Entertainment News Live Updates 20 June : टीव्हीपासून ते बॉलिवूडपर्यंत... मनोरंजन विश्वात काय घडतंय जाणून घ्या एका क्लिकवर!
Entertainment Live : मनोरंजन विश्वात सध्या काय नवं घडतंय, याची देखील सर्वांनाच उत्सुकत असतेच. या माध्यमातून अशाच काही चटपटीत बातम्या आम्ही सगळ्यात आधी तुमच्यापर्यंत पोहचवणार आहोत.
बॉलिवूड अभिनेत्री कंगना रनौतचा धाकड सिनेमा आता झी 5 या ओटीटी प्लॅटफॉर्मवर प्रदर्शित होणार आहे.
Stranger Things Season 4 : वेगवेगळ्या विषयांवरील वेबसीरिज प्रेक्षकांच्या भेटीला येत आहेत. नेटफ्लिक्सवरील 'स्ट्रेंजर थिंग्स' (Stranger Things) ही वेबसीरिज प्रेक्षकांच्या पसंतीस उतरली आहे. 'स्ट्रेंजर थिंग्स'चा चौथा सीझन मात्र नेटफ्लिक्सचा आजवरचा सर्वात धमाकेदार सीझन ठरला आहे. हा सीझन हिंदी, इंग्लिश, तामिळ, तेलुगू या भाषेत प्रेक्षकांच्या भेटीला आला आहे.
बॉलिवूड आणि दाक्षिणात्य अभिनेता आर माधवन (R Madhavan) सध्या 'रॉकेट्री: नांबी इफेक्ट' (Rocketry: The Nambi Effect) या सिनेमामुळे चर्चेत आहे. रिलीजआधीच हा सिनेमा चर्चेत आला आहे. 75 व्या 'कान्स फिल्म फेस्टिव्हल'मध्ये (75th Cannes Film Festival) या सिनेमाचा प्रीमिअर झाला होता. या महोत्सवातदेखील या सिनेमाला प्रेक्षकांचा उत्तम प्रतिसाद मिळाला होता. आता या सिनेमाचे नवे पोस्टर प्रदर्शित झाले आहे.
बॉलिवूड अभिनेत्री शिल्पा शेट्टी (Shilpa Shetty) आणि आग्यश्रीचा मुलगा अभिमन्यू देसानीचा (Abhimanyu Dassani) 'निकम्मा' (Nikamma) हा सिनेमा नुकताच प्रेक्षकांच्या भेटीला आला आहे. पण हा सिनेमा बॉक्स ऑफिसवर जोरदार आपटला आहे. सिनेमा चांगली कमाई करत नसल्याने निर्मात्यांनी या सिनेमाचे अनेक शो रद्द केले आहेत.
Swayamvar Mika Di Vohti : प्रसिद्ध गायक मिका सिंहच्या (Mika Singh) गाण्यांना प्रेक्षकांची पसंती मिळते. लवकरच मिका विवाहबंधनात अडकणार आहे. 'स्टार भारत'च्या 'स्वयंवर: मिका दी वोटी' (Swayamvar: Mika Di Vohti) या शोमधून मिका आपली आयुष्यभराची जोडीदार निवडणार आहे. कालपासून (19 जून) या कार्यक्रमाला सुरुवात झाली. काल 'स्वयंवर: मिका दी वोटी' या कार्यक्रमाचा पहिला एपिसोड प्रेक्षकांच्या भेटीस आला. या एपिसोडचा एक व्हिडीओ सध्या सोशल मीडियावर व्हायरल होत आहे. या व्हिडीओमध्ये मिकाच्या स्वयंवरात आलेल्या दोन मुलींमध्ये भांडण झालेलं दिसत आहे.
वेबविश्वाला हादरून लावणाऱ्या अभिजित पानसे लिखित, दिग्दर्शित ‘रानबाजार’ने अल्पावधितच ओटीटी प्लॅटफॉर्म गाजवला. कदाचित असं काही घडलं होतं, असा मनात विचार आणणाऱ्या या वेबसीरिजची क्षणोक्षणी रंजक वळणावर नेणारी दमदार कथा आणि तगड्या स्टारकास्टने अक्षरशः खळबळ माजवली. प्लॅनेट मराठी, अ व्हिस्टास मीडिया कॅपिटल कंपनी, रावण फ्युचर प्रॅाडक्शन, अभिजित पानसे, अनिता पालांडे निर्मित ‘रानबाजार’ला अल्पावधितच असंख्य व्ह्यूज मिळाले. सबस्क्राइबर्सच्या संख्येतही लक्षणीय वाढ झाली. टिझर बघून मनात अनेक प्रश्न निर्माण झालेल्या अनेकांनी वेबसीरिज पाहून, त्याचे भरभरून कौतुक केले. अशा या भव्य, आंतरराष्ट्रीय दर्जाच्या वेबसीरिजने आपल्या या यशाचे नुकतेच धुमधडाक्यात सेलिब्रेशन केले. हा योगायोग जुळून आला ‘रानबाजार’चे निर्माता आणि प्लॅनेट मराठी ओटीटीचे प्रमुख, संस्थापक अक्षय बर्दापूरकर यांच्या वाढदिवसाच्या निमित्ताने. या वेळी ‘रानबाजर’च्या संपूर्ण टीमसह सिनेसृष्टीतील अनेक कलाकार उपस्थित होते. या वेळी दोन्ही क्षण दणक्यात साजरे करण्यात आले.
Swathi Sathish Surgery : कलाकार हे त्यांच्या चेहऱ्याची काळजी घेतल असतात. कलाकार हे प्लास्टिक सर्जरी करण्याआधी किंवा कोणतीही सर्जरी करण्याआधी अनेकदा विचार करतात. अनेक वेळा सर्जरी प्लास्टिक केल्यानं सेलिब्रिटींचा चेहरा बिघडतो. नुकताच कन्नड अभिनेत्री स्वाती सतीशचा (Swathi Sathish) चेहरा प्लास्टिक सर्जरीमुळे बिघडला आहे. स्वातीनं रुट कॅनल सर्जरी केली होती. या चुकीच्या सर्जरी ट्रीटमेंटमुळे स्वातीचा चेहरा बिघडला आहे. स्वातीचे सर्जरी केल्यानंतरचे काही फोटो सध्या सोशल मीडियावर व्हायरल होत आहेत.
Jug Jugg Jeeyo : प्रसिद्ध अभिनेता वरुण धवन (Varun Dhawan), कियारा आडवाणी (Kiara Advani), अनिल कपूर (Anil Kapoor) आणि नीतू कपूर (Neetu kapoor) यांचा जुग जुग जियो (Jug Jugg Jeeyo) हा चित्रपट 24 जून रोजी रिलीज होणार आहे. सध्या या चित्रपटाची टीम या सिनेमाचे प्रमोशन करत आहे. या चित्रपटाची निर्मिती करण जोहरनं (karan Johar) केली आहे. पण जुग जुग जियो चित्रपट रिलीज होण्याआधी या चित्रपटाचं स्क्रीनिंग हे कोर्टामध्ये करण्याचा आदेश रांची कोर्टानं दिला आहे.
पहा दगडी चाळ-2 चा टीझर
Shabaash Mithu Trailer : बॉलिवूडची लोकप्रिय अभिनेत्री तापसी पन्नू (Taapsee Pannu) सध्या अभिनयानं नेहमीच प्रेक्षकांची मनं जिंकते. आता लवकरच तिचा 'शाबास मिथू' (Shabaash Mithu) हा चित्रपट प्रेक्षकांच्या भेटीस येणार आहे. या चित्रपटात तापसी भारतीय क्रिकेटर मिताली राजच्या (Mithali Raj) भूमिकेत दिसणार आहे. या चित्रपटाचा ट्रेलर नुकताच प्रदर्शित झाला आहे. तापसीनं 'शाबास मिथू' चा ट्रेलर सोशल मीडियावर शेअर केला आहे.
पाहा ट्रेलर
Taarak Mehta Ka Ooltah Chashmah : ‘तारक मेहता का उल्टा चश्मा’ (Taarak Mehta Ka Ooltah Chashmah) या छोट्या पडद्यावर प्रसिद्ध मालिकेला प्रेक्षकांची विशेष पसंती मिळाली. या मालिकेमध्ये दया ही भूमिका साकारणाऱ्या अभिनेत्री दिशा वकानीच्या (Disha Vakani) अभिनयाला प्रेक्षकांची पसंती मिळाली. पण गेल्या पाच वर्षांपासून दिशा ही या मालिकेमध्ये काम करत नाहीये. दया ही आता पुन्हा या शोमध्ये परतणार आहे, असं म्हटलं जात आहे. अभिनेत्री राखी विजन (Rakhi Vijan) ही दया ही भूमिका साकारणार आहे, अशी चर्चा गेल्या काही दिवसांपासून सोशल मीडियावर सुरु होती. पण आता राखीनं सोशल मीडियावर एख पोस्ट शेअर करुन या चर्चांना पूर्णविराम दिला आहे.
अयान मुखर्जीची पोस्ट:
पार्श्वभूमी
Entertainment Live : मनोरंजन विश्व म्हटलं की, रोज नवनवे गॉसिप हे आलेच. याशिवाय रोज मालिकांमध्ये काय घडतंय? बॉलिवूड विश्वात सध्या काय सुरु आहे? आपल्या लाडक्या अभिनेत्री आणि अभिनेत्यांच्या आयुष्यात काय सुरु आहे, या सगळ्याची संपूर्ण आणि जलद माहिती आम्ही तुम्हाला देणार आहोत. आपल्या लाडक्या सेलेब्सबद्दल जाणून घेण्यासाठी सगळेच चाहते उत्सुक असतात. इतकंच नाही तर मनोरंजन विश्वात सध्या काय नवं घडतंय, याची देखील सर्वांनाच उत्सुकत असतेच. या माध्यमातून अशाच काही चटपटीत बातम्या आम्ही सगळ्यात आधी तुमच्यापर्यंत पोहचवणार आहोत.
सुप्रीम कोर्टाने रद्द केलेलं कलम का लावलं?, महाराष्ट्रातील वरिष्ठ पोलीस अधिकाऱ्याने कळवा पोलिसांकडे उत्तर मागितलं
राष्ट्रवादी काँग्रेसचे अध्यक्ष शरद पवार यांच्याविरोधात सोशल मीडियावर आक्षेपार्ह पोस्ट केल्याप्रकरणी मराठी अभिनेत्री केतळी चितळेला अटक करण्यात आली. तिच्यावर माहिती तंत्रज्ञान कायद्याचं कलम 66 (अ) लावल्यावरुन आता पोलीस अडचणीत आले आहेत. महाराष्ट्र पोलिसातील वरिष्ठ अधिकाऱ्याने या प्रकरणात कळवा पोलीस स्टेशनमधील जबाबदार अधिकाऱ्याने केतकी चितळेविरुद्ध माहिती तंत्रज्ञान कायद्याचं कलम 66 (अ) का लावलं याचं उत्तर आणि अहवाल मागितला आहे.
सिद्धू मूसेवालाच्या गाण्याचा नवा विक्रम, ‘बिलबोर्ड 200’च्या यादीत ‘295’ला मिळाले मानाचे स्थान!
पंजाबी गायक सिद्धू मूसेवाला यांची फॅन फॉलोइंग देशातच नाही, तर परदेशातही आहे. आता सिद्धू मूसेवालांच्या '295' या गाण्‍याने जागतिक ‘बिलबोर्ड 200’च्या यादीमध्‍ये स्थान निर्माण केले आहे. मात्र, हे यश पाहायला सिद्धू आज आपल्यात नाहीत. या विक्रमानंतर चाहते त्‍यांची आठवण करून भावूक होत आहेत आणि सोशल मीडियावर आपल्या प्रतिक्रिया देत आहेत. या आठवड्यात सिद्धू मूसेवाला यांचे ‘295’ हे गाणे जागतिक बिलबोर्ड यादीत 154व्या क्रमांकावर आहे.
कधी काळी बॅकग्राउंड डान्सर म्हणून केलं काम, आता साऊथसह बॉलिवूड गाजवतेय काजल अग्रवाल!
Kajal Aggarwal Birthday : साऊथपासून बॉलिवूड इंडस्ट्रीपर्यंत आपल्या अभिनयाने प्रेक्षकांना मोहित करणारी अभिनेत्री काजल अग्रवाल (Kajal Aggarwal) आज (19 जून) आपला 37वा वाढदिवस साजरा करत आहे. अभिनेत्रीने तिच्या करिअरची सुरुवात बॉलिवूड चित्रपटातून केली होती. मात्र, साऊथ इंडस्ट्रीने तिला खरी ओळख मिळवून दिली. साऊथमध्ये आपल्या अभिनयाचा जलवा दाखवल्यानंतर अभिनेत्री काजळ अग्रवालने 2011मध्ये पुन्हा एकदा बॉलिवूडमध्ये कमबॅक केले आणि बॉलिवूडविश्वही गाजवले.
काजल अग्रवालचा जन्म 19 जून 1985 रोजी मुंबईत झाला. अभिनेत्रीने मास मीडिया विषयामध्ये पदवी मिळवली आहे. काजलला बालपणापासूनच नृत्य आणि अभिनयाची आवड होती. यामुळे तिने ‘बॅकग्राउंड डान्सर’ म्हणून करिअरला सुरुवात केली होती.
- - - - - - - - - Advertisement - - - - - - - - -