Entertainment News Live Updates 11 December : टीव्हीपासून ते बॉलिवूडपर्यंत... मनोरंजन विश्वात काय घडतंय जाणून घ्या एका क्लिकवर!
Entertainment Live : मनोरंजन विश्वात सध्या काय नवं घडतंय, याची देखील सर्वांनाच उत्सुकता असतेच. या माध्यमातून अशाच काही चटपटीत बातम्या आम्ही सगळ्यात आधी तुमच्यापर्यंत पोहचवणार आहोत.
Drishyam 2 Collection : वर्षातील सर्वाधिक कमाई करणाऱ्या सिनेमांच्या यादीत आता बॉलिवूड अभिनेता अजय देवगणच्या (Ajay Devgn) 'दृश्यम 2' (Drishyam 2) या सिनेमाचा समावेश आहे. हा रहस्यमय सिनेमा प्रेक्षकांचं चांगलच मनोरंजन करत आहे. आता हा सिनेमा 200 कोटींच्या क्लबमध्ये सामील झाला आहे.
Marathi Serial : टीआरपीच्या शर्यतीत 'रंग माझा वेगळा' ही मालिका पहिल्या क्रमांकावर आहे. या मालिकेला 6.8 रेटिंग मिळाले आहे. 'सुख म्हणजे नक्की काय असतं' ही मालिका सध्या लोकप्रियतेच्या शिखरावर असून ही मालिका टीआरपीच्या रेसमध्ये दुसऱ्या स्थानावर आहे. या मालिकेला 6.6 रेटिंग मिळाले आहे. टीआरपी लिस्टमध्ये 'फुलाला सुगंध मातीचा' ही मालिका तिसऱ्या स्थानावर आहे. या मालिकेला 6.4 रेटिंग मिळाले आहे.
Year Ender 2022 : 2022 हे वर्ष बॉलिवूडसाठी (Bollywood) खास ठरलं आहे. या वर्षात अनेक बिग बजेट सिनेमे (Movies) सिनेमागृहात प्रदर्शित झाले. तगडी स्टारकास्ट असूनही हे सिनेमे बॉक्सऑफिसवर सपशेल अपयशी ठरले. तर दुसरीकडे मात्र काही सिनेमे बॉक्स ऑफिसवर आपली जादू दाखवण्यात यशस्वी ठरले. जाणून घ्या 2022 मध्ये कोणते सिनेमे 100 कोटींच्या क्लबमध्ये सामील झाले...
Year Ender 2022 : 'ब्रह्मास्त्र' ते 'Drishyam 2'; 2022 मध्ये 100 कोटींच्या क्लबमध्ये सामील झाले 'हे' सिनेमे
Sai Pallavi Bollywood Debut : गेल्या काही दिवसांपासून बॉक्स ऑफिसवर (Box Office) दाक्षिणात्य सिनेमांचा (South Movies) दबदबा आहे. अनेक दाक्षिणात्य सिनेमे आणि वेबसीरिज हिंदी भाषेत प्रदर्शित होत आहेत. कोरोनानंतर सिनेरसिक जागतिक पातळीवरचे सिनेमे पाहू लागले आहेत. हिंदी सिनेसृष्टीत दाक्षिणात्य सिनेमे धुमाकूळ घालत असताना आता दाक्षिणात्य अभिनेत्री साई पल्लवी (Sai Pallavi) बॉलिवूडमध्ये झळकण्यासाठी सज्ज आहे.
Milind Soman : अभिनेता मिलिंद सोमण (Milind Soman) कधी मॉडेलिंगमुळे तर कधी फोटोशूटमुळे चर्चेत असतो. आता पुन्हा एकदा तो एका जाहिरातीमुळे चर्चेत आला आहे. मिलिंदने खास पुरुषांसाठी असणाऱ्या भांडी घासायच्या साबणाची जाहिरात केली आहे. ही जाहिरात त्याने सोशल मीडियावर शेअर केली आहे.
Hetal Dave Biopic : बॉलिवूडमध्ये सध्या बायोपिकचा (Biopic) ट्रेंड सुरू आहे. त्यामुळे जगभरातील वेगवेगळ्या व्यक्तींची आयुष्य प्रेक्षकांना आता रुपेरी पडद्यावर पाहायला मिळत आहेत. सत्य घटनांवर आधारित सिनेमा बनवण्यावर निर्मात्यांचा भर आहे. आता देशातील एकमेव महिला सुमो रेसलर (Sumo Wrestler) हेतल दवे (Hetal Dave) यांच्या आयुष्यावर वेब-सीरिज (Web Series) येणार आहे.
Dilip Kumar 100th Birth Anniversary : बॉलिवूडचे सुपरस्टार दिलीप कुमार (Dilip Kumar) यांची आज 100 वी जयंती आहे. भारतीय सिनेसृष्टीत दिलीप कुमार 'ट्रॅजेडी किंग' म्हणून ओळखले जायचे. त्यांना पद्मभूषण, पद्मविभूषणसह अनेक पुरस्कारांनी सन्मानित करण्यात आले आहे.
पार्श्वभूमी
Entertainment Live : मनोरंजन विश्व म्हटलं की, रोज नवनवे गॉसिप हे आलेच. याशिवाय रोज मालिकांमध्ये काय घडतंय? बॉलिवूड विश्वात सध्या काय सुरु आहे? आपल्या लाडक्या अभिनेत्री आणि अभिनेत्यांच्या आयुष्यात काय सुरु आहे, या सगळ्याची संपूर्ण आणि जलद माहिती आम्ही तुम्हाला देणार आहोत. आपल्या लाडक्या सेलेब्सबद्दल जाणून घेण्यासाठी सगळेच चाहते उत्सुक असतात. इतकंच नाही तर मनोरंजन विश्वात सध्या काय नवं घडतंय, याची देखील सर्वांनाच उत्सुकत असतेच. या माध्यमातून अशाच काही चटपटीत बातम्या आम्ही सगळ्यात आधी तुमच्यापर्यंत पोहचवणार आहोत.
पाकिस्तानी वेब सीरिज 'सेवक' वरुन होतोय गोंधळ; काय आहे नेमकं प्रकरण?
Pakistani Web Series Sevak Controversy : पाकिस्तानमध्ये कट्टरतावाद शिगेला पोहोचला आहे. येथील हिंदूंची अवस्था कोणापासून लपलेली नाही. दररोज हिंदू आणि शीखांवर अत्याचाराच्या बातम्या येत असतात. हिंदूंचे जबरदस्तीने धर्मांतर केले जाते. हिंदूंच्या मुलींना उचलून नेले जाते आणि त्यांना मुस्लिम बनवून त्यांचे लग्न लावले जाते. इतके अत्याचार होऊनही पाकिस्तानातील कट्टरतावाद्यांमध्ये हिंदूंबद्दलचा द्वेष कमी होताना दिसत नाही. तेथील कट्टरतावाद्यांना हिंदूंबद्दल किती द्वेष आहे, याचा अंदाज पाकिस्तानात बनवलेल्या वेबसीरिजवरून लावता येतो. या वेब सिरीजचे नाव 'सेवक - द कन्फेशन' (Sevak The Confession) असे ठेवण्यात आले आहे. नुकताच या वेब सीरिजचा ट्रेलर लाँच करण्यात आला असून, त्यामुळे बराच गदारोळ झाला आहे.
Sulochana Chavan : ज्येष्ठ लावणीसम्राज्ञी सुलोचना चव्हाण अनंतात विलीन
Sulochana Chavan : ज्येष्ठ लावणीसम्राज्ञी सुलोचना चव्हाण (Sulochana Chavan) यांच्यावर मुंबई येथे शासकीय इतमामात अंत्यसंस्कार करण्यात आले. यावेळी त्यांचे पुत्र विजय चव्हाण यांनी त्यांना मुखाग्नी दिला. यावेळी शिक्षणमंत्री दीपक केसरकर, सुलोचनाबाई यांच्या कुटुंबातील सदस्य तसेच इतर अनेक कलावंत उपस्थित होते.
Goshta Eka Paithanichi : 'गोष्ट एका पैठणीची'च्या शोला नाशिककरांचा उत्स्फूर्त प्रतिसाद
Goshta Eka Paithanichi : नुकताच प्रदर्शित झालेला राष्ट्रीय पुरस्कार विजेता सिनेमा 'गोष्ट एका पैठणी'ची (Goshta Eka Paithanichi) या चित्रपटाची सध्या सगळीकडे चर्चा आहे. दुसऱ्या आठवड्यातही चित्रपटाला प्रेक्षकांचा अगदी भरभरून प्रतिसाद मिळतोय. चित्रपटातील मुख्य भूमिका इंद्रायणीचा हा स्वप्नवत प्रवास सगळ्यांनाच फार आवडतोय. नाशिकमध्ये 'राम बंधू' आयोजित या चित्रपटाच्या विशेष कार्यक्रमाला सुद्धा नाशिककरांचा उत्स्फूर्त प्रतिसाद मिळाला.
- - - - - - - - - Advertisement - - - - - - - - -