Dharmaveer 2 : जो हिंदू हित की बात करेगा, वही देश पर राज करेगा; 'धर्मवीर-2' ची रिलीज डेट जाहीर

Dharmaveer 2 Trailer Out : 'धर्मवीर-2' चित्रपटाचा नवीन ट्रेलर समोर आला असून चित्रपटाच्या रिलीज डेटची घोषणा करण्यात आली आहे. 'धर्मवीर-2' 27 सप्टेंबरला चित्रपटगृहात दाखल होणार आहे.

Dharmaveer 2 Release Date Trailer Out

Source : youtube

Dharmaveer 2 Release Date Update : 'धर्मवीर-2' चित्रपटाची चाहते आतुरतेने वाट पाहत आहेत. आता या चित्रपटाच्या रिलीज डेटबाबत अपडेट समोर आली आहे.'धर्मवीर-2' चित्रपटाचा नवा ट्रेलर समोर आला असून चित्रपट प्रदर्शनाची तारीख जाहीर करण्यात आली आहे. 'धर्मवीर-2' चित्रपट येत्या 27 सप्टेंबर 2024 रोजी चित्रपटगृहात प्रदर्शित होणार आहे. याआधी चित्रपटाची रिलीज डेट पुढे ढकलण्यात आली होती, मात्र आता चित्रपटाला मुहूर्त सापडला आहे.

धर्मवीर 2 चा नवा धमाकेदार ट्रेलर लाँच

धर्मवीर 2 चित्रपटाचा नवा धमाकेदार ट्रेलर लाँच करण्यात आला आहे. यामध्ये 'जो हिंदू हित की बात करेगा, वही देशपर राज करेगा' अशी गर्जना करणारे धर्मवीर आनंद दिघे साहेब दिसत आहेत.  धर्मवीर - 2 या चित्रपटात धर्मवीर आनंद दिघे साहेब धर्मवीर आनंद दिघे साहेबांच्या जीवनातील आणखी पैलू उलगडणार आहेत. या चित्रपटाच्या ट्रेलरमुळे अंगावर अक्षरशः काटा येत आहे.  प्रेक्षकांमध्ये धर्मवीर 2 प्रदर्शित होण्याची प्रचंड उत्सुकता निर्माण झाली आहे.

प्रवीण तरडेवर दिग्दर्शनाची जबाबदारी

धर्मवीर - 2 या चित्रपटाची निर्मिती झी स्टुडिओज आणि साहील मोशन आर्ट्स या निर्मिती संस्थेचे उमेश कुमार बन्सल आणि मंगेश देसाई यांनी केली आहे. तर लेखन आणि दिग्दर्शनाची जबाबदारी प्रवीण तरडे यांनी निभावली आहे. प्रसाद ओक, क्षितीश दाते यांच्या या चित्रपटात प्रमुख भूमिका आहेत. 

टीजर, ट्रेलरला तुफान प्रतिसाद

चित्रपटाच्या या पूर्वी प्रदर्शित केलेल्या टीजर, ट्रेलरला तुफान प्रतिसाद मिळाला आहे. चित्रपटाची गाणीही ट्रेंडमध्ये आहेत. त्यानंतर आता चित्रपटाचा आणखी एक नवा ट्रेलर लाँच करण्यात आला आहे. ट्रेलरला प्रेक्षकांकडून तुफान प्रतिसाद मिळत असून हा चित्रपट मराठी आणि हिंदी या दोन भाषांमध्ये देशभरात प्रदर्शित केला जाणार आहे. संगीतकार चिनार महेश आणि अविनाश विश्वजित यांनी धर्मवीर 2 मधील गाण्यांचं संगीत दिग्दर्शन केलं आहे. 

नव्या ट्रेलरमधून दिघेसाहेबांची विविध रुपं दाखवण्यात आली आहेत. सर्वसामान्यांसाठी झटणारे, अन्याय रोखणारे, महिलांना न्याय मिळवून देणारे, धर्मासाठी लढणारे दिघेसाहेब या गाण्यात दिसतात. त्याशिवाय हिंदुत्त्वाची गोष्ट उलगडण्यात आली आहे. त्यामुळे हिंदुत्त्वाविषयी थेट आणि आक्रमक भूमिका घेणारे साहेब यात दिसतात. म्हणूनच आता चित्रपटात काय कथानक उलगडणार याच कुतुहल निर्माण झाले आहे.

महत्त्वाच्या इतर बातम्या :