आधी लिव्हर कॅन्सरवर मात, पण पुन्हा पोटात आढळली गाठ; अभिनेत्रीवर शस्त्रक्रिया, आता प्रकृती कशी?

Dipika Kakars Successful Operation: दीपिका कक्करच्या पोटात गाठ तयार झाली होती. तिच्यावर नुकतीच शस्त्रक्रिया पार पडली.

Dipika Kakar 13mm abdominal cyst surgery update

Source : Canva

Dipika Kakar 13mm abdominal cyst surgery update: गेल्या काही दिवसांपासून अभिनेत्री दीपिका कक्कर  तिच्या आरोग्याच्या समस्येमुळे प्रचंड त्रस्त आहे. तिच्या पोटात गाठ तयार झाली होती. दीपिकावर नुकतीच शस्त्रक्रिया पार पडली. तिच्या प्रकृतीत  सुधारणा होत असल्याची माहिती समोर आली आहे. दरम्यान, अलिकडेच तिनं एक व्लॉग शूट केला होता. या व्लॉगमधून तिनं पोटात 13  मिमीचा गाठ आढळला असल्याची माहिती दिली.  डॉक्टरांनी तपासून पोटात सिस्ट तयार झाले असल्याचे सांगितले. 24  फेब्रुवारी रोजी तिच्यावर शस्त्रक्रिया पार पडली.  आता पती शोएब  इब्राहिम याने पत्नी दीपिकाच्या तब्येतीविषयी माहिती दिली.  दरम्यान, चाहत्यांनी तिच्या प्रकृतीबाबत चिंता व्यक्त केली आहे. 

2025 मध्ये दीपिका कक्करला यकृताचा कर्करोग झाल्याचे निदान झाले होते.  काही महिन्यांपासून तिच्यावर उपचार सुरू होते.  कर्करोगातून बरी झाल्यानंतर, ती ओरल टारगेटेड थेरपी घेत होती, जेणेकरुन कॅन्सरचा त्रास पुन्हा उद्भवू नये. दरम्यान,  अलिकडेच तिच्या शरीरातून एका  नव्या आजाराने डोकं वर काढलं.  तिच्या पोटात गाठ तयार झाली. पोटातील सिस्टमुळे ती प्रचंड घाबरली होती. कारण या आजाराची लक्षणे लिव्हर कॅन्सरसारखीच होती.  

यानंतर तिच्यावर छोटी शस्त्रक्रिया पार पडली. दरम्यान, शोएब इब्राहिमने दीपिका कक्करच्या प्रकृतीबाबत माहिती शेअर केली आहे. शोएब इब्राहिमने दीपिका कक्करच्या इन्स्टाग्राम स्टोरीवर हेल्थ अपडेट शेअर केली आहे. त्यानं स्टोरीवर लिहिले की, 'अल्लाहच्या कृपेने आणि तुमच्या प्रार्थनांमुळे दीपिकाच्या तब्येतीत  सुधारणा होत आहे. तिची शस्त्रक्रिया पूर्ण झाली आहे.  सर्व काही व्यवस्थित झाले आहे. तिची  तब्येत आता ठीक आहे. काळजी करण्यासारखे आता काही नाही.  तुमच्या सर्वांच्या प्रार्थनेसाठी पु्न्हा एकदा धन्यवाद', असं त्यानं पोस्टमध्ये लिहिलं आहे. 

 

 

 

 

 

 

View this post on Instagram

 

 

 

 

 

 

 

 

 

 

 

A post shared by Dipika (@ms.dipika)

गेल्या एक वर्षांपासून दीपिका कक्कर आरोग्याच्या समस्यांना तोंड देत आहे.  या कारणामुळे ती काळ  अभिनयापासून दूर होती.  मे 2025 मध्ये  तिला लिव्हर कॅन्सर झाल्याचे निदान झाले. यकृताचा कर्करोग हा दुसऱ्या टप्प्यात होता.  यासाठी दीपिकावर शस्त्रक्रिया करण्यात आली.  तिच्या यकृताचा 22 टक्के भाग काढून टाकण्यात आला. दीपिका शेवटी  सेलिब्रिटी मास्टर शेफ  या कार्यक्रमात दिसली होती. परंतु, तब्येत बिघडल्यामुळे तिला मध्येच हा शो सोडावा लागला होता.