Entertainment News Live Updates 21 August : टीव्हीपासून ते बॉलिवूडपर्यंत... मनोरंजन विश्वात काय घडतंय जाणून घ्या एका क्लिकवर!
Entertainment Live : मनोरंजन विश्वात सध्या काय नवं घडतंय, याची देखील सर्वांनाच उत्सुकता असतेच. या माध्यमातून अशाच काही चटपटीत बातम्या आम्ही सगळ्यात आधी तुमच्यापर्यंत पोहचवणार आहोत.
LIVE
Background
Entertainment Live : मनोरंजन विश्व म्हटलं की, रोज नवनवे गॉसिप हे आलेच. याशिवाय रोज मालिकांमध्ये काय घडतंय? बॉलिवूड विश्वात सध्या काय सुरु आहे? आपल्या लाडक्या अभिनेत्री आणि अभिनेत्यांच्या आयुष्यात काय सुरु आहे, या सगळ्याची संपूर्ण आणि जलद माहिती आम्ही तुम्हाला देणार आहोत. आपल्या लाडक्या सेलेब्सबद्दल जाणून घेण्यासाठी सगळेच चाहते उत्सुक असतात. इतकंच नाही तर मनोरंजन विश्वात सध्या काय नवं घडतंय, याची देखील सर्वांनाच उत्सुकत असतेच. या माध्यमातून अशाच काही चटपटीत बातम्या आम्ही सगळ्यात आधी तुमच्यापर्यंत पोहचवणार आहोत.
अनिल कपूर झाले आजोबा; अभिनेत्री सोनम कपूरने दिला गोंडस बाळाला जन्म
बॉलिवूडमधील प्रसिद्ध अभिनेत्री सोनम कपूर (Sonam Kapoor) आणि आनंद आहुजा (Anand Ahuja) यांच्या घरात चिमुकल्याचे आगमन झाले आहे. सोनम कपूरने आज म्हणजेच (20 ऑगस्ट 2022) रोजी गोंडस बाळाला जन्म दिला आहे. बऱ्याच दिवसांपासून सोनमच्या प्रेग्नेंसीबाबत सोशल मीडियावर (Social Media) अनेक चर्चा रंगत होत्या. मात्र, 'मॉम टू बी' सोनम आता आई झाली आहे. त्यामुळे, अर्थातच सोनमला चाहत्यांकडून शुभेच्छांचा वर्षाव होतोय.
अभिनेते अजय पुरकर याचं निर्मिती क्षेत्रात पदार्पण; जमदग्नीवत्स प्रॉडक्शन्सची केली स्थापना
इतक्या वर्षांच्या अनुभवानंतर, अजय पूरकर यांनी निर्मिती क्षेत्रात उतरण्याचा निर्णय घेतला असून, त्यांनी नुकतीच ‘जमदग्नीवत्स प्रॉडक्शन्स’ ही निर्मितीसंस्था स्थापन केली आहे. या संस्थेद्वारा नाटक, चित्रपट, दूरदर्शन मालिका यांची निर्मिती करण्यात येणार आहे. तसेच विविध ओटीटी प्लॅटफॉर्मसाठीसुद्धा चित्रपट आणि मालिका यांची निर्मिती होणार आहे. आपले मराठी चित्रपट आशय आणि निर्मितीमूल्य या बाबतीत दाक्षिणात्य चित्रपटांपेक्षा कमी पडतात, अशी तक्रार बर्‍याचदा प्रेक्षक करत असतात. आपल्या मातीतील तरूण प्रतिभावान लेखक, दिग्दर्शक आणि सगळ्यात महत्त्वाचे म्हणजे तंत्रज्ञ शोधून उच्च दर्जाचे मराठी चित्रपट तयार करणे, हा ‘जमदग्नीवत्स प्रॉडक्शन्स’चा प्रमुख हेतू आहे. या क्षेत्रात नव्याने येऊ इच्छिणार्‍या लेखकांनीही एसडब्ल्यूएमध्ये रजिस्टर्ड केलेल्या आपापल्या संहिता, या संस्थेकडे घेऊ जाव्यात, असे आवाहन पूरकर यांनी केले आहे.
‘लोकांना धमकावण्यापेक्षा अभिनयावर लक्ष दे’, मध्य प्रदेशच्या गृहमंत्र्यांचा अर्जुन कपूरला सल्ला!
सोशल मीडियावर बराच काळ ‘बॉयकॉट बॉलिवूड’चा बोलबाला सुरु आहे. बॉलिवूड चित्रपटांवर बहिष्कार टाकण्याची मागणी सोशल मीडिया यूजर्सकडून सातत्याने केली जात आहे. मात्र, आतापर्यंत अनेक स्टार्सनी या मुद्द्यावर आपले मत व्यक्त केले आहे. अभिनेता अर्जुन कपूर (Arjun Kapoor) देखील या ट्रेंडवर व्यक्त झाला होता. त्याने यावर आपला संताप व्यक्त केला होता. मात्र, अर्जुनचे वक्तव्य आता त्यालाच भारी पडत आहे. या वक्तव्यामुळे अभिनेता आता ट्रोल होऊ लागला आहे. यातच आता मध्य प्रदेशचे गृहमंत्री नरोत्तम मिश्रा (Narottam Mishra) यांनी देखील अर्जुन कपूरच्या वक्तव्याचा खरपूस समाचार घेतला आहे.
अभिनेत्री कनिष्क सोनीनं स्वत:शीच केलं लग्न; म्हणाली, 'मला पुरुषांची गरज नाही'
सध्या स्वत:शीच लग्न करण्याचा ट्रेंड सुरु आहे. गुजरातमध्ये राहणाऱ्या क्षमा बिंदू (Kshama Bindu) या मुलीने स्वत:शी लग्न करुन या ट्रेंडला सुरुवात केली. आता छोट्या पडद्यावरील एका अभिनेत्रीनं देखील स्वत:शी लग्न केलं आहे. कनिष्का सोनी (Kanishka Soni) ही अभिनेत्री गळ्यात मंगळसूत्र आणि सिंदूर लाऊन फोटो शेअर करत असते. एक पोस्ट शेअर करुन कनिष्कानं स्वत:शीच लग्न केल्याबाबत माहिती दिली. त्यानंतर तिला अनेकांनी ट्रोल केलं. या ट्रोलर्सला कनिष्कानं उत्तर दिलं आहे.
राजू श्रीवास्तव यांच्या प्रकृतीबाबत अफवा पसरवणाऱ्यांवर भडकले दीपू श्रीवास्तव
कॉमेडियन राजू श्रीवास्तव (Raju Srivastava) यांची प्रकृती अधिकच बिघडत चालल्याची माहिती समोर येत आहे. बुधवारी (10 ऑगस्ट) सकाळी व्यायाम करत असताना ते ट्रेड मिलवर पडले. यावेळी त्यांना तत्काळ एम्समध्ये दाखल करण्यात आले होते. आता त्यांची प्रकृती बिघडत असल्यानं त्यांचे चाहते प्रार्थना करत आहेत. पण काही लोक राजू श्रीवास्तव यांच्या प्रकृतीबाबत काही अफवा पसरवत आहेत. या अफवा पसरवणाऱ्यांवर आता राजू यांचे भाऊ म्हणजेच दीपू श्रीवास्तव हे भडकले आहेत. नुकताच एक व्हिडीओ शेअर करुन दीपू यांनी राजू श्रीवास्तव यांच्या प्रकृतीबाबत माहिती दिली.
‘राजू श्रीवास्तव यांच्या तब्येतीत सुधारणा मात्र...’, अभिनेते शेखर सुमन यांनी दिली हेल्थ अपडेट
कॉमेडियन राजू श्रीवास्तव यांच्या प्रकृतीबाबत नवे अपडेट समोर आले आहे. अभिनेता शेखर सुमन यांनी ट्विट करून राजू श्रीवास्तव यांच्या आरोग्याची माहिती दिली आहे. यामध्ये ट्विटमध्ये शेखरने म्हटलेय की, राजू श्रीवास्तव यांच्या प्रकृतीत हळूहळू सुधारणा होत आहे.
Today's update on Raju according to his family members..his organs are functioning normally.Though still unconscious,doctor says,he is supposedly improving steadily.Mahadev ki kripa.Har Har Mahadev🙏🙏🙏
— Shekhar Suman (@shekharsuman7) August 21, 2022
दोन हेल्मेटसह वाहतुकीचे नियम पाळत मुंबईच्या रस्त्यांवर विराट अन् अनुष्काने लुटली पावसाची मजा! पाहा व्हिडीओ...
View this post on Instagram
‘बिग बॉस 16’साठी सलमान खानने आकारली ‘इतकी’ फी! साऊथ चित्रपटापेक्षाही मोठं बजेट
Salman Khan, Bigg Boss : टीव्हीचा वादग्रस्त रिअॅलिटी शो 'बिग बॉस 16' लवकरच नव्या सीझनसह प्रेक्षकांच्या भेटीला येणार आहे. मीडिया रिपोर्ट्सनुसार, शोचा होस्ट सलमान खान या सीझनसाठी 15व्या सीझनपेक्षा तिप्पट जास्त फी आकारणार आहे. मात्र, निर्मात्यांनी अद्याप या वृत्ताला दुजोरा दिलेला नाही. ‘बिग बॉस’च्या नव्या सीझनची घोषणा होताच या शोशी संबंधित अनेक चर्चांचा फेरा सुरू झाला आहे.
सोशल मीडियावर ‘बॉयकॉट लायगर’ची मागणी, विजय देवरकोंडा ट्विट करत म्हणाला ‘आम्ही लढू...’
ट्विटरवर अचानक अभिनेता विजय देवरकोंडा याच्या 'लायगर' या चित्रपटावर बहिष्कार टाकण्याची मागणी सुरू झाली आहे. करण जोहरमुळे आधीच अनेकांनी चित्रपटावर बहिष्कार टाकला होता, तर काही लोक विजय देवरकोंडा यांच्या वक्तव्यावर संतापले होते. विजय 'लाल सिंह चड्ढा' आणि आमिर खानच्या समर्थनार्थ बोलला होता. या सगळ्यादरम्यान विजय देवरकोंडा यांनी एक ट्विट केले आहे, जे आता खूप व्हायरल होत आहे.
विजय म्हणतो, आम्ही लढू!
बॉयकॉट ट्रेंड दरम्यान, विजय देवरकोंडा याने एक ट्विट केले आहे. त्याचे हे ट्विट बॉयकॉट ‘लायगर’ ट्रेंडशी जोडले जात आहे. तथापि, विजयने त्याच्या ट्विट बॉयकॉट ट्रेंडचा कुठेही उल्लेख केलेला नाही. पण आपण ही लढाई लढण्यास तयार असून इतरांची चिंता करत नसल्याचे त्याने म्हटले आहे.
Manam Correct unnapudu
— Vijay Deverakonda (@TheDeverakonda) August 20, 2022
Mana Dharmam manam chesinapudu
Evvadi maata vinedhe ledu.
Kotladudham 🔥#Liger
अमृता खानविलकरचा दिलखेचक अंदाज!
View this post on Instagram
महत्त्वाच्या बातम्या
ट्रेंडिंग न्यूज
