Deool Band 2 Box Office Collection: 'देऊळ बंद 2' चा बॉक्स ऑफिसवर धुमाकूळ; रितेश देशमुखच्या फिल्मला कमाईत मागं टाकलं; आत्तापर्यंतची कमाई किती?
या चित्रपटातील प्रत्येक पात्राची, भूमिकेची दखल प्रेक्षक घेत आहेत. वीकेंडला हा चित्रपट कमाईचे किती रेकॉर्ड मोडणार ? याकडे प्रेक्षकांचे लक्ष आहे.
Deool Band 2 Box Office Collection: प्रवीण तरडे लिखित व दिग्दर्शित 'देऊळ बंद 2' (Deool Band 2) चित्रपट सध्या बॉक्स ऑफिसवर धुमाकूळ घालतोय. ( Box Office Collection) रिलीजच्या अवघ्या 9 दिवसात या चित्रपटाने भारतभरात 39.15 कोटी रुपयांचा कलेक्शनचा आकडा गाठलाय. प्रदर्शनाच्या पहिल्याच आठवड्यात या चित्रपटाने 5 चित्रपटांना मागे टाकलं आहे. दुसऱ्या शुक्रवारी 3.10 कोटी रुपये या चित्रपटाने कमावले. या चित्रपटाला महाराष्ट्रभरातून प्रचंड प्रतिसाद मिळतोय. विशेषतः मुंबई -पुण्यात या चित्रपटाचे सर्वाधिक शो लागले आहेत. या चित्रपटातील प्रत्येक पात्राची, भूमिकेची दखल प्रेक्षक घेत आहेत. वीकेंडला हा चित्रपट कमाईचे किती रेकॉर्ड मोडणार ? याकडे प्रेक्षकांचे लक्ष आहे.
'देऊळ बंद 2' चित्रपटाची आत्तापर्यंतची कमाई (Deool Band 2)
मोहन जोशी, स्नेहल तरडे यांच्यासह अनेक दिग्गज कलाकारांची फौज असणारा देऊळ बंद 2 या चित्रपटाने अवघ्या एका आठवड्यामध्ये 39.15 कोटी रुपयांचं ग्रॉस कलेक्शन केलं आहे. प्रदर्शनाच्या नवव्या दिवशी या चित्रपटाने 3.10 कोटींचं नेट कलेक्शन केलं. देशभरात 1,875 शोजमध्ये मराठी चित्रपटातील सर्वाधिक प्रेक्षक संस्थेसह हा चित्रपट पाहिला जातोय. सॅकनिल्कने दिलेल्या आकडेवारीनुसार, पहिल्या आठवड्यात देऊळ बंद 2 चित्रपटाने 30.20 कोटी रुपयांचा गल्ला केला होता.
मुंबईत शुक्रवारी 606 शोजमध्ये तर पुण्यात 395 शोजमध्ये हा चित्रपट पाहिला गेला. या चित्रपटाची सर्वसाधारण प्रेक्षक संख्या 37.5% ते 26.0% एवढी होती. पहिल्याच आठवड्यात या चित्रपटाला प्रेक्षकांनी अक्षरशः डोक्यावर घेतला आहे. या चित्रपटाने रितेश देशमुखच्या 'लय भारी ' सिनेमाला कलेक्शनमध्ये मागे सोडलं आहे. 'पावनखिंड' चित्रपटाचा रेकॉर्डही देऊळ बंद 2 ने मोडीत काढला आहे. सर्वाधिक कमाई करणाऱ्या चित्रपटांच्या यादीत देऊळ बंद 2 चित्रपट सहाव्या क्रमांकावर पोहोचलाय . या चित्रपटाने टाइमपास, ठाकरे, कट्यार काळजात घुसली, लय भारी, पावनखिंड या चित्रपटांचे रेकॉर्ड पहिल्या आठवड्यातच मोडले आहेत. या चित्रपटाचा प्रवास किती कोटींपर्यंत पोहोचतो ? हे पाहणे प्रेक्षकांसाठी कुतूहलाचे आहे.
सर्वाधिक कमाई करणाऱ्या चित्रपटांची यादी
1. राजा शिवाजी - 94.04 कोटी (नेट )
2. सैराट - 90 कोटी
3. बाई पण भारी देवा -78.28 कोटी
4. वेड _62.2 कोटी
5. नटसम्राट -42 कोटी
6. देऊळ बंद 2 - 39.15 कोटी
7. पावनखिंड -37.72 कोटी
8. लय भारी -37 कोटी
9. कट्यार काळजात घुसली -35 कोटी
10. ठाकरे -31 कोटी
11. टाइमपास -30 कोटी
महत्त्वाच्या बातम्या
