेम अभिनेत्रीची जाहिरातीत लागली रणवीर सिंहसोबत वर्णी, फोटो शेअर करत म्हणाली...
Esha dey with Ranveer Singh : महाराष्ट्राची हास्यजत्रा या कार्यक्रमातील एका अभिनेत्रीनं नुकतच रणवीर सिंहसोबत एका जाहिरातीत काम केलं आहे.
Esha dey with Ranveer Singh : महाराष्ट्राची हास्यजत्रा (Maharashtrachi Hasyajatra) या कार्यक्रमातून अभिनेत्री ईशा डे (Esha Dey) ही घराघरात पोहचली. तिच्या विनोदाच्या टायमिंगमुळे आणि अभिनयाने ती कायमच प्रेक्षकांच्या पसंतीस उतरली आहे. नुकतच ईशाने तिच्या चाहत्यांना एक गुडन्युज दिली. एका जाहिरातीसाठी ईशाने बॉलीवूडचा स्टार रणवीर सिंहसोबत (Ranveer Singh) स्क्रिन शेअर केली आहे. ईशाने रणवीरसोबतचा एक फोटो तिच्या सोशल मीडियावरुन (Social Media) शेअर केलाय.
दरम्यान ईशाने रणवीरसोबतच्या जाहिरातीमधला देखील फोटो शेअर केलाय. यावर अनेक कलाकार मंडळींनी कमेंट्स करत ईशावर शुभेच्छांचा वर्षाव केलाय. उत्तम अभिनयाच्या जोरावर ईशाने अनेक मालिकांमध्येही काम केलं आहे. हास्यजत्रेतील तिच्या विनोदांवर प्रेक्षक अगदी खळखळून हसतात. त्यातच आता तिच्या या नव्या कामासाठी देखील तिला शुभेच्छा देण्यात आल्या आहेत.
View this post on Instagram
रणवीरसह स्क्रिन शेअर करताना अनुभव
ईशाने रणवीरसोबत दलमिया सिमेंटच्या जाहिरातीत काम केलं आहे. या जाहिरातीची व्हिडिओ देखील तिने तिच्या सोशल मीडियावरुन शेअर केलाय. प्रियदर्शनी इंदलकर, सिद्धार्थ बोडके, अनघा अतुल, आशुतोष गोखले, रसिका वेंगुर्लेकर, पल्लवी पाटील या कलाकारांनी ईशाच्या फोटोवर कमेंट करत तिला शुभेच्छा दिल्या आहेत.
View this post on Instagram
ईशाच्या अभिनयाबद्दल
ईशाने लंडन येथून तिच्या अभिनयाचं शिक्षण घेतलं आहे. हास्यजत्रेच्या मंचाआधी ईशा अनेक मालिकांमध्येही झळकली होती ‘सुखी माणसाचा सदरा’, 'चूक भूल द्यावी घ्यावी’ या मालिकांमध्ये ईशाने महत्त्वाच्या भूमिका साकारल्या आहेत. तसेच ती बहुचर्चित बॉबी देओलच्या आश्रम-2 या वेब सिरिजमध्येही झळकली होती.
View this post on Instagram
ही बातमी वाचा :
महत्त्वाच्या बातम्या
ट्रेंडिंग न्यूज
